TV
సుప్రీం తీర్పు కూటమికి చెంపపెట్టు
నాయుడుపేటటౌన్‌ : సీనియర్‌ పాత్రికేయుడు కొమ్మినేని శ్రీనివాసరావు అరెస్టు విషయంలో సుప్రీంకోర్టు తీర్పు కూటమి ప్రభుత్వానికి చెంపపెట్టు లాంటిదని సూళ్లూరుపేట మాజీ ఎమ్మెల్యే కిలివేటి సంజీవయ్య పేర్కొన్నారు. నాయుడుపేట పట్టణంలోని వైఎస్సార్‌సీపీ క్యాంపు కార్యాలయంలో శుక్రవారం సంజీవయ్య మాట్లాడారు. ప్రశ్నించే గొంతును నొక్కే విధంగా కక్ష పూరిత రాజకీయ నిర్ణయాలను సమాజం కాని న్యాయస్థానాలు హర్షించవన్నారు. పత్రికాస్వేచ్ఛను కాలరాసే విధంగా చేస్తున్న దాడులు, దుర్మార్గంగా వ్యవహరిస్తున్న కూటమి ప్రభుత్వానికి సుప్రీం తీర్పు కనువిప్పు కావాలని సంజీవయ్య హితవు పలికారు.
