చైన్నె మెట్రో రైలు, ఎన్‌ఎల్‌సీ విస్తరణ సహా 7 కీలక ప్రాజెక్టులకు భూసేకరణ త్వరితగతిన చేపట్టాలని అధికారులను సీఎం విజయ్‌ ఆదేశించారు. అలాగే, బాధితులకు నష్టపరిహారాన్ని ఆయా సంస్థలే చెల్లిస్తాయని ప్రకటించారు.

సాక్షి, చైన్నె : చైన్నె మెట్రో రైలు, కూడంకులం అణు విద్యుత్‌ ప్రాజెక్ట్‌, ఎన్‌ఎల్‌సీ గనుల విస్తరణ, కడలూరు, చెయ్యార్‌ సిప్‌కాట్‌ పారిశ్రామిక వాడలు సహా తమిళనాడు వ్యాప్తంగా 7 కీలక ప్రాజెక్టుల కోసం భూములను సేకరించాలని తమిళనాడు ప్రభుత్వం అధికారికంగా ఆదేశాలు జారీ చేసింది. సీఎం విజయ్‌ ఆదేశాల మేరకు ు భూపరిపాలనా కమిషనర్‌ రాజేష్‌ లఖాని గెజిట్‌ నోటిఫికేషన్‌ను విడుదల చేశారు.

జనవరిలో సీఎం విజయ్‌ స్విట్జర్లాండ్‌ పర్యటన

సీఎం విజయ్‌ మరోసారి విదేశీ పర్యటనకు సిద్ధమవుతున్నారు. వచ్చే ఏడాది జనవరిలో స్విట్జర్లాండ్‌లోని దావోస్‌లో జరగనున్న ప్రపంచ ఆర్థిక వేదిక సమావేశంలో ఆయన ప్రత్యక్షంగా పాల్గొననున్నారు. ఈ పర్యటన ద్వారా తమిళనాడులో పారిశ్రామిక పెట్టుబడులు, అభివృద్ధి కార్యకలాపాలకు అంతర్జాతీయ స్థాయిలో మరింత ప్రాధాన్యత లభిస్తుందని భావిస్తున్నారు. సీఎం సి. జోసెఫ్‌ విజయ్‌ వచ్చే ఏడాది జనవరి 18 నుండి 22 వరకు స్విట్జర్లాండ్‌లోని దావోస్‌ క్లోస్టర్స్‌లో అధికారికంగా పర్యటించనున్నారు. ఇప్పటివరకు ఇలాంటి అంతర్జాతీయ సదస్సులకు పరిశ్రమలశాఖ మంత్రులు మాత్రమే హాజరయ్యేవారు. అయితే, తొలిసారిగా సీఎం స్వయంగా ఈ కార్యక్రమానికి హాజరుకానుండటం రాజకీయంగా, పారిశ్రామిక వర్గాల్లో ఎంతో ప్రాధాన్యత సంతరించుకుంది. పారిశ్రామిక అభివృద్ధి కోసం రాజకీయ నాయకత్వం నేరుగా రంగంలోకి దిగడానికి ఇది చక్కని వేదిక కానుంది. ప్రపంచవ్యాప్తంగా ఉన్న ప్రముఖ రాజకీయ, వ్యాపార దిగ్గజాలు, అంతర్జాతీయ సంస్థలు, విద్యావేత్తలు , మీడియా ప్రతినిధులు ఈ సదస్సులో పాల్గొననున్నారు. ఆర్థిక వ్యవస్థ, పెట్టుబడులు, పారిశ్రామికాభివృద్ధి, ప్రపంచ సమస్యలకు కొత్త పరిష్కారాలను కనుగొనడంపై ఈ వేదికపై విస్తృతంగా చర్చిస్తారు. ప్రపంచ దేశాల మధ్య పెట్టుబడుల కోసం పోటీ తీవ్రమవుతున్న తరుణంలో, తమిళనాడును గ్లోబల్‌ ఇన్వెస్ట్‌మెంట్‌ డెస్టినేషన్‌గా నిలబెట్టేందుకు ఈ పర్యటన దోహదపడుతుందని ప్రభుత్వం పేర్కొంది. ముఖ్యంగా భవిష్యత్తులో వేగంగా వృద్ధి చెందే పరిశ్రమలను ఆకర్షించేందుకు, మౌలిక సదుపాయాలను బలోపేతం చేసేందుకు ఈ సదస్సు ఎంతగానో ఉపయోగపడుతుందని సీనియర్‌ ప్రభుత్వ అధికారులు తెలిపారు.

ప్రాజెక్టుల వివరాలు..

అధికారులకు సీఎం విజయ్‌ ఆదేశాలు