TV
సూర్యాపేట అర్బన్‌ : ఓటరు జాబితా ప్రత్యేక సమగ్ర సర్వే (ఎస్‌ఐఆర్‌)ను రద్దుచేయాలని పీడీఎస్‌యూ రాష్ట్ర ప్రధాన కార్యదర్శి పొడపంగి నాగరాజు డిమాండ్‌ చేశారు. సర్‌ పేరుతో ఓటర్లను తొలగించడాన్ని ఖండిస్తూ ఆ సంఘం జిల్లా కమిటీ ఆధ్వర్యంలో సూర్యాపేట లోని 100 ఫీట్ల రోడ్డు నుంచి ఎన్‌హెచ్‌–65 వరకు నిరసన ర్యాలీ నిర్వహించారు. ఈ సందర్భంగా ఆయన మాట్లాడుతూ దేశవ్యాప్తంగా తొలగించిన ఓట్లకు బాధ్యత వహిస్తూ భారత చీఫ్‌ ఎలక్షన్‌ కమిషనర్‌ జ్ఞానేశ్‌ కుమార్‌ రాజీనామా చేయాలన్నారు. ఈ కార్యక్రమంలో పీడీఎస్‌యూ జిల్లా అధ్యక్షుడు పుల్లూరి సింహాద్రి, నాయకులు ప్రవీణ్‌, వినయ్‌, మహేష్‌, నవీన్‌, రాజు, పవన్‌, ప్రశాంత్‌, కిషోర్‌, భార్గవ్‌, రాజు తదితరులు పాల్గొన్నారు.
