TV
దుబ్బాక: బీసీల హక్కుల సాధన కోసం రాజకీయాలకు అతీతంగా మరో ఉద్యమాన్ని చేపట్టాల్సిన అవసరం ఉందని బీసీ సంఘాల అఖిల పక్షం నాయకులు స్పష్టం చేశారు. మంగళవారం దుబ్బాకలో అన్ని రాజకీయపార్టీల బీసీ నాయకులతో ప్రత్యేక సమావేశం నిర్వహించారు. ఈ సందర్భంగా అక్టోబర్‌9న దుబ్బాక నియోజకవర్గంలో బీసీ ల హక్కుల సాధన కోసం ఉద్యమాన్ని చేపట్టాలని నిర్ణయించుకున్నారు. ఉద్యమంలో బీసీ సర్పంచ్‌లు, ఉప సర్పంచులు, ప్రజా ప్రతినిధులు పాల్గొనాలన్నారు సమావేశంలో నాయకులు బంగారయ్య, మచ్చ శ్రీనివాస్‌ తదితరులు ఉన్నారు.
