తొలిరోజు ఉదయం 8 గంటలకు దర్శనం

ఇంద్రకీలాద్రిపై రేపటి నుంచి దసరా ఉత్సవాలు ● ప్రతి రోజూ ఆరు సమయాల్లో నివేదనలు ● 17న అర్చక సభ, 18న వేద సభ ● దసరా నేపథ్యంలో తొలిరోజు ఆదివారం మినహా మిగిలిన అన్ని రోజుల్లో తెల్లవారుజామున 3 గంటల నుంచి దర్శనాలు ప్రారంభమై రాత్రి 11 గంటల వరకు కొనసాగుతాయి. సాయంత్రం ఆరు గంటలకు అమ్మవారికి మహా నివేదన, పంచహారతులు, చతుర్వేద స్వస్తి జరుగుతాయి. ● ఉత్సవాల్లో శ్రీదుర్గామల్లేశ్వరస్వామి వార్లకు ప్రతి రోజూ నగరోత్సవ సేవ జరుగుతుంది. ఆలయ ప్రాంగణంలోని రాజగోపురం దిగువ నుంచి శ్రీ గంగా పార్వతి సమేత మల్లేశ్వర స్వామివార్ల ఉత్సవమూర్తులకు విశేషంగా అలంకరించి ఊరేగింపు నిర్వహిస్తారు. ● 17వ తేదీ సాయంత్రం ఆరు గంటలకు మహా మండపం ఆరో అంతస్తులో అర్చక సభ, 18వ తేదీన వేద సభ జరుగుతుంది. ● దసరా ఉత్సవాలు 20వ తేదీతో ముగియనున్నాయి. ముగింపు నేపథ్యంలో ఆ రోజు సాయంత్రం ఆరు గంటలకు దుర్గాఘాట్‌లో శ్రీ గంగా పార్వతి సమేత మల్లేశ్వరస్వామి వార్ల హంస వాహన సేవ జరుగుతుంది.