అక్కడి అమ్మాయిని పెళ్లాడితే గాడిదమీద ఊరేగిస్తారు.. ఇదేం ఊరురా బాబోయ్‌! | Sakshi
Sakshi News home page

అక్కడి అమ్మాయిని పెళ్లాడితే గాడిదమీద ఊరేగిస్తారు.. ఇదేం ఊరురా బాబోయ్‌!

Published Tue, Mar 15 2022 5:49 PM

Maharashtra: Newest Son-in-law Donkey Ride On Holi In Beed Village - Sakshi

ముంబై: భారతదేశంలో ఎన్నో ఆచారాలు సంప్రదాయాలకు నిలవు. అందులో కొన్ని వింతగా కూడా ఉంటాయి. అయితే ఆచార వ్యావహారాలు ఎలా ఉన్నా పాటించడం మాత్రం పక్కాగా పాటిస్తుంటాం. మ‌హారాష్ట్రలోని ఓ గ్రామంలో హోలీ రోజున ఒక వింత ఆచారాన్ని పాటిస్తున్నారు. వినడానికే కాదు ఆచరించడానికి కూడా కొంచెం వింతగా ఉంటుంది, కానీ తప్పదు మరి. ఆ గ్రామంలో కొత్త అల్లుడిని హోలీ రోజు గాడిద‌ ఎక్కించి ఊరేగిస్తారట ! ఇదేం ఆచారం రా బాబు అనుకుంటున్నారా. అయితే పూర్తి వివరాల్లోకి వెళ్లి చూద్దాం..  (చదవండి: వలలో పడ్డ రంపం చేప.. వామ్మో చూడాలంటేనే భయమేస్తోంది! )

బరాబర్‌ గాడిద ఎక్కాలి.. 
మ‌హారాష్ట్ర‌లోని బీడ్ జిల్లాలోగ‌ల విదా గ్రామంలో 90 ఏళ్ల క్రితం ఈ ఆచారం మొదలైంది‌.  దీన్ని అదే గ్రామానికి చెందిన ఆనంద్‌రావు దేశ్‌ముఖ్ ప్రారంభించారు. అప్పట్లో ఆనంద్‌రావు తన అల్లుడిని గాడిద ఎక్కించి ఊరేగించి ఆపై చివర్లో కొత్తబ‌ట్టలు పెట్టారు. ఇక అప్పటి నుంచి ప్రతి ఏటా ఆ ఊరిలో హోలీ రోజు ఈ తంతు జరుగుతోంది. ముందుగా గ్రామంలో కొత్త అల్లుళ్లు ఎవ‌రెన్నారో తెలుసుకుంటారు.

ఆపై వారి ఈ ఆచారం నుంచి తప్పించుకోకుండా నిఘా కూడా పెడ్తారు. కొత్త అల్లుళ్ల సర్వేకి కనీసం మూడు నుంచి ఐదు రోజులు పడుతుందట. అందుకోసం ఆ గ్రామంలోని కొందరు ఏకంగా ఇంటింటా స‌ర్వే కూడా చేస్తారు. ఆచారం ప్రకారం ఈ గాడిద సవారీ గ్రామం మధ్య నుంచి మొదలై 11 గంటలకు ఆ ఊరిలోని హనుమాన్ దేవాలయం వద్ద ముగుస్తుంది. ఊరేగింపు ముగింపులో అల్లుడికి నచ్చిన బట్టలు కూడా పెడతారు. 

Advertisement
Advertisement