త్రిష షాకింగ్‌ ట్వీట్‌.. ఇలా అవమానిస్తారా? | Trisha Sparks Buzz With First Look From Karuppu Movie, Confirms She Wasn’t Invited To Audio Launch, Post Viral On Social Media | Sakshi
Sakshi News home page

త్రిషకు అవమానం.. ఆహ్వానమే అందలేదట!

May 2 2026 11:44 AM | Updated on May 2 2026 12:44 PM

Trisha Krishnan Shocking Tweet On Karuppu Movie Makers

సినిమాల్లో నటించడమే కాదు దాన్ని ప్రమోషన్స్‌లో పాల్గొనడం కూడా హీరోహీరోయిన్ల బాధ్యత. ఇప్పుడు చాలా మంది ప్రమోషన్స్‌కి దూరంగా ఉంటున్నారు. షూటింగ్‌ అయిపోయిందా.. ప్యాకప్‌ చెప్పేస్తున్నారు. ముఖ్యంగా స్టార్‌ హీరోయిన్లలో చాలా మంది ప్రమోషన్స్‌కి దూరంగా ఉంటున్నారు. అందులో త్రిష కూడా చేరిందని మొన్నటి వరకు ప్రచారం సాగింది. 

సూర్య హీరోగా నటించిన ‘కరుప్పు’(తెలుగులో వీరభద్రుడు) మూవీలో త్రిష హీరోయిన్‌గా చేసింది. మే 14న ఈ చిత్రం విడుదల కానుంది. ఈ నేపథ్యంలో ఇటీవల ఈ మూవీ ఆడియో లాంచ్‌ ఈవెంట్‌ని నిర్వహించారు. ఈ కార్యక్రమానికి త్రిష హాజరుకాకపోవడంతో..ఆమెపై ట్రోలింగ్‌ మొదలైంది. మూవీ ప్రమోషన్స్‌కి దూరంగా ఉంటుందని కొంతమంది నెటిజన్స్‌ విమర్శిస్తూ కామెంట్‌ చేశారు. అయితే అసలు విషయం ఏంటంటే.. అసలు ఆడియో లాంచ్‌ ఈవెంట్‌కి త్రిషకు ఆహ్వానమే అందలేదట. ఈ విషయాన్ని త్రిష పరోక్షంగా చెబుతూ.. ‘కరుప్పు’ టీమ్‌పై సెటైర్లు వేసింది.

త్రిష లుక్‌ వైరల్‌
కరుప్ప మేకర్స్‌ తాజాగా  త్రిషకు సంబంధించిన ఫస్ట్ లుక్ వీడియోను విడుదల చేసింది. ఇందులో ఆమె 'ప్రీతి' అనే లాయర్ పాత్రలో కనిపిస్తున్నారు. 37 సెకన్ల నిడివి ఉన్న ఈ వీడియోలో త్రిష కోర్టు రూమ్‌లో సీరియస్ లాయర్‌గా, మరో సీన్‌లో ఆకుపచ్చ చీరలో డ్యాన్స్ చేస్తూ మెరిశారు. 43 ఏళ్ల వయసులోనూ మరింత అందంగా కనిపించడంతో ఫ్యాన్స్‌ ఫిదా అవుతున్నారు. త్రిష ఇంత యంగ్‌గా ఎలా ఉందంటూ ప్రశంసల జల్లు కురిపిస్తున్నారు.

నేను కూడా మర్చిపోయా.. 
అయితే ఓ అభిమాని త్రిష లుక్‌పై ప్రశంసలు కురిపిస్తూ.. ‘కరుప్పు సినిమాలో త్రిష ఉందన్న విషయమే మర్చిపోయాను. ఆమె ఏజ్ రివర్స్ గేర్‌లో వెళ్తోంది" అని  ట్వీట్‌ చేశారు. దానికి త్రిష ఇలా రిప్లై ఇచ్చింది. "ధన్యవాదాలు. నేనూ మర్చిపోయాను. కనీసం ఇప్పటికైనా వారు ఇలా గుర్తు చేసినందుకు సంతోషంగా ఉంది’ అని వ్యంగ్యంగా పేర్కొంది. 

ఇన్విటేషన్‌ మిస్‌ అయిందేమో
దీనిపై సూర్య అభిమాని స్పందిస్తూ.. ‘ఆడియో లాంచ్‌కే రాని మీకు ఇంత వెతకారం అవసరమా?’ అని ప్రశ్నించారు. దానికి త్రిష బదులిస్తూ.. ‘నా ఇన్విటేషన్ బహుశా మెయిల్‌లో ఎక్కడో మిస్ అయ్యి ఉంటుందిలే’ అంటూ తనను ఆ వేడుకకు తనను ఆహ్వానించలేదనే విషయాన్ని పరోక్షంగా చెప్పింది. ఆడియో లాంచ్ పోస్టర్లలో ఆమె పేరున్నప్పటికీ, పిలవకుండా పోస్టర్లు వేస్తే ఎలా వస్తారని ఆమె మద్దతుదారులు వాదిస్తున్నారు.‘చెత్త ప్రొడక్షన్‌ హౌస్‌.. ఒక స్టార్‌ హీరోయిన్‌ని ఇలా అవమానిస్తారా?’, ‘సూర్య ఈ విషయంపై స్పదించాలి’ అని కామెంట్‌ చేస్తున్నారు. 

Advertisement
 
Advertisement
Advertisement