ఆ సినిమా కోసమే ఆ లుక్‌!

Chiranjeevi confirms that Ram Charan plays a key role in Acharya - Sakshi

‘చరణ్, నేను కలసి నటించాలన్నది నా భార్య సురేఖ కోరిక. ‘ఆచార్య’తో అది నెరవేరుతోంది’ అన్నారు చిరంజీవి. ఇటీవల ఓ ఆంగ్ల పత్రికతో మాట్లాడుతూ ఆయన తన తదుపరి సినిమాలకు సంబంధించిన పలు విశేషాలు పంచుకున్నారు. ఆ వివరాలు ఈ విధంగా... ‘‘ఆచార్య’ సినిమాలో నాకు, చరణ్‌కి కలసి నటించే అవకాశం లభించింది. మళ్లీ ఇలాంటి కథ దొరుకుతుందో లేదో అని ఆ పాత్రలో చరణ్‌ నటిస్తే బావుంటుంది అనుకున్నాం. ప్రస్తుతం చరణ్‌ రాజమౌళి దర్శకత్వంలో ‘ఆర్‌ఆర్‌ఆర్‌’ చేస్తున్నాడు.

అందుకని ‘ఆచార్య’ కోసం రాజమౌళిని రిక్వెస్ట్‌ చేసి చరణ్‌ డేట్స్‌ అడ్జెస్ట్‌ చేశాం. ‘ఆచార్య’ వచ్చే ఏప్రిల్‌కి పూర్తవుతుంది. ఆ తర్వాత వీవీ వినాయక్‌ దర్శకత్వంలో ‘లూసిఫర్‌’ (మలయాళం)  రీమేక్, మెహర్‌ రమేష్‌ దర్శకత్వంలో ‘వేదాళం’ (తమిళం) రీమేక్‌లో నటిస్తాను. ఈ మధ్య ట్రై చేసిన గుండు లుక్‌ ‘వేదాళం’ కోసమే. కానీ ఆ లుక్‌ ఇంకా ఫైనలైజ్‌ కాలేదు. ఇక నుంచి ఏడాదికి రెండు, మూడు సినిమాలు చేయాలనుకుంటున్నాను. వచ్చే ఏడాది సంక్రాంతికి ప్రేక్షకులు ఎప్పటిలానే థియేటర్స్‌కు వస్తారనుకుంటున్నాను’’ అని అన్నారు చిరంజీవి.

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top