అవి అంకెలు కాదు.. అభిమానం 

ఫోటో షేరింగ్‌ యాప్‌ ఇన్‌స్టాగ్రామ్‌లో కొత్త మైలురాయి చేరుకున్నారు అల్లు అర్జున్‌. ఇన్‌స్టాగ్రామ్‌లో అల్లు అర్జున్‌ ఫాలోయర్స్‌ సంఖ్య 8 మిలియన్లు దాటింది. అంటే సుమారు 80 లక్షల మంది ఆయన్ను ఇన్‌స్టాగ్రామ్‌లో ఫాలో అవుతున్నారు. ‘‘8 మిల్లియన్లను నేను ఓ సంఖ్యలా చూడను. నాకున్న పాపులారిటియో, ఫాలోయింగో అని కూడా అనుకోను. నా మీద మీ అందరూ చూపిస్తున్న ప్రేమ, అభిమానం.. ముఖ్యంగా మీ దీవెన అని అనుకుంటాను. మీ అందరి ప్రేమకు వినమ్రంగా తలవంచుతున్నాను. ధన్యవాదాలు’’ అని రాసుకొచ్చారు అల్లు అర్జున్‌.