ఉల్లాసంగా.. ఉత్సాహంగా

ఉల్లాసంగా.. ఉత్సాహంగా

హొసపేటె: సీనియర్‌ సిటిజన్ల క్రమశిక్షణ, జీవనశైలి, జీవితానుభవం యువతకు ఆదర్శప్రాయమని అదనపు జిల్లాధికారి ఈ.బాలకృష్ణప్ప తెలిపారు. ప్రపంచ సీనియర్‌ సిటిజన్ల దినోత్సవం సందర్భంగా శనివారం నగరంలోని స్టేడియంలో నిర్వహించిన సీనియర్‌ సిటిజన్ల కోసం క్రీడా, సాంస్కృతిక పోటీలను ప్రారంభించిన తర్వాత ఆయన మాట్లాడారు. భవిష్యత్తు జీవితానికి పునాది వేసిన ఇంటి పెద్దలు, వృద్ధుల సంరక్షణ కోసం ప్రభుత్వం అనేక పథకాలను అందించిందన్నారు. మంచి వాతావరణాన్ని అందించడానికి ప్రభుత్వం ప్రతి సంవత్సరం సీనియర్‌ సిటిజన్ల దినోత్సవాన్ని జరుపుకుంటోందన్నారు. సీనియర్‌ సిటిజన్లు క్రీడా సమావేశాల్లో పాల్గొనడం వల్ల వారి జీవిత ఉత్సాహం పెరుగుతుంది. ప్రతి సీనియర్‌ సిటిజన్‌ వయస్సు శరీరానికి మాత్రమే కాదు, మనసుకు కూడా అని భావించి క్రీడల్లో చురుకుగా పాల్గొనాలన్నారు. అనంతరం పరుగు పందెం, బంతి విసరడం తదితర పోటీలను నిర్వహించారు. హుడా అధ్యక్షుడు ఇమామ్‌ నియాజీ తదితరులు పాల్గొన్నారు.

సీనియర్‌ సిటిజన్లకు క్రీడా పోటీలు

1/1

ఉల్లాసంగా.. ఉత్సాహంగా