తేళ్లు కుట్టని పంచమి

తేళ్లు కుట్టని పంచమి

అరచేతిలో తేలు..

ఆనందంలో యువతి

తేళ్లను చూస్తేనే ఒళ్లు జలదరిస్తుంది. ఎక్కడ కుట్టి చంపేస్తుందేమోననే భయంతో ఆమడదూరం పారిపోతాం. కానీ, తేలు కుట్టని రోజంటూ ఒకటుందని మీకు తెలుసా.. అదే తేళ్ల పంచమి. ఈ రోజు తేలును పట్టుకున్నా.. ఒంటిపై, చెంపపై, చేతిపై వేసుకున్నా.. ఏకంగా నోట్లో నాలుకపై పెట్టుకున్నా ఏమీ చేయని అరుదైన దృశ్యాలను రాష్ట్ర సరిహద్దులోని కర్ణాటక రాష్ట్రం యాద్గీర్‌ జిల్లా కందుకూరులో చూడవచ్చు. నాగుల పంచమి పర్వదినమైన మంగళవారం నాడు తేళ్ల పంచమిని పురస్కరించుకొని స్థానికంగా కొండమవ్వగుట్టపైకి వందలాది మంది తరలివెళ్లి తేళ్ల విగ్రహాలకు ప్రత్యేక పూజలు చేశారు. గుట్టపై రాళ్ల కింద, చెట్ల పొదల్లో ఉన్న తేళ్లను చిన్నా, పెద్ద తేడా లేకుండా పట్టుకొని సందడి చేశారు. మరికొందరు తమ ఇంటికి తేళ్లను తీసుకెళ్లి పూజించారు. తేళ్ల పంచమి జరుపుకోవడం ద్వారా తమను తాము తేళ్ల బారి నుంచి రక్షించుకోవచ్చని నమ్ముతారు.ఈ జాతరకు వేలాదిగా రాగా గుర్మిట్కల్‌ పోలీసులు బందోబస్తు నిర్వహించారు. – నారాయణపేట

1/3

తేళ్లు కుట్టని పంచమి

2/3

తేళ్లు కుట్టని పంచమి

3/3

తేళ్లు కుట్టని పంచమి