TV
హైదరాబాద్‌, సాక్షి: నగరంలో నిర్లక్ష్యపు డ్రైవింగ్‌ మరో నిండు జీవితాన్ని బలిగొంది. మూసాపేట వై జంక్షన్‌ వద్ద బుధవారం ఉదయం ఘోర ప్రమాదం చోటు చేసుకుంది. ఈ ప్రమాదంలో ఓ యువతి అక్కడికక్కడే మృతి చెందింది.
మృతురాలిని మౌనికగా పోలీసులు నిర్ధారించారు. స్కూటీపై వెళ్తున్న మౌనికను వేగంగా వచ్చిన ఓ లారీ వచ్చి ఢీ కొట్టింది. దీంతో మౌనిక అక్కడికక్కడే మృతి చెందింది. యాక్సిడెంట్‌ నేపథ్యంలో భారీగా ట్రాఫిక్‌ ఝామ్‌ కాగా.. పోలీసులు రంగంలోకి దిగి క్లియర్‌ చేశారు. మౌనిక మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.
