సాక్షి మనీ మంత్ర: ఫెడ్‌ నిర్ణయం.. మార్కెట్‌ జోరు

దేశీయ స్టాక్‌మార్కెట్లు శుక్రవారం లాభాల్లో ట్రేడింగ్‌ ప్రారంభించాయి. నిఫ్టీ ఉదయం 9:20 వరకు 213 పాయింట్లు లాభపడి 21,915కు చేరింది. సెన్సెక్స్‌  791 పాయింట్లు పుంజుకుని 72,453 వద్దకు చేరింది.

విదేశీ సంస్థాగత పెట్టుబడిదారులు గురువారం ఈక్విటీ మార్కెట్‌లో రూ.1880 కోట్లు, దేశీయ పెట్టుబడిదారులు రూ.872 ​​కోట్ల విలువైన స్టాక్‌లు కొనుగోలు చేశారు. అమెరికా మార్కెట్‌లో యాపిల్‌ కంపెనీ షేర్లు 3 శాతం కుప్పకూలాయి. ఐఫోన్‌ సేల్స్‌ మందగించడంతో ఈ పరిణామాలు చోటుచేసుకున్నట్లు తెలిసింది. 

ఫెడరల్‌ రిజర్వ్‌ ద్రవ్య పాలసీ నిర్ణయాల వెల్లడి సందర్భంగా చైర్మన్‌ పావెల్‌ ఈ మార్చిలోనూ కీలక వడ్డీ రేట్ల తగ్గింపు ఉండకపోవచ్చనే సంకేతాలిచ్చారు. దాంతో గురువారం క్యాపిటల్‌ గూడ్స్, మెటల్, రియల్టీ షేర్లలో ఇన్వెస్టర్లు లాభాల స్వీకరణకు మొగ్గుచూపారు.

(Disclaimer: మార్కెట్ గురించి సాక్షి వెబ్ సైట్లో నిపుణులు వెల్లడించే అభిప్రాయాలు వారి పరిశీలన, అంచనాలను బట్టి ఉంటాయి. ఇన్వెస్టర్లకు ఇది కేవలం విషయ అవగాహన మాత్రమే తప్ప.. వారు పెట్టే పెట్టుబడులకు సాక్షి మీడియా గ్రూపు ఎలాంటి హామీ ఇవ్వదు.)