సందడిగా సంక్రాంతి సంబరాలు

Jan 15 2026 9:57 AM | Updated on Jan 15 2026 9:57 AM

సందడిగా సంక్రాంతి సంబరాలు ● జిల్లా ఎస్పీ బి. ఉమామహేశ్వర్‌ మాట్లాడుతూ పోలీస్‌ కుటుంబ సభ్యులందరూ ఒకే కుటుంబంలా కలిసి ఈ వేడుకలు జరుపుకోవడం చాలా సంతోషంగా ఉందన్నారు. సంక్రాంతి అనేది కేవలం ఒక వేడుక మాత్రమే కాదని, కష్టానికి ప్రతిఫలమని, శ్రమకు గుర్తింపు అని, కుటుంబ బాంధవ్యాలకు బలం చేకూర్చే పండుగ అన్నారు. రైతు ఏడాది పొడవునా కష్టపడి పండించిన పంట చేతికి వచ్చే శుభ తరుణమని, రైతులు, రైతు కూలీలతో పాటు అనేకమంది తమ శ్రమకు గుర్తింపుగా ఈ పండుగను జరుపుకుంటారన్నారు. తెలుగు వారు ఎక్కడున్నా సొంతూరు వస్తారని చెప్పారు. ఈ కార్యక్రమంలో బాపట్ల, చీరాల, రేపల్లె, సీసీఎస్‌, ఏ.ఆర్‌ డిఎస్పీలు, జిల్లాలోని సిఐలు, ఎస్‌.ఐలు, మహిళా పోలీస్‌ సిబ్బంది, కుటుంబసభ్యులు పాల్గొన్నారు.

ఆకట్టుకున్న మహిళా పోలీసుల రంగవల్లులు సంక్రాంతి సంబరాల్లో కుటుంబసమేతంగా ఎస్పీ

బాపట్ల టౌన్‌: తెలుగువారి అతిపెద్ద పండుగ, సంస్కృతికి ప్రతీకై న సంక్రాంతిని పురస్కరించుకుని బాపట్ల జిల్లా పోలీస్‌ శాఖ ఆధ్వర్యంలో సోమ, మంగళవారాల్లో పోలీస్‌ పరేడ్‌ మైదానంలో ‘సంక్రాంతి సంబరాలు ఘనంగా నిర్వహించారు. నిత్యం శాంతిభద్రతల పరిరక్షణ, కేసుల దర్యాప్తులో తలమునకలయ్యే పోలీస్‌ అధికారులు, సిబ్బంది, సంక్రాంతి వేడుకల్లో ఉత్సాహంగా పాల్గొన్నారు. ఎడ్లబళ్లు, రంగవల్లులు, డూడూబసవన్నల విన్యాసాలు, హరిదాసుల కీర్తనలు, మహిళల కోలాటం, చిన్నారుల భరతనాట్యం ప్రదర్శన కార్యక్రమాలు అందరిని ఆకట్టుకున్నాయి. సంబరాల్లో భాగంగా పోలీస్‌ అధికారులకు, సిబ్బందికి నిర్వహించిన కబడ్డీ, వాలీబాల్‌ పోటీలు అత్యంత ఉత్కంఠగా సాగాయి. పెయింటింగ్‌, మ్యూజికల్‌ చైర్స్‌ పోటీలు ఆహ్లాదకరంగా సాగాయి. ఎస్పీ స్వయంగా దగ్గరుండి క్రీడాకారులను ఉత్సాహపరిచారు. క్రీడల అనంతరం విజేతలకు బహుమతులను అందజేశారు.