తండ్రి అంత్యక్రియలను ఆపిన కుమార్తెలు

మడకశిర: ఆస్తి కోసం తండ్రి అంత్యక్రియలను కుమార్తెలు ఆపిన ఘటన శ్రీసత్యసాయి జిల్లాలో జరిగింది. రొళ్ల మండలం కె.బ్యాడి­గెరకి చెందిన ఈశ్వరప్ప(94) వృద్ధాప్యంతో శనివారం మృతి చెందాడు. ఇతనికి పద్మ, గౌరమ్మ, మంజుల అనే కుమార్తెలున్నారు. మొత్తం ఆస్తినంతా పద్మకు ఇచ్చాడు. ఆస్తిలో తమకూ భాగం ఇచ్చే వరకు అంత్యక్రియలు చేయకూడదని మిగిలిన ఇద్దరు కుమార్తెలు అడ్డుకున్నారు. 

కుటుంబ స­భ్యు­లు, బంధువులు, గ్రామస్తులు ఎంత నచ్చ­జెప్పినా వారు వినలేదు. ఆస్తి పంపకం తర్వాతే అంత్యక్రియలకు ఒప్పు­కుంటామని చెప్పారు. పోలీ­సులు నచ్చజెప్పినా వినకపోవడంతో గ్రామ పెద్దలు కలుగజేసుకుని గౌరమ్మ, మంజులకు 30 సెంట్ల చొప్పున, పద్మ­కు 60 సెంట్ల భూమి పంపకం చేసేలా ఒప్పందం కుదిర్చారు. దీంతో ఈశ్వరప్ప అంత్యక్రియలు జరిగాయి.