విశాల్‌ పంజాబి.. సెలబ్రిటీల పెళ్లిళ్లను మరింత అందంగా మలుస్తుంటాడు. పెళ్లి వేడుకలను జీవితాంతం తనివితీరా చూసుకునేలా అద్భుతంగా కెమెరాలో బంధిస్తుంటాడు. ఈయన సెలబ్రిటీ వెడ్డింగ్‌ ఫిలింమేకర్‌. తాజాగా ఓ ఇంటర్వ్యూలో విశాల్‌ తన కెరీర్‌లో ఎదురైన ఓ విచిత్ర సంఘటనను వెల్లడించాడు. 'ఓ బాలీవుడ్‌ స్టార్‌ హీరో పెళ్లికి నేను పని చేశాను. పెళ్లయిన రెండు నెలలకే అతడు చేసిన మోసం బయటపడింది.ఒంటి మీద దుస్తుల్లేకుండాసినిమా సెట్‌లోని మేకప్‌ వ్యాన్‌లో ఓ బాలీవుడ్‌ నటితో సరసాలాడుతున్న హీరోను అతడి భార్య రెడ్‌ హ్యాండెడ్‌గా పట్టుకుంది. అప్పుడతడు ఒంటి మీద దుస్తుల్లేకుండా ఉన్నాడు. వ్యవహారం పెద్దది కావడంతో.. పెళ్లి వీడియో నాకక్కర్లేదు అని నా ముఖం మీదే చెప్పేసింది. ఆ హీరోకు ఫోన్‌ చేస్తే లిఫ్ట్‌ చేయలేదు. అతడి మేనేజర్‌కు ఫోన్‌ చేస్తే పెళ్లి వీడియో అవసరం లేదనేశాడు. కానీ ఆ వీడియో నేనేం చేసుకోవాలి? నెట్‌ఫ్లిక్స్‌కు అమ్మేయాలా? అని అడిగాను. పెళ్లి వీడియో వద్దన్నారునాకు ఇవ్వాల్సిన డబ్బు కూడా పూర్తిగా ఇవ్వనేలేదు. అప్పటివరకు 50% అడ్వాన్స్‌ తీసుకుని పనయ్యాక మిగతాది తీసుకునేవాడిని. వీళ్ల దెబ్బకు మొత్తం డబ్బు ఇచ్చాకే పందిట్లో అడుగుపెడుతున్నాను. వాళ్ల పెళ్లి వీడియో ఇప్పటికీ నా దగ్గర ఉంది. అందులో హీరో ఐ లవ్యూ బేబీ అంటూ ఎమోషనలయ్యాడు. అవన్నీ మొసలి కన్నీళ్లు. ఆ బాలీవుడ్‌ హీరో పేరు బయటపెట్టలేను కానీ ఆ వీడియోతో లక్షలు సంపాదించొచ్చు. అయినా నేనా పని చేయలేదు' అని చెప్పుకొచ్చాడు.చదవండి: కట్నం ఇచ్చి మరీ పెళ్లి.. అతడు డబ్బు తీసుకుని వెళ్లిపోతే?: హీరోయిన్‌


 జగద్గిరిగుట్ట: పెళ్లి చేయడం లేదని, ఆస్తి ఇవ్వడం లేదని తండ్రిపై కొడుకు తల్వార్‌తో దాడి చేశాడు.  జగద్గిరిగుట్ట పోలీస్‌స్టేషన్ పరిధిలో ఈ ఘటన జరిగింది.  స్థానికుల కథనం ప్రకారం... సుభాష్‌చంద్రబోస్‌నగర్‌లో నివాసముండే షాబుద్దీన్‌కు కుమారులు నాజుద్దీన్ (33),  నిజాముద్దీన్ సంతానం.  చిన్న కుమారుడికి వివాహం చేశారు.
 
 పెద్ద కుమారుడు నాజుద్దీన్ పని, పాట లేకుండా జులాయిగా తిరుగుతున్నాడు. తనకు కూడా పెళ్లి చేయాలని, ఆస్తి ఇవ్వాలని తల్లిదండ్రులపై అతను కొద్ది రోజులుగా ఒత్తిడి తెస్తున్నాడు. ఈ నేపథ్యంలోనే తండ్రిపై కక్షపెంచుకున్న నాజుద్దీన్ ఆదివారం తల్వార్‌తో దాడి చేశాడు. స్థానికులు ఫిర్యాదు చేయడంతో పోలీసులు షాబుద్దీన్‌ను చికిత్స నిమిత్త ఆస్పత్రి తరలించి నాజుద్దీన్‌ను అదుపులోకి తీసుకున్నారు.