న్యూఢిల్లీ : ఓ వ్యక్తి చేసిన నిర్వాకం నెటజన్లను తీవ్ర ఆగ్రహానికి గురి చేస్తోంది. అసలు  ఎందుకిలా చేశాడంటూ అనేక మంది అతనిపై మండిపడుతున్నారు. ఇంతకీ విషయం ఏంటీ అనుకుంటున్నారా? ఢిల్లీలోని రోడ్లపై ఏర్పాటు చేసిన వర్టికల్‌ గార్డెన్‌లో మొక్కల పెంచే కుండీలపై ఓ వ్యక్తి కన్నుపడింది. అవి అతనికి అందంగా కనిపించాయో? లేక అమ్ముకుందామనుకున్నాడో తెలియదు కానీ.. ఆ కుండీల్లోని మొక్కలను అక్కడే పడేసి ఒకటి కాదు రెండు కాదు అనేక కుండీలను దొంగలించి.. ఓ సంచిలో వేసుకొని ఎత్తుకెళ్లాడు. అతడి చేష్టలను ఓ వ్యక్తి వీడియో తీశాడు. ఇది గమనించిన సదరు దుండగుడు అక్కడి నుంచి పరుగు లంకించుకున్నాడు. ‘ఆల్వేజ్ దిల్  సే’ అనే ఫేస్‌బుక్‌ పేజీ పోస్టు చేసిన ఈ వీడియో ప్రస్తుతం వైరల్‌ అవుతోంది.  మొక్కలను నాశనం చేసి మరీ..  ప్లాస్టిక్‌ కుండీలను అతను ఎందుకు ఎత్తుకెళ్లాడో అర్థం కావడం లేదని ఈ వీడియోను పోస్టు చేసిన  యూజర్‌ కామెంట్‌ చేశారు. దీనిని వీక్షించిన నెటిజన్లు మొక్కలను పెంచే కుండీలను దొంగిలించిన  దుండగుడిపై తీవ్రంగా మండిపడుతున్నారు. ఇలాంటి వ్యక్తులను అడ్డుకోలేనంత వరకు ఏ ప్రభుత్వాలను విమర్శించలేమని కామెంట్‌ చేస్తున్నారు. ‘ఇందుకే ఇండియా ఎప్పటికీ అభివృద్ధి చెందడం లేదు. ఇలాంటి చర్యలు సిగ్గుచేటు.. వీరిపై అధికారులు చర్యలు తీసుకోవాలి’ అని నెటిజన్లు ఫైర్‌ అవుతున్నారు. అయితే అతన్ని పట్టుకొని స్థానిక  అధికారులకు అప్పజెప్పానని,  కానీ ప్రస్తుతానికి అతన్ని వదిలేయమని చెప్పానని ఫేస్‌బుక్‌ యూజర్‌ వెల్లడించారు. పర్యావరణ పరిరక్షణలో భాగంగా, పచ్చదనాన్ని పెంపొందించే ఉద్ధేశంతో ప్రభుత్వాలు రహదారుల మధ్యలో  వర్టికల్‌ గార్డెన్‌లను ఏర్పాటు చేస్తున్న సంగతి తెలిసిందే.

వర్టికల్‌ టవర్‌ గార్డెన్‌ను మీరే తయారు చేసుకోవచ్చు.. వర్టికల్‌ టవర్‌ గార్డెన్‌ ఇంటిపంటల సాగుదారులకు చాలా ఉపయోగకరం. మేడ మీద లేదా బాల్కనీలో, ఇంటి పెరట్లో అతి తక్కువ స్థలంలో (కనీసం 4 గంటలు ఎండ తగిలే చోట) ఏర్పాటు చేసుకోవచ్చు. ఒక్కో బారెల్‌లో 60 రకాల ఆకుకూరలు, కూరగాయలు, కషాయాల కోసం ఔషధ మొక్కలను పెంచుకోవచ్చు. బారెల్‌ మధ్యలో ఉండే పీవీసీ పైపులో వంటింటి వ్యర్థాలు వేస్తూ.. వర్మీ కంపోస్టును కూడా తయారు చేసుకోవచ్చు. ఈ టవర్‌ గార్డెన్లను సేంద్రియ ఇంటిపంటలపై ఆసక్తి, ఓపిక ఉన్న వారు తమంతట తాము తయారు చేసుకోవచ్చు. అదెలాగో వర్టికల్‌ టవర్‌ గార్డెన్‌ నిపుణులు రవి చంద్రకుమార్‌ వివరిస్తున్నారు.   మార్కెట్‌లో దొరికే 300 లీటర్ల లేదా 250 లీటర్ల హెచ్‌.డి.పి.ఇ. బారెల్‌ తీసుకోవాలి. బారెల్‌ పొడవు 36 అంగుళాలు. బారెల్‌కు చుట్టూతా 5 అంగుళాలకు ఒక చోట కత్తిరిస్తే (దీన్నే పాకెట్‌ అని పిలుస్తున్నాం).. 7 వరుసల్లో పాకెట్లు ఏర్పాటు చేసుకోవచ్చు. అడ్డంగా ఒక్కొక్క పాకెట్‌ వెడల్పు 5 అంగుళాలు ఉండేలా కొలత స్కేల్‌తో మార్క్‌ చేసుకోవాలి. రెండు పాకెట్ల మధ్య 4 అంగుళాల దూరం ఉండేలా చూసుకోవాలి. ఒక వరుసలో 8 పాకెట్లు వస్తాయి. 7 వరుసల్లో మొత్తం 56 పాకెట్లు వస్తాయి. బారెల్‌ పై భాగాన 4 మొక్కలు పెట్టవచ్చు. అన్నీ కలిపి 60 మొక్కలు పెట్టుకోవచ్చు. అంటే ఒక బారెల్‌ 60 కుండీలతో సమానం అన్నమాట!   పాకెట్లు ఎక్కడ పెట్టుకోవాలో మార్క్‌ చేసుకున్న తర్వాత మార్క్‌ చేసిన చోట బారెల్‌ను డ్రిల్‌ మెషిన్‌తో కత్తిరించి చిల్లు పెట్టాలి, జిగ్‌సా రంపం పట్టడం కోసం. జిగ్‌సా తో వరుసల్లో మార్క్‌ చేసిన చోట్ల 5 అంగుళాల వెడల్పున కట్‌ చేయాలి. పాకెట్‌ మౌల్డింగ్‌ చేసే విధానం.. హీట్‌ గన్‌తో కట్‌ చేసిన ప్రదేశంలో హీట్‌ చేయాలి. తగిన హీట్‌ అయిన తరువాత ఆ ప్రదేశంలో చిత్రంలో చూపిన విధంగా సిమెంటు దిమ్మె అమర్చాలి. అలా అన్ని పాకెట్లను తయారు చేయాలి.   బారెల్‌ అడుగు భాగంలో మధ్యన 4 అంగుళాల రంధ్రం చేయాలి. పక్కన అర అంగుళం రంధ్రం చేయాలి. అధిక నీరు బయటకు వెళ్లడానికి అక్కడ గ్రోమేట్‌ పెటి టేకాహ్‌ అమర్చాలి. మధ్యలో 4 అంగుళాల పీవీసీ గొట్టం అమర్చాలి. గొట్టం చుట్టూ చిల్లులు పెట్టాలి. గొట్టం అమర్చే విధానం.. ఆ గొట్టాన్ని క్రింది భాగాన 6 అంగుళాలు బయటకు ఉండేలా అమర్చి.. అక్కడ ఎంసీల్‌తో అతకాలి. పై భాగాన జీయే వైరుతో కట్టాలి. 4 అంగుళాల గొట్టానికి పైన, కింద మూతలు అమర్చాలి. ఈ బారెల్‌ను నిలబెట్టడానికి ఇనుప స్టాండ్‌ను తయారు చేసుకోవాలి. స్టాండ్‌ 18 అంగుళాల పొడవు, 18 అంగుళాల వెడల్పు, 10 అంగుళాల ఎత్తు ఉండాలి. వర్టికల్‌ గార్డెన్‌లో కంపోస్టు తయారు చేసే విధానం– వర్మీ కంపోస్టు 30%, రంపపు పొట్టు 30%, పశువుల ఎరువు 30%, వేప గింజల చెక్క 10%.. ఇవన్నీ కలిపి బారెల్‌లో సరిపడినంత నింపుకోవాలి. బారెల్‌ మధ్యలో అమర్చిన గొట్టంలో వంటింటి వ్యర్థాలు వేయాలి. అందులో చక్కటి వర్మీకంపోస్టు తయారవుతుంది. స్టాండ్‌ మీద వర్టికల్‌ గార్డెన్‌ను అమర్చుకున్న తర్వాత.. అందులో కంపోస్టు మిశ్రమాన్ని నింపుకోవాలి. బారెల్‌ చుట్టూ ఉన్న అరలలో విత్తనాలు నాటుకోవాలి. ఒక్కో వర్టికల్‌ గార్డెన్‌ టవర్‌ను తయారు చేసుకోవడానికి (బారెల్, స్టాండ్, టవర్, కంపోస్టు, విత్తనాలు.. అన్నీ కలిపి) రూ. 5 వేలు ఖర్చవుతుంది. వర్టికల్‌ టవర్‌కు రోజుకు కనీసం 4 గంటలు ఎండ తగిలే చోట పెట్టుకోవాలి. ఇందులో అన్ని రకాల ఆకుకూరలు, ఔషధ మొక్కలు చక్కగా పండించవచ్చని రవిచంద్ర కుమార్‌ (95812 42255) తెలిపారు.


 అందంతో పాటూ ఆరోగ్యాన్ని అందించే సొంతిల్లు
 • పడవ ఆకారంలో ఎలివేషన్..
 • ఎలివేషన్‌లో వర్టికల్ గార్డెన్స్ ఏర్పాటు
 • విభిన్న తరహా నిర్మాణాలతో కస్టమర్లను ఆకర్షిస్తున్న సంస్థలు
 గతంలో ఇల్లు అంటే నాలుగు గోడలుండే నిర్మాణం. కానీ, ఇప్పుడు ఇల్లంటే ఓ హుందా. ఓ హోదా. ఓ ఫ్యాషన్! ఇందుకోసం ఎంతైనా ఖర్చు చేస్తున్నారు సొంతింటివాసులు. నిర్మాణ సంస్థలూ తక్కువేం కాదు.. సింగపూర్, మలేిసియా వంటి దేశాల్లో కనిపించే విభిన్న తరహా నిర్మాణాలను భాగ్యనగరంలో నిర్మించేస్తున్నారు. ప్రాజెక్ట్ ఎలివేషన్‌‌స నుంచే సరికొత్త ట్రెండ్‌కు శ్రీకారం చుట్టేస్తున్నారు. పడవ ఆకారంలో ఎలివేషన్, ఎలివేషన్‌లోనే వర్టికల్ గార్డెన్ ఏర్పాటు వంటివి ఈ జాబితాలోనివే మరి!!
 సాక్షి, హైదరాబాద్: పిల్లల నుంచి పెద్దల వరకూ ప్రతి ఒక్కరి అవసరాలు, అభిరుచులకు తగ్గట్టుగా నిర్మాణాలుండాలి. మూస ధోరణిలో నిర్మించే ప్రాజెక్ట్‌లను ప్రజలు ఆదరించట్లేదు. విదేశీ తరహాలో నిర్మాణం.. అన్ని రకాల వసతులు.. అదీ అందుబాటు ధరల్లో ఉండే ప్రాజెక్ట్‌లంటేనే కస్టమర్లు జై కొడుతున్నారు. దీంతో విదేశాల్లో కనిపించే విభిన్న నిర్మాణాలు ఇప్పుడు భాగ్యనగరంలోనూ కనిపిస్తున్నారుు. కస్టమర్లను ఆకర్షించడం కోసం విభిన్న ప్రాజెక్ట్‌ల నిర్మాణంలో సంస్థల మధ్య పోటీ పెరిగి భాగ్యనగరం హంగులద్దుకుంటుంది కూడా.
 ఎలివేషన్లలో వర్టికల్ గార్డెన్..
 రిసార్ట్, విల్లాల్లో విశాలమైన స్థలం అందుబాటులో ఉంటుంది. అందుకే చుట్టూ పచ్చదనంతో ల్యాండ్ స్కేపింగ్ చేస్తారు. కానీ, అపార్ట్‌మెంట్స్‌లో.. అది కూడా స్థలాల లభ్యత తక్కువగా ఉండే మహానగరాల్లో అంటే కాసింత కష్టమే. దీనికి పరిష్కార మార్గాన్ని చూపిస్తోంది నిలువైన ఉద్యానవనాలు (వర్టికల్ గార్డెన్‌‌స). భవనాల ఎలివేషన్లలో నిలువుగా మొక్కలు పెంచడం వర్టికల్ గార్డెన్‌‌స ప్రత్యేకత. అరుుతే ఇవి ఎలివేషన్, బయటి గోడల మీదనే సాధ్యమవుతాయని నవరత్న క్రాప్స్ సైన్‌‌స ప్రై.లి. యజమాని ‘సాక్షి రియల్టీ’కి చెప్పారు.
 ఎండ పడని ప్రాంతంలో అంటే ఇంట్లో, హాల్‌లో, బెడ్ రూమ్‌లో వర్టికల్ గార్డెన్‌‌సను పెంచటం కుదరదు. ఇక్కడ పూల మొక్కలు, ఇండోర్ ప్లాంట్స్ పెంచుకోవచ ్చని పేర్కొన్నారు. సూర్యరశ్మి పడే ప్రాంతమైతే వర్టికల్ గార్డెన్‌‌సలో కూరగాయలు, ఆకుకూరలు కూడా పెంచుకునే వీలు ఉందని వివరించారు. వర్టికల్ గార్డెన్‌‌స ఏర్పాటుపై ఆసక్తి ఉన్న వారికి సాంకేతికంగా ప్రోత్సాహమివ్వాలని తెలంగాణ ప్రభుత్వం నిర్ణరుుంచినట్లు సమాచారం.
 పిల్లలే లక్ష్యంగా..
 ఇంటి కొనుగోళ్లలో పిల్లల అభిరుచులకు తల్లిదండ్రులు అధిక ప్రాధాన్యమిస్తున్నారు. అందుకే పిల్లల అభిరుచులకు అనుగుణంగా విదేశీ ఆర్కిటెక్చర్లతో ప్రాజెక్ట్‌లను డిజైన్ చేరుుస్తున్నారు బిల్డర్లు. ఇందుకోసం ప్రాజెక్ట్ ఎలివేషన్ దగ్గర నుంచే ప్రత్యేక శ్రద్ధ తీసుకుంటున్నారు. విశాలమైన ఆట స్థలాలు, వినూత్నమైన ఎలివేషన్లతోనే పిల్లల్ని ఆకట్టుకుంటే.. ప్రాజెక్ట్‌లోనే పాఠశాలలు, ఆసుపత్రుల వంటి ఏర్పాటుతో తల్లిదండ్రులనూ కట్టిపడేస్తున్నారు. అనారోగ్య సమస్యలు తలెత్తితే ఆసుపత్రి వెళ్లేందుకు ఎక్కువ దూరం ప్రయాణం చేయడం, వర్షం కురుస్తున్నప్పుడు ఇంటి నుంచి కిలోమీటర్ల దూరముండే స్కూల్‌కు తమ పిల్లలను పంపించడానికి తల్లిదండ్రులు ఏమాత్రం ఇష్టపడట్లేదు.
 అందుకే ఫ్లాట్‌ను కొనుగోలు చేసేముందు పిల్లల అవసరాలు, ఆరోగ్యాలకే ఎక్కువ ప్రాధాన్యమిస్తున్నారు. ప్రాజెక్ట్‌లో క్లబ్ హౌజ్, స్విమ్మింగ్ పూల్, జిమ్ వంటి ఆధునిక సదుపాయాలే కాదు ఇందులోనే పాఠశాల, ఆసుపత్రి వంటివి ఉంటేనే ఫ్లాట్ కొనేందుకు ముందుకొస్తున్నారని నిపుణులు చెబుతున్నారు. సాధారణంగా ప్రాజెక్ట్‌లో క్లబ్‌హౌజ్, జిమ్, స్విమ్మింగ్ పూల్ వంటి వసతులు కల్పించాలంటే ప్రత్యేకంగా కొంత స్థలాన్ని కేటారుుస్తారు. అలాకాకుండా ఎలివేషన్‌కు కేటారుుంచే స్థలంలో ఈ వసతులను కల్పిస్తే.. స్థలం వినియోగం అవటంతో పాటు.. ఫ్లాట్ల విస్తీర్ణమూ పెరుగుతుంది కూడా.
 వేటికవి ప్రత్యేకమైనవే..
 ఇప్పటికే నగరంలో విభిన్న తరహా నిర్మాణాలున్నారుు. ఉదాహరణకు అవిఘ్ఞ ప్రాజెక్ట్‌లో పడవ ఆకారంలో ఎలివేషన్ నిర్మాణంతో ఆకట్టుకుంది గిరిధారి కన్‌స్రక్షన్‌‌స. 8 వేల చ.అ.ల్లో 125 అడుగుల వెడల్పు, 40 అడుగుల ఎత్తుండే ఈ ఎలివేషన్ పైన ఇన్ఫినిటీ పూల్ ఉంటుంది. ఎలివేషన్‌కు ఇరువైపులా రెస్టారెంట్, జిమ్, సూపర్‌మార్కెట్, బ్యాంక్వెట్ హాల్, లైబ్రరీ, ఇండోర్ గేమ్స్, ప్లే స్కూల్, కాఫీ షాప్ వంటి వసతులను ఏర్పాటు చేస్తోంది. మహేశ్వరంలో రాంకీ సంస్థ నిర్మిస్తున్న డిస్కవరీ సిటీలో 15 ఎకరాలు విద్యా సంస్థలకు కేటారుుంచింది. ఇప్పటికే 5 ఎకరాల్లో ఆర్ట్ ఆఫ్ లివింగ్ సంస్థ పాఠశాల నడుస్తోంది కూడా. మూసాపేట్‌లోని సైబర్‌సిటీ రెరుున్‌బో విస్టాస్‌లో ఫేజ్-1లో నెక్ట్స్‌జెన్ ప్లే స్కూల్‌ను ఏర్పాటు చేసింది. ఫార్చ్యూన్ బటర్ ఫ్లై సంస్థ కడ్తాల్‌లో 3,600 ఎకరాల్లో నిర్మిస్తున్న ఫార్చ్యూన్  బటర్  ఫ్లై సిటీలో అపార్ట్‌మెంట్లు, విల్లాలతో పాటూ స్పోర్‌‌ట్స అకాడమీని నిర్మిస్తోంది.
 మరి వాస్తు సంగతో?
 అరుుతే విదేశీ తరహా నిర్మాణాలతోనే కస్టమర్లను ఆకట్టుకోవచ్చనుకోవటం పొరపాటు. ఎందుకంటే మన దేశంలో ఇంటి ఎంపికలో వాస్తు శాస్త్రం బలంగా పనిచేస్తుంది. అందుకే నిర్మాణంలో విభిన్నతే కాకుండా వాస్తును కూడా పక్కాగా పాటిస్తున్నామని ఇంద్రసేనా రెడ్డి చెప్పారు. ‘‘వృత్తం బుద్ధి వృద్ధియంత్.. అర్ధ వృత్తం యశోభవాత్’’అంటే వృత్తం (గుండ్రంగా) జ్ఞానాన్ని పెంచుతుంది. సగం వృత్తం కీర్తి, పేరు ప్రఖ్యాతులను తీసుకొస్తుందని దానర్థం. అందుకే మురారీ ప్రాజెక్ట్ ఆకారాన్ని అర్థ వృత్తాకారంలో, వృత్తాకారంలో క్లబ్ హౌజ్‌ను తీర్చిదిద్దుతున్నామని’’ఆయన వివరించారు.
 నివాస సముదాయాలే కాదు పలు కార్పొరేట్, విద్యా సంస్థలు కూడా వృత్తం, అర్ధ వృత్తాకారంలో ఉంటారుు. ఉదాహరణకు ఆపిల్ కార్యాలయం వృత్తం ఆకారంలో ఉంటుంది. రాజ ప్రాసాదాలు, నలంద, తక్షశిల వర్సిటీలు అర్ధ వృత్తాకారంలో ఉంటారుు. సాధారణ భవనాలతో పోల్చితే వర్టికల్ గార్డెన్‌‌స భవనాల ధర చ.అ.కు రూ.100-200 అధికంగా ఖర్చవుతుంది. అరుునా సరే బిల్డర్లు నిర్మాణాలు చేపడుతున్నారు. కస్టమర్లకు ఏదో నాలుగు గోడలుండే ఇంటిని అందించాలని కాకుండా వారి ఇంటిని అందంగా.. ఆరోగ్యకరంగా బృందావనంగా తీర్చిదిద్దుతున్నారు.
 
 అందం.. ఆరోగ్యం!
 వర్టికల్ గార్డెన్‌‌సతో ఇంటి అందం ద్విగుణీకృతమవ్వటమే కాకుండా ఆరోగ్యకరమైన వాతావరణం ఉంటుంది.
 ⇔ వర్టికల్ గార్డెన్‌‌స ఉన్న భవనాలు పర్యావరణహితంగా ఉంటారుు. అంటే శబ్ద, వాయు కాలుష్యం తక్కువగా ఉంటుంది. ఆ ప్రాంతమంతా నిశ్శబ్దంగా ఆహ్లాదకరంగా ఉంటుంది.
 ⇔ భవనం గోడలు, పిల్లర్లను ఆధారం చేసుకొని బయోలాజికల్ ఎరువులతో పెంచటం వల్ల భవనం దృఢంగా, ఎల్లవేళలా చల్లగా ఉంటుంది.
 ⇔ భవనం గోడలను అతుక్కొని పెరిగే మొక్కలు కావటంతో ప్రాజెక్ట్‌లో ఉష్ణోగ్రత తక్కువగా ఉంటుంది. ఆక్సిజన్ శాతం ఎక్కువగా ఉంటుంది.
 ⇔ సీతాకోకచిలుకలు, రంగు రంగుల పక్షులతో ప్రాజెక్ట్ అంతా జీవవైవిధ్యం పరిఢవిల్లుతుంది. క్రిమికీటకాలు, దోమలు ఇంట్లోకి రావు.
 ⇔ పచ్చదనాన్ని ఎక్కువ సేపు చూడటం వల్ల కంటి చూపు సమస్యలు దరిచేరవు.
 ⇔ చుట్టూ గ్రీనరీ ఉండటంతో మానసిక ప్రశాంతత చేకూరుతుంది. ఒత్తిడి తగ్గుతుంది.
 ⇔ వర్టికల్ గార్డెన్‌‌సలో సువాసన వెదజల్లే మొక్కలుంటే ప్రాజెక్ట్ అంతా సువాసనమయమవుతుంది.
 ⇔ బాత్ రూమ్, వంట గదుల నుంచి వచ్చే వాసనలు, క్రిమి కీటకాలు వర్టికల్ గార్డెన్‌‌స పీల్చేస్తారుు. ఆరోగ్యకరమైన గాలిని, సువాసనలను వెదజల్లుతారుు. పెపైచ్చు ఎలివేషన్లకు ఎన్ని హంగులద్దినా అందంగా, ఆకర్షణీయంగా ఉండవు. అదే మొక్కలు పెంచితే ఆ లుక్కే వేరప్పా.