సాక్షి, హైదరాబాద్: ముస్తాక్ అలీ టి20 క్రికెట్ టోర్నమెంట్‌లో వరుస విజయాలతో దూసుకుపోతున్న హైదరాబాద్‌కు తొలి ఓటమి ఎదురైంది. చెన్నైలోని చిదంబరం స్టేడియంలో గురువారం జరిగిన మ్యాచ్‌లో కర్ణాటక జట్టు 14 పరుగుల తేడాతో హైదరాబాద్‌పై గెలుపొందింది. టాస్ గెలిచి బ్యాటింగ్ ఎంచుకున్న కర్ణాటక జట్టు నిర్ణీత 20 ఓవర్లలో 7 వికెట్లకు 148 పరుగులు చేసింది. మయాంక్ అగర్వాల్ (55 బంతుల్లో 65; 7 ఫోర్లు) అర్ధసెంచరీ చేయగా... పవన్ దేశ్‌పాండే (24 బంతుల్లో 32; 3 ఫోర్లు, 1 సిక్సర్) రాణించాడు. అనంతరం 149 పరుగుల లక్ష్యఛేదనకు బరిలోకి దిగిన హైదరాబాద్ జట్టు 20 ఓవర్లలో 6 వికెట్లకు 134 పరుగులు మాత్రమే చేసి ఓడిపోయింది. అక్షత్‌రెడ్డి (32 బంతుల్లో 42; 4 ఫోర్లు, 2 సిక్సర్లు) ఆకట్టుకోగా... బద్రీనాథ్ (31 బంతుల్లో 37 నాటౌట్; 3 ఫోర్లు) చివరి వరకు పోరాడాడు. కర్ణాటక బౌలర్లలో అరవింద్ 3, సుచిత్ 2 వికెట్లు దక్కించుకున్నారు.
  
  మయాంక్ అద్భుత ఇన్నింగ్స్
  
  టాస్ గెలిచి బ్యాటింగ్‌కు దిగిన కర్ణాటక జట్టుకు హసన్ ఆరంభంలోనే షాకిచ్చాడు. ఓపెనర్ సుచిత్ (1), వన్‌డౌన్ బ్యాట్స్‌మన్ సమర్థ్ (10)లను హసన్ ఔట్ చేయడంతో 24 పరుగులకే కర్ణాటక జట్టు 2 వికెట్లను కోల్పోరుుంది. మరో ఓపెనర్ మయాంక్ ఆచితూచి ఆడగా... కరుణ్ నాయర్ (12) నిరాశపరిచాడు. ఈ దశలో క్రీజులోకి వచ్చిన పవన్ దేశ్‌పాండే, మయాంక్‌కు చక్కని సహకారం అందించాడు. వీరిద్దరూ వీలుచిక్కినప్పుడల్లా బౌండరీలు బాదుతూ స్ట్రరుుక్ రొటేట్ చేశారు. ఈ జంట 46 బంతుల్లోనే 63 పరుగుల భాగస్వామ్యాన్ని నెలకొల్పిన తర్వాత మిలింద్ బౌలింగ్‌లో అనిరుధ్‌కు క్యాచ్ ఇచ్చి పవన్ పెవిలియన్‌కు చేరాడు. తర్వాత గౌతమ్ (2), వినయ్ కుమార్ (2)లు నిరాశ పరిచినా....మయాంక్ టి20ల్లో పదో అర్ధసెంచరీని పూర్తి చేసుకున్నాడు. చివరి ఓవర్లో మయాంక్... హసన్ బౌలింగ్‌లో స్టంపౌటయ్యాడు.
  
  మిడిలార్డర్ వైఫల్యం
  
  సాధారణ లక్ష్యఛేదనకు బరిలోకి దిగిన హైదరాబాద్ జట్టుకు ఓపెనర్లు తన్మయ్ అగర్వాల్ (22), అక్షత్ శుభారంభం ఇచ్చారు. వీరిద్దరూ తొలి వికెట్‌కు 66 పరుగుల భాగస్వామ్యాన్ని నెలకొల్పారు. అనంతరం కేవలం ఆరు బంతుల వ్యవధితో వీరిద్దరిని ఔట్‌చేసి కర్ణాటక జట్టు రేసులోకి వచ్చింది. ఆ తర్వాత అనిరుధ్ (22) కూడా పెవిలియన్ చేరడంతో జట్టు కష్టాల్లో పడింది. ఓ ఎండ్‌లో బద్రీనాథ్ ధాటిగా ఆడినా ... మరో ఎండ్‌లో సందీప్ (6), ఆకాశ్ భండారి (0), సుమంత్ (1), హసన్ (3) విఫలం కావడంతో హైదరాబాద్‌కు ఓటమి తప్పలేదు.
  
  
  స్కోరు వివరాలు
  
  కర్ణాటక ఇన్నింగ్‌‌స: మయాంక్ అగర్వాల్ (సి) సుమంత్ (బి) సిరాజ్ 65; సుచిత్ (స్టంప్డ్) సుమంత్ (బి) హసన్ 1; సమర్థ్ (ఎల్బీడబ్ల్యూ) (బి) హసన్ 10; నాయర్ (సి) సుమంత్ (బి) మిలింద్ 12; పవన్ (సి) అనిరుధ్ (బి) మిలింద్ 32; గౌతమ్ (సి) సిరాజ్ (బి) భండారి 2; వినయ్ (స్టంప్డ్) సుమంత్ (బి) హసన్ (2); జోషి (14 నాటౌట్), గౌతమ్ (4 నాటౌట్); ఎక్స్‌ట్రాలు 6; మొత్తం 20 ఓవర్లలో 7 వికెట్లకు 148.
  
  వికెట్ల పతనం: 1-4, 2-24, 3-49, 4-112, 5-116, 6-120, 7-142.
  బౌలింగ్: రవికిరణ్ 4-0-51-0, హసన్ 4-0-16-3, మిలింద్ 4-0-19-2, సిరాజ్ 4-0-32-1, భండారి 4-0-28-1.
  
  హైదరాబాద్ ఇన్నింగ్‌‌స: తన్మయ్ (సి) జోషి (బి) సుచిత్ 22; అక్షత్ (సి) ప్రదీప్ (బి) అరవింద్ 42; బద్రీనాథ్ 37నాటౌట్; అనిరుధ్ (స్టంప్డ్) గౌతమ్ (బి) సుచిత్ 22; సందీప్ (సి) సమర్థ్ (బి) అరవింద్ 6; భండారీ (సి) వినయ్ (బి) అరవింద్ 0; సుమంత్ (సి) గౌతమ్ (బి) వినయ్ 1; హసన్ 1 నాటౌట్; ఎక్స్‌ట్రాలు 3; మొత్తం 20 ఓవర్లలో 6 వికెట్లకు 134.
  
  వికెట్ల పతనం: 1-66, 2-72, 3-105, 4-127, 5-128, 6-131.
  
  బౌలింగ్: ప్రదీప్ 3-0-20-0, వినయ్: 4-0-26-1, అరవింద్ 3-0-25-3, గౌతమ్ 4-0-30-0, సుచిత్ 4-0-18-2, పవన్ 2-0-12-0.      
  


 ముస్తాక్ అలీ టి20 క్రికెట్ టోర్నీ  
 
 
 
 చెన్నై: సయ్యద్ ముస్తాక్ అలీ అంతర్రాష్ట్ర టి20 క్రికెట్ టోర్నీలో హైదరాబాద్ జట్టు బ్యాట్స్‌మన్ తన్మయ్ అగర్వాల్ (48 బంతుల్లో 91; 13 ఫోర్లు, 2 సిక్సర్లు) విజృంభించాడు. దీంతో గోవా జట్టుతో ఆదివారం జరిగిన ఈ మ్యాచ్‌లో హైదరాబాద్ 51 పరుగుల తేడాతో ఘనవిజయం సాధించింది. టాస్ గెలిచి బ్యాటింగ్ ఎంచుకున్న హైదరాబాద్ జట్టు 20 ఓవర్లలో 4 వికెట్లనష్టానికి 224 పరుగుల భారీ స్కోరు చేసింది. అక్షత్ రెడ్డి (32 బంతుల్లో 55; 6 ఫోర్లు, 2 సిక్సర్లు) అర్ధసెంచరీతో చెలరేగగా... బద్రీనాథ్ (22 బంతుల్లో 49; 7 ఫోర్లు, 1 సిక్సర్) ధాటిగా ఆడాడు. ప్రత్యర్థి బౌలర్లలో సౌరభ్, అమిత్, గణేశ్‌రాజ్ తలో వికెట్ తీశారు. అనంతరం గోవా జట్టు 20 ఓవర్లలో 5 వికెట్లకు 173 పరుగులు చేసి ఓడిపోయింది. షగుణ్ కామత్ (44 బంతుల్లో 50; 3 ఫోర్లు, 3 సిక్సర్లు), సౌరభ్ (25 బంతుల్లో 53; 2 ఫోర్లు, 5 సిక్సర్లు) పోరాడారు. హైదరాబాద్ బౌలర్లలో సిరాజ్, టి. రవితేజ, ఆకాశ్ భండారి, మెహదీ హసన్ తలో వికెట్ దక్కించుకున్నారు.
  
  ఓపెనర్ల జోరు
  
  హైదరాబాద్ ఓపెనర్లు తన్మయ్, అక్షత్ రెడ్డి ధాటిగా ఇన్నింగ్‌‌సను ఆరంభించారు. వీరిద్దరూ ఫోర్లతో, సిక్సర్లతో స్కోరు బోర్డును పరుగుపెట్టించారు. అక్షత్ క్రీజులో కుదురుకోవడానికి కాస్త సమయం తీసుకోగా... తన్మయ్ ఆరంభం నుంచే గోవా బౌలర్లపై విరుచుకుపడ్డాడు. ఈ క్రమంలో తన్మయ్ టి20లో తొలి అర్ధసెంచరీని నమోదు చేశాడు. వీరిద్దరూ ధాటిగా ఆడుతూ తొలి వికెట్‌కు 111 పరుగుల భారీ భాగస్వామ్యాన్ని నెలకొల్పారు. అక్షత్ 55 పరుగుల వ్యక్తిగత స్కోరు వద్ద మిషాల్‌కు క్యాచ్ ఇచ్చి వెనుదిరిగాడు. ఈ దశలో క్రీజులోకి వచ్చిన బద్రీనాథ్ (49), తన్మయ్‌కి చక్కని సహకారం అందించాడు. ఈ జంట ఆరు ఓవర్ల పాటు ప్రత్యర్థి బౌలర్లను దీటుగా ఎదుర్కొని రెండో వికెట్‌కు 87 పరుగుల్ని జోడించింది. తన్మయ్ 91 పరుగుల వ్యక్తిగత స్కోరు వద్ద సౌరభ్ బౌలింగ్‌లో రితురాజ్ సింగ్‌కు క్యాచ్ ఇవ్వడంతో గోవా ఊపిరి పీల్చుకుంది. మరో మూడు బంతుల వ్యవధిలోనే బద్రీనాథ్ రనౌట్‌గా పెవిలియన్ చేరాడు.  ఆ తర్వాత రవితేజ (3) నిరాశపరిచాడు. అనిరుధ్ (9 నాటౌట్), సుమంత్ (12 నాటౌట్) క్రీజులో ఉన్నారు.
  
  రాణించిన షగుణ్, సౌరభ్
  
  భారీ లక్ష్య ఛేదనకు బరిలోకి దిగిన గోవా నెమ్మదిగా ఇన్నింగ్‌‌సను ఆరంభించింది. షగుణ్ కామత్ (50) ఆచితూచి పరుగులు చేయగా... స్వప్నిల్ అస్నోద్కర్ (19) త్వరగానే పెవిలియన్‌కు చేరాడు. స్నేహల్ కౌథాంకర్ (2) మరో నాలుగు పరుగుల వ్యవధిలోనే ఔటయ్యాడు. ఈ దశలో క్రీజులోకి వచ్చిన మిషాల్ (25) కామత్‌కు చక్కగా సహకరించాడు. ఈ జంట మూడో వికెట్‌కు 70 పరుగుల జోడించాక భండారి బౌలింగ్‌లో కామత్ వెనుదిరిగాడు. వెంటనే విషాల్ కూడా పెవిలియన్ బాట పట్టగా, కీనన్ వాజ్ (9) రాణించలేకపోయాడు. చివర్లో సౌరభ్ బండేకర్ (53 నాటౌట్) మెరుపులు మెరిపించినా జట్టును గెలిపించలేకపోయాడు.   
  
  స్కోరు వివరాలు
  
  హైదరాబాద్ ఇన్నింగ్‌‌స: తన్మయ్ అగర్వాల్ (సి) సింగ్ (బి) బండేకర్ 91; అక్షత్ రెడ్డి (సి) మిషాల్ (బి) నర్వేకర్ 55, బద్రీనాథ్ రనౌట్ (బండేకర్) 49, అనిరుధ్ 9 నాటౌట్, రవితేజ  (బి) అమిత్ 3, సుమంత్ 12 నాటౌట్; ఎక్స్‌ట్రాలు 5; మొత్తం 20 ఓవర్లలో 4 వికెట్లకు 224.
  
  వికెట్ల పతనం: 1-111, 2-198, 3-201, 4-211.
  
  బౌలింగ్: ఆర్‌ఆర్ సింగ్: 4-0-38-0; సౌరభ్ 4-0-54-1; జకాతి 3-0-36-0; అమిత్ యాదవ్ 3-0-34-1; జీడీ నర్వేకర్ 4-0-28-1; మిషాల్: 1-0-15-0; డీడీ గగోయ్ 1-0-18-0.
  
  గోవా ఇన్నింగ్‌‌స: షగుణ్ కామత్ (స్టంప్డ్) సుమంత్ (బి) భండారి 50, ఎస్‌ఏ అస్నోద్కర్ రనౌట్ (రవికిరణ్) 19, ఎస్‌ఎస్ కౌథాంకర్ (బి) సిరాజ్ 2, మిషాల్ (సి) రవికిరణ్ (బి) రవితేజ 25, బండేకర్ 53 నాటౌట్, వాజ్ (సి) మిలింద్ (బి) హసన్ 9, అమిత్ 6 నాటౌట్; ఎక్స్‌ట్రాలు 9; మొత్తం 20 ఓవర్లలో 5 వికెట్లకు 173.
  
  వికెట్లపతనం: 1-28, 2-32, 3-102, 4-104, 5-132.
  బౌలింగ్: రవికిరణ్ 4-0-29-0; మిలింద్: 4-0-38-0, సిరాజ్ 4-0-24-1, టి. రవితేజ 4-0-33-1, భండారీ 3-0-30-1, హసన్ 1-0-14-1.