ఆనంద్ ఒక మంచి కాఫీలాంటి సినిమా అంటూ టాలీవుడ్ ప్రేక్షకులకు తీయని అనుభవాన్నిచ్చిన రాజా ఆ తరువాత మాయాబజార్, మిస్టర్ మేధావి, మొగుడు పెళ్లాం ఓ దొంగోడు లాంటి చిత్రాల్లో నటించారు. రాజా జగన్మోహిని, కన్నా వంటి చిత్రాల ద్వారా తమిళ ప్రేక్షకులకు సుపరిచితుడే. ఈ యువ నటుడు ఇప్పుడు పెళ్లికొడుకు అవుతున్నారు. చెన్నైకి చెందిన వ్యాపార వేత్త కూతురితో పెళ్లి పీటలెక్కడానికి సిద్ధం అవుతన్నారు. ఈ వధువు పేరు అమృత. వీరి వివాహ నిశ్చితార్థం మార్చిలో, పాణిగ్రహం ఏప్రిల్ లో చెన్నైలో జరగనుంది. వివాహ రిసెప్షన్ హైదరాబాద్‌లో నిర్వహించనున్నారు. తమది పెద్దలు నిశ్చయించిన పెళ్లంటూ కాబోయే వధూవరులే ఒక ప్రకటన విడుదల చేయడం గమనార్హం.