కురవి(వరంగల్): విద్యాబుద్ధులు నేర్పించాల్సిన ఓ ఉపాధ్యాయుడు విద్యార్థినులతో అసభ్యంగా ప్రవర్తిస్తున్నాడు. ఈ ఘటన వరంగల్ జిల్లా కురవి మండలంలో శుక్రవారం వెలుగులోకి వచ్చింది. కురవి మండల కేంద్రంలోని ఏకలవ్య బాలికల గురుకుల పాఠశాలలోని భౌతికశాస్త్రం బోధించే ఉపాధ్యాయుడు వికాస్ గత కొన్ని రోజులుగా విద్యార్థినులతో అసభ్యంగా ప్రవర్తిస్తున్నాడు.
 దీంతో విసిగిపోయిన విద్యార్థినులు ఈ విషయాన్ని బయటపెట్టాలని భావించారు. శుక్రవారం నాడు బాధితులు స్కూల్ ఎదుట తల్లిదండ్రులతో కలసి ఆందోళన చేయడంతో అసలు విషయం బయటపడింది. విద్యార్థినులు, వారి తల్లిదండ్రుల ఆందోళనతో కొద్దిసేపు అక్కడ గందరగోళ పరిస్థితులు నెలకొన్నాయి.