Tamil Nadu cricket association

త‌మిళ‌నాడు క్రికెట్ అసోసియేష‌న్ (టీసీఎన్ఏ) కీల‌క నిర్ణ‌యం తీసుకుంది. చెన్నైలోని ఎంఏ చిదంబ‌రం స్టేడియంలోని 'ఎ' స్టాండ్‌కు భార‌త దిగ్గజ క్రికెట‌ర్లు ఎస్ వెంక‌ట్రాఘ‌వ‌న్ క్రిష్ణ‌మాచారి శ్రీకాంత్‌, ర‌విచంద్ర‌న్ అశ్విన్‌ల పేర్ల‌ను పెట్టి వారిని గౌర‌వించ‌నుంది. చెన్నైలో జ‌ర‌గ‌నున్న చారిత్రాత్మ‌క బీబీఎల్ (బిగ్‌బాష్ లీగ్‌) మ్యాచ్‌కు ముందు ఈ ముగ్గురికి ప్ర‌త్యేక స‌న్మాన‌ కార్య‌క్ర‌మాన్ని నిర్వ‌హించ‌నున్న‌ట్లు టీసీఎన్ఏ పేర్కొంది. ఇక ఆస్ట్రేలియాకు చెందిన‌ 2027 బిగ్‌బాష్ లీగ్ ప్రీమియ‌ర్ టీ20 లీగ్ ప్రారంభ‌ మ్యాచ్‌కు చెపాక్ స్టేడియం వేదిక కానున్న సంగ‌తి తెలిసిందే. ఈ ఏడాది డిసెంబ‌ర్ 12న మెల్‌బోర్న్ రెనెగేడ్స్‌, పెర్త్ స్కార్చ‌ర్స్ మ‌ధ్య మ్యాచ్ చెన్నైలోని చిదంబ‌రం స్టేడియంలో జ‌రగ‌నుంది. కాగా పైన పేర్కొన్న ముగ్గురు దిగ్గ‌జాలు త‌మిళనాడు జ‌ట్టుకు ప్రాతినిధ్యం వ‌హించ‌డంతో పాటు భార‌త జ‌ట్టుకు కూడా ఆడారు. మాజీ క్రికెటర్లు క్రిష్ శ్రీకాంత్‌, అశ్విన్‌ల కంటే సీనియ‌ర్ అయిన‌ ఎస్‌ వెంక‌ట‌రాఘ‌వ‌న్ 1963 నుంచి 1985 మ‌ధ్య టీమిండియాకు ప్రాతినిధ్యం వ‌హించారు. 22 ఏళ్ల కెరీర్‌లో వెంక‌ట్రాఘ‌వ‌న్ 57 టెస్టులాడి 156 వికెట్లు ప‌డగొట్టారు. అంతేకాదు, 1975, 1979లో జ‌రిగిన తొలి రెండు వ‌న్డే ప్ర‌పంచ‌క‌ప్‌ల‌కు ఎస్‌.వెంక‌ట‌రాఘ‌వ‌న్ భార‌త కెప్టెన్‌గా వ్య‌వ‌హ‌రించిన సంగ‌తి తెలిసిందే.ఇక క్రిష్ణ‌మాచారి శ్రీకాంత్ గురించి ప‌రిచ‌యం అవ‌స‌రం లేదు. 66 ఏళ్ల శ్రీకాంత్ 80వ ద‌శ‌కం ఆరంభంలో త‌న విధ్వంస‌క‌ర బ్యాటింగ్‌తో భార‌త క్రికెట్‌లో స‌రికొత్త విప్ల‌వాత్మ‌క మార్పులు తీసుకొచ్చాడు. 1983 వ‌న్డే ప్ర‌పంచ‌క‌ప్ గెలిచిన భార‌త జ‌ట్టులో స‌భ్యుడైన క్రిష్ణ‌మ‌చారి శ్రీకాంత్ 1981 నుంచి 1992 వ‌ర‌కు భార‌త్‌కు ప్రాతినిధ్యం వ‌హించాడు. ఆయ‌న టీమిండియా త‌ర‌ఫున 43 టెస్టులు, 146 వ‌న్డేలు ఆడాడు. 2011 వ‌న్డే ప్ర‌పంచ‌క‌ప్‌ను టీమిండియా గెలిచిన సంద‌ర్భంలో శ్రీకాంత్ బీసీసీఐ చీఫ్ సెలెక్ట‌ర్‌గా వ్య‌వ‌హ‌రించాడు.ఇక అశ్విన్ గురించి ప్ర‌త్యేక ప‌రిచ‌యం అవ‌స‌రం లేదు. ఈత‌రం బౌల‌ర్ల‌లో బెస్ట్ స్పిన్న‌ర్‌గా పేరు పొందిన అశ్విన్ ముఖ్యంగా టెస్టుల్లో టీమిండియాకు చాలా మ్యాచ్‌ల్లో ఆప‌ద్బాంధ‌వుడి పాత్ర‌ను పోషించాడు. టెస్టు క్రికెట్‌లో 537 వికెట్లు తీసిన అశ్విన్ టెస్టుల్లో భార‌త్ త‌ర‌ఫున అత్య‌ధిక వికెట్లు తీసిన జాబితాలో కుంబ్లే త‌ర్వాత రెండో స్థానంలో కొన‌సాగుతున్నాడు.దేశంలోని ప్ర‌ఖ్యాత స్టేడియాల్లోని స్టాండ్ల‌కు భార‌త క్రికెట‌ర్ల పేర్లు పెట్ట‌డం జ‌రిగింది. ఇప్ప‌టికే సునీల్ గావ‌స్క‌ర్‌, స‌చిన్ టెండూల్క‌ర్‌, ఎంఎస్ ధోని, రోహిత్ శ‌ర్మ‌, కోహ్లి స‌హా 17 మంది క్రికెట‌ర్ల పేర్ల మీద స్టాండ్ లేదా పెవిలియ‌న్ ఉంది. తాజాగా ఈ జాబితాలోకి వెంక‌ట‌రాఘ‌వ‌న్‌, శ్రీకాంత్‌, అశ్విన్ కూడా చేరారు. ఇక చిదంబ‌రం స్టేడియంలో క్రికెట‌ర్ల పేరిట ఒక స్టాండ్‌కు నామ‌క‌ర‌ణం చేయ‌డం చ‌రిత్ర‌లో ఇదే మొద‌టిసారి. ప్ర‌స్తుతం త‌మిళ‌నాడు మాజీ సీఎం క‌రుణానిధి పేరు మీద మాత్ర‌మే స్టేడియంలోని ఒక స్టాండ్‌కు పేరు పెట్ట‌డం జ‌రిగింది.ఇదీ చదవండి: చరిత్ర సృష్టించిన టీమిండియా బౌలర్‌.. సరికొత్త రికార్డు

Murali Vijay Announces Retirement: టీమిండియా వెటరన్‌ ఓపెనింగ్‌ బ్యాటర్‌, తమిళనాడు క్రికెటర్‌ మురళి విజయ్‌.. క్రికెట్‌లోని అన్ని ఫార్మాట్లకు వీడ్కోలు పలుకుతున్నట్లు ఇవాళ (జనవరి 30) ప్రకటించాడు. మురళి విజయ్‌ తన రిటైర్మెంట్‌ నిర్ణయాన్ని ట్విటర్‌ ద్వారా వెల్లడించాడు. రిటైర్మంట్‌ నోట్‌లో విజయ్‌ తనకు సహకరించిన వారందికీ ధన్యవాదాలు తెలిపాడు. 16 ఏళ్ల (2002-2018) పాటు టీమిండియాకు ప్రాతినిధ్యం వహించే అవకాశం లభించడం గౌరవంగా భావిస్తున్నాని విజయ్‌ పేర్కొన్నాడు. @BCCI @TNCACricket @IPL @ChennaiIPL pic.twitter.com/ri8CCPzzWK — Murali Vijay (@mvj888) January 30, 2023 తనకు అవకాశాలు కల్పించిన బీసీసీఐ, తమిళనాడు క్రికెట్‌ అసోసియేషన్‌, చెన్నై సూపర్‌ కింగ్స్‌, చెమ్‌ప్లాస్ట్‌ సన్మార్‌ ఫ్రాంచైజీల యజమాన్యాలకు విజయ్‌ కృతజ్ఞతలు తెలిపాడు. అలాగే, తన టీమ్‌ మేట్స్‌, కోచెస్‌, మెంటార్స్‌, సపోర్టింగ్‌ స్టాఫ్‌లకు కూడా ధన్యవాదాలు తెలిపాడు. ముఖ్యంగా తన కెరీర్‌లో ఎత్తుపల్లాలు ఎదుర్కొన్నప్పుడు అండగా నిలిచిన ఫ్యాన్స్‌కు జీవితాంతం రుణపడి ఉంటానని పేర్కొన్నాడు. తనపై అన్‌ కండిషనల్‌ లవ్‌ చూపిన ఫ్యామిలీ, ఫ్రెండ్స్‌కు ప్రత్యేక ధన్యవాదాలు తెలిపాడు. తన సెకెండ్‌ ఇన్నింగ్స్‌ను క్రికెట్‌కు సంబంధించిన వ్యాపారంలో కొనసాగిస్తానని తెలిపాడు.  38 ఏళ్ల మురళి విజయ్‌.. టీమిండియా తరఫున 61 టెస్ట్‌లు, 17 వన్డేలు, 9 టీ20లు ఆడాడు. టెస్ట్‌ల్లో 12 సెంచరీలు, 15 హాఫ్‌ సెంచరీల సాయంతో 3982 పరుగులు చేసిన విజయ్‌.. వన్డేల్లో ఒక హాఫ్‌ సెంచరీ సాయంతో 339 పరుగులు, టీ20ల్లో 169 పరుగులు చేశాడు. ఐపీఎల్‌లో 106 మ్యాచ్‌లు ఆడిన విజయ్‌.. 2 సెంచరీలు, 13 హాఫ్‌ సెంచరీల సాయంతో 2619 పరుగులు చేశాడు. విజయ్‌ తన ఐపీఎల్‌ ప్రస్థానంలో చెన్నై సూపర్‌ కింగ్స్‌తో పాటు ఢిల్లీ డేర్‌డెవిల్స్‌‌, కింగ్స్‌ ఎలెవెన్‌ పంజాబ్‌ జట్లకు ప్రాతినిధ్యం వహించాడు. అలాగే కౌంటీల్లో ఎసెక్స్‌, సోమర్‌సెట్‌ జట్ల తరఫున ఆడాడు. విజయ్‌కు ఫస్ట్‌క్లాస్‌ క్రికెట్‌తో పాటు లిస్ట్‌-ఏ క్రికెట్‌లోనూ మంచి ట్రాక్‌ రికార్డు ఉంది. రిటైర్మెంట్‌ వయసుకు సంబంధించి విజయ్‌ ఇటీవలే కొన్ని సంచలన వ్యాఖ్యలు చేశాడు. ఇండియన్‌ క్రికెట్‌లో 30 ఏళ్లు దాటితే 80 ఏళ్ల వృద్ధుడిలా చూస్తారని షాకింగ్‌ కామెంట్స్‌ చేశాడు. ఈ ప్రకటన చేసిన రోజుల వ్యవధిలోనే విజయ్‌ తన రిటైర్మెంట్‌ నిర్ణయాన్ని ప్రకటించాడు.      

చెన్నై: భారత్, ఇంగ్లండ్‌ మధ్య జరగబోయే టెస్టు సిరీస్‌కు ముందు ఇరు జట్ల ఆటగాళ్లు ఆరంభ విఘ్నాన్ని అధిగమించారు. నిబంధనల ప్రకారం నిర్వహించిన కోవిడ్‌–19 పరీక్షల్లో క్రికెటర్లంతా నెగెటివ్‌గా తేలారు. ఆరు రోజులుగా ఆటగాళ్లంతా క్వారంటైన్‌లో ఉన్నారు. సోమవారంతో ఇది ముగిసింది. ఈ ఆరు రోజుల కాలంలో ఒక్కో ఆటగాడికి మూడుసార్లు చొప్పున కరోనా టెస్టులు జరిపారు. అన్నింటిలోనూ నెగెటివ్‌ ఫలితం రావడంతో ఎలాంటి సమస్య లేకుండా టెస్టు సిరీస్‌ ఆరంభానికి రంగం సిద్ధమైంది.   తొలి టెస్టు మ్యాచ్‌కు ముందు ఇరు జట్లకు మూడు రోజుల పూర్తి స్థాయి నెట్‌ ప్రాక్టీస్‌కు అవకాశం ఉంది. మంగళవారం నుంచి గురువారం వరకు సాధన చేసేందుకు తమిళనాడు క్రికెట్‌ అసోసియేషన్‌ అన్ని ఏర్పాట్లు చేసింది. సోమవారం సాయంత్రమే కొందరు భారత ఆటగాళ్లు మైదానంలోకి దిగి అవుట్‌డోర్‌ సాధనకు ఉపక్రమించారని బీసీసీఐ వెల్లడించగా... నేడు ఆటగాళ్లంతా నెట్స్‌లోకి వస్తారని ఇంగ్లండ్‌ బోర్డు ప్రకటించింది. శ్రీలంక పర్యటనకు వెళ్లకుండా నేరుగా ఇంగ్లండ్‌ నుంచి వచ్చిన బెన్‌ స్టోక్స్, ఆర్చర్, బర్న్స్‌ క్వారంటైన్‌ పూర్తి చేసుకొని గత రెండు రోజులుగా సాధన చేస్తూనే ఉన్నారు. ఈ నెల 5 నుంచి తొలి టెస్టు, 13 నుంచి రెండో టెస్టు చెన్నైలో జరగనుండగా... తర్వాతి రెండు టెస్టులకు అహ్మదాబాద్‌ ఆతిథ్యమిస్తుంది. ఆస్ట్రేలియా గడ్డపై సాధించిన అద్భుత విజయంతో టీమిండియా అమితోత్సాహంతో బరిలోకి దిగుతుండగా... శ్రీలంకపై 2–0తో గెలిచిన ఇంగ్లండ్‌ జట్టులో కూడా ఆత్మవిశ్వాసం మెండుగా కనిపిస్తోంది.

సాక్షి, చెన్నై: భారత మాజీ క్రికెటర్‌ వీబీ చంద్రశేఖర్‌ (58) గుండెపోటుతో మరణించలేదని, ఆత్మహత్యకు పాల్పడ్డాడని పోలీసులు ధ్రువీకరించారు. ఆయన బలవన్మరణానికి అప్పులే కారణమని తేల్చారు. ఆర్థిక సమస్యల వల్లే చెన్నైలోని తన నివాసంలో చంద్రశేఖర్‌ గురువారం ఉరేసుకొని మృతి చెందారని పోలీసులు తెలిపారు. ఆయన మరణవార్తతో తమిళనాడు క్రికెట్‌ సంఘం వర్గాలు తీవ్ర దిగ్భ్రాంతికి గురయ్యాయి. తమిళనాడు ప్రీమియర్‌ లీగ్‌లో కాంచీ వీరన్స్‌ జట్టును ఆయన కొనుగోలు చేశారు. దీని నిర్వహణతో పాటు తన అకాడమీ కోసం బ్యాంకులు, సన్నిహితుల వద్ద రూ. 3 కోట్ల మేర అప్పు చేశారు. చివరకు చెల్లించలేని పరిస్థితి తలెత్తడంతో  ఆత్మహత్య చేసుకున్నారని పోలీసుల ప్రాథమిక విచారణలో తేలింది. చెన్నై రాయపేట ఆసుపత్రిలో శుక్రవారం చంద్రశేఖర్‌ మృతదేహానికి పోస్టుమార్టం నిర్వహించిన అనంతరం కుటుంబీకులకు అప్పగించారు. భారత మాజీ కెప్టెన్‌ రాహుల్‌ ద్రవిడ్, క్రికెటర్లు దినేష్‌ కార్తీక్, మురళీ విజయ్, విజయ్‌ శంకర్‌లతో పాటు తమిళనాడు క్రికెట్‌ సంఘం సభ్యులు ఆయన పార్థివదేహానికి నివాళులర్పించారు. 


 ఐసీసీ చైర్మన్ శ్రీనివాసన్ తమిళనాడు క్రికెట్ సంఘం అధ్యక్షుడి హోదాలో తమ సమావేశాలకు హాజరు కావచ్చో లేదో తెలపాలంటూ సెప్టెంబరు 12వ తేదీన బీసీసీఐ సుప్రీంకోర్టులో ఓ పిటిషన్ దాఖలు చేసింది. అయితే అందులో శ్రీనివాసన్ తండ్రి పేరు నటేశన్ అయ్యర్‌గా ప్రస్తావించారు. ఈ పేరుగల వ్యక్తి చెన్నైలో ఓ ప్రముఖ ఆడిటర్. ఎన్.శ్రీనివాసన్ తండ్రిపేరు నారాయణ స్వామి. తర్వాత బోర్డు లాయర్లు కాకతాళీయంగా ఈ పిటిషన్‌ను చూస్తే తప్పు కనిపించింది. వెంటనే లబోదిబో మంటూ మళ్లీ కోర్టుకు పరిగెత్తారు. తమ పిటిషన్‌లో పేరు తప్పుగా రాసిన విషయాన్ని ప్రస్తావిస్తూ సెప్టెంబరు 23న దానిని సరిదిద్దుకుని తిరిగి మరో పిటిషన్ సమర్పించారు.


 చెన్నై: బీసీసీఐ మాజీ అధ్యక్షుడు, ఐసీసీ చైర్మన్ ఎన్. శ్రీనివాసన్ సొంత రాష్ట్రంలోనూ హవా కొనసాగిస్తున్నారు. తమిళనాడు క్రికెట్ అసోసియేషన్(టీఎన్ సీఏ) అధ్యక్షుడిగా మరోసారి ఏకగ్రీవంగా ఎన్నికయ్యారు. శుక్రవారం జరిగిన టీఎన్ సీఏ 85వ వార్షిక కార్యవర్గ సమావేశంలో శ్రీనివాసన్ ను అధ్యక్షుడిగా ఎన్నుకున్నారు. ఏడాది పాటు ఆయన ఈ పదవిలో కొనసాగుతారు.
 
 ప్రస్తుత టీఎన్ సీఏ కార్యదర్శి కాశీ విశ్వనాథన్ కూడా తన పదవిని నిలబెట్టుకున్నారు. వీపీ నరసింహన్ కోశాధికారిగా ఎన్నికయ్యారు.


 చెన్నై: 'లుంగీ' వివాదంపై తమిళనాడు ముఖ్యమంత్రి జయలలిత కన్నెర్ర చేశారు. తమిళనాడు సంస్కృతికి వ్యతిరేకంగా జరిగే సంఘటనలను అరికట్టేందుకు కొత్త చట్టాన్ని రూపొందిస్తామని జయలలిత హామీ ఇచ్చారు.
  
 క్లబ్బు, రిసార్టులు, ఇతర సంస్థలు ఇలాంటి చర్యలకు దిగితే సహించేది లేదని జయలలిత వార్నింగ్ ఇచ్చారు. భవిష్యత్ లో ఇలాంటి చర్యలు పునరావృతమైతే కఠిన చర్యలు తీసుకుంటామని, లైసెన్సులను రద్దు చేస్తామని హెచ్చరించారు. 
  
 లుంగీ ధరించారనే కారణంతో మద్రాస్ హైకోర్టు జడ్జిలు, న్యాయవాదులను తమ క్లబ్ లోకి అనుమతించకుండా తమిళనాడు క్రికెట్ అసోసియేషన్ తీసుకున్న నిర్ణయం తమిళనాడును కుదిపేసింది.