New Zealand police investigating the suspected murder: ఆన్‌లైన్‌ వేలంలో న్యూజిలాండ్‌లోని ఆక్లాండ్‌లో ఉంటున్న ఒక కుంటుంబం ఒక సూట్‌కేసుని కొనుగోలు చేసింది. ఐతే ఆ సూట్‌కేస్‌ ఇంటికి డెలివరీ అయ్యాక లాకర్‌తో ఓపెన్‌ చేసి చెక్‌ చేసుకుంటున్నారు. పాపం ఎంత ఆత్రుతగా ఆ సూట్‌ కేసు తెరిచి చూస్తే... వారికి గుండె ఆగినంత పని అయ్యింది. ఇంతకీ అందులో ఏముందంటే... ఆ సూట్‌కేసులో ఇద్దరు చిన్నారుల మృతదేహా అవశేషాలు ఉన్నాయి. దీంతో ఆ కుటుంబం ఒక్కసారిగా భయబ్రాంతులకు లోనై పోలీసులకు ఫిర్యాదు చేసింది. పోలీసులు రంగంలోకి దిగి ఆ సూట్‌కేసుని పరిశీలించి నరహత్య జరిగిందేమోనన్న కోణంలో విచారించడం మొదలు పెట్టారు. మృతి చెందిన చిన్నారులిద్దరు ఐదు నుంచి 10 ఏళ్ల మధ్య వయసు ఉంటుందని , కొంతకాలం క్రితమే చనిపోయినట్లు వెల్లడించారు. ఈ సూట్‌కేసులు చాలా కాలం పాలు నిల్వలో ఉన్నాయని, దీని మాన్యుఫ్యాక్చరింగ్‌ వివరాలు జోడించకుండా ఆన్‌లైన్‌లో అమ్మాకానికి పెట్టినట్లు తెలిపారు. ఆ పిల్లలు ఎవరనేది అధికారికంగా గుర్తించాల్సి ఉందని అన్నారు. ఆ పిల్లల కుటుంబాలకు వారు చనిపోయినట్లు బహుశా తెలియకపోవచ్చు అని అన్నారు. పిల్లలు ఎలా చనిపోయారు, ఏం జరిగింది అనే దానిపై పూర్తి స్థాయిలో పోలీసులు విచారించడం ప్రారంభించారు. (చదవండి: పైలట్లు ఇద్దరూ నిద్రపోయారు.. గమ్యస్థానం దాటేసిన తర్వాత మేలుకున్నారు!)


 మహబూబాబాద్‌: జిల్లా కేంద్రమైన మహబూబాబాద్‌లో ఓ సూట్‌కేస్‌ కలకలం సృష్టించింది. స్థానిక రైల్వే స్టేషన్‌ నుంచి బస్టాండుకు వెళ్లే రోడ్డులో ఉన్న జయశ్రీ టిఫిన్‌ సెంటర్‌లో ఓ గుర్తు తెలియని వ్యక్తి సూట్‌కేసును వదిలి వెళ్లాడు. దీంతో స్థానికులు ఆందోళన చెందుతున్నారు. హోటల్‌ నిర్వాహకులు పోలీసులకు సమాచారం అందించారు.