నవరాత్రి ఉత్సవాల సందర్భంగా గుజరాత్‌లోని రాజ్‌కోట్‌లో ఒక మహిళ గాల్లో తల్వార్‌ ఊపుతూ బుల్లెట్‌పై వీరవిహారం చేసింది. మరో మహిళ టాప్‌లెస్‌ జీప్‌ను ఒంటి చేత్తో  డ్రైవ్‌ చేస్తూ మరో చేతితో తల్వార్‌ను గాలిలో ఝుళిపించింది. ఒక మహిళ స్కూటీ డ్రైవ్‌ చేస్తుంటే మరొక మహిళ వెనుక సీటులో నిల్చొని గాల్లో తల్వార్‌తో విన్యాసాలు చేసింది. ఆ రాత్రి దుర్గామాత మండపం సమీపంలో మహిళలు చేసిన రకరకాల స్టంట్స్‌కు సంబంధించిన వీడియోలు వైరల్‌గా మారాయి. ఈ వీడియోలకు మిశ్రమ స్పందన లభించింది. కొందరు ‘ఆహా ఓహో’ అని అబ్బురపడితే మరికొందరు ‘ఇలాంటి సాహసాలు తగవు’ అని ఖండించారు.

కాలేజీకి వెళ్లి చదువుకోవాల్సిన విద్యార్థులు రోడ్లపై రెచ్చిపోయారు. రోడ్లపై ర్యాష్‌ డ్రైవింగ్‌ చేస్తూ స్టంట్లు చేశారు. దీనికి సంబంధించిన వీడియో సోషల్‌ మీడియాలో చక్కర్లు కొట్టడంతో ఈ ఘటనపై పోలీసులు కేసు నమోదు చేసి విచారణ చేపట్టారు. కాగా, ఈ ఘటన ఢిల్లీ శివారు ప్రాంతంలో చోటుచేసుకుంది.  వివరాల ప్రకారం.. ఢిల్లీ సరిహద్దులోని గ్రేటర్‌ నోయిడాలో ఉన్న అమిటీ యూనివర్సిటీకి చెందిన కొందరు విద్యార్థులు తమ ఖరీదైన కార్లతో హల్‌చల్‌ చేశాడు. నడిరోడ్డుపై కార్లతో స్టంట్లు చేశారు. కొందరు విద్యార్థులు నోయిడాలోని సెక్టార్ 126లో రెండు తెలుపు రంగు టయోటా ఫార్చ్యూనర్ కార్లతో ఖాళీ రోడ్లపై విన్యాసాలు చేశారు. పంజాబీ ర్యాప్‌ పాటను హోరెత్తిస్తూ ప్రమాదకరంగా 360 డిగ్రీల స్టంట్లు చేశారు. ఒక పార్కింగ్‌ స్థలంలో కూడా ఒక కారుతో స్టంట్స్‌ చేస్తూ అక్కడున్న వారిని భయాందోళనలకు గురిచేశారు.   ఇక, విద్యార్థుల కారు స్టంట్లకు సంబంధించిన వీడియో సోషల్‌ మీడయాలో వైరల్‌గా మారి పోలీసులకు చేరింది. ఈ ఘటనపై కేసు నమోదు చేసుకుని దర్యాప్తు చేపట్టినట్టు వెల్లడించారు. అయతే, సోషల్‌ మీడియాలో పాపులారిటీ కోసం ఆ విద్యార్థులు ఖరీదైన కార్లతో ఈ విన్యాసాలు చేసినట్లు పోలీసులు అంచనా వేస్తున్నారు. కాగా, విద్యార్థుల ప్రవర్తనపై నెటిజన్లు ఆగ్రహం వ్యక్తం చేస్తున్నారు. NOIDA एमिटी यूनिवर्सिटी में रहीशजादों की स्टंटबाजी, फॉर्च्यून से ड्रिफ्ट मरते वीडियो वायरल PS 126@noidapolice@noidatraffic @Uppolice pic.twitter.com/4W9hVh8zBm — हिमांशु शुक्ला (@himanshu_kanpur) December 23, 2022


 సాధారణంగా 60 ఏళ్ల తర్వాత వయసురీత్యా ఆరోగ్య సమస్యలు వస్తుంటాయి. కానీ 82 ఏళ్ల ఈ బామ్మగారు ఎంతో ఉల్లాసంగా, ఉత్సాహంగా కనిపించడమే కాదు తాను ప్రయాణిస్తున్న రైల్లోని ప్రయాణికులను సైతం ఆనందంగా ఉంచారు. ఆ బామ్మ పేరేంటో తెలియదు కానీ ఆమె చేసిన విన్యాసాలు మాత్రం సోషల్‌ మీడియాలో హల్‌చల్‌ చేస్తున్నాయి.
 
 ఎంతోమంది యువకులు, మధ్య వయస్కులు ఉన్నా.. వారి ముందు ఫీట్లు చేయడానికి ఏ మాత్రం సిగ్గుపడలేదు. ఈ ఫ్రాన్స్‌ బామ్మ రైల్లో హుషారుగా సినిమా తరహాలో కొన్ని ఫీట్లు చేశారు. సాధారణంగా సినిమాల్లో హీరోయిన్లు చేసే ఓ స్టంట్‌ చేసి ఔరా అనిపించారు. ఆమె ఎదురుగా కొంతమంది చేతులు పైకెత్తి నిలుచుండగా, బామ్మగారు వారి చేతులపైకి జంప్‌ చేసి చేతులపై నుంచి పాకుతూ అలాగే ముందుకెళ్లి కిందకి దిగారు. ఆ తర్వాత తలపై భారం మోపుతూ మరో ఫీట్‌ చేశారు. కాళ్ల నొప్పులు, కీళ్ల నొప్పులు, ఇతరత్రా సమస్యలు తనకేం లేవని చెప్పిన బామ్మ.. నేలపై తల వంచి శరీరాన్ని బ్యాలెన్స్‌ చేస్తూ కాసేపు కాళ్లను నిటారుగా ఉంచి అందరినీ ఆశ్చర్యపరిచారు. ఆ ఫీట్లు చేస్తున్నంతసేపూ అక్కడున్న వారు బామ్మను ‘మెర్సీ మామి’ అంటూ ఉత్సాహపరిచారు.