సినిమాల్లో హీరోలు చేసే స్టంట్‌ సీన్‌లను కళ్లను పెద్దవిగా చేసుకుని మరీ చూసేస్తాం. అంతలా చేయాలంటే ఎంతో ప్రాక్టీస్‌ ఉండాల్సిందే. అయితే హీరోయిన్ల విషయానికి వస్తే అలాంటి సీన్‌ ఉండవు. లేడీ ఓరియంటెడ్‌ మూవీల్లో తప్పా.. అది కూడా అన్యాయాన్ని ఎదిరించే వీర వనితలాంటి పాత్ర అయితేనే ఫైటింగ్‌ సీన్‌లు లేదంటే ఉండవు. అందులోనూ బ్లాక్‌ అండ్ వైట్‌ సినిమాల టైంలో మహిళలను ఆ రేంజ్‌లో చూపించే ఛాన్సే లేదు.అయితే ఆ టైంలో ఒక అమ్మాయి అందర్నీ ఆశ్చర్యపరిచేలా స్టంట్‌లు చేసి వావ్‌ అనిపించుకుంది. కండలు తిరిగిన మగవాళ్లని ఒక్క ఊదుటన కట్టడి చేసే ఆమె తెగువకు అందరూ కంగుతిన్నారు. అమ్మాయిలు ఇలాంటివి కూడా చేయగలరనేందుకు ఆమె ప్రేరణగా నిలిచింది. ఆమె వల్లనే ఈనాడు సినిమాల్లో అమ్మాయిలకు మంచి స్టైలిష్‌ ఫైటింగ్‌ సీన్‌లు ఇచ్చారని చెప్పొచ్చు. ఒక్క మాటలో చెప్పాంటే భారతదేశపు తొలి స్టంట్‌ విమెన్‌ ఆమె. ఎవరామె..ఎలా ఆమె సినీ ప్రస్థానం మొదలైందంటే..ఫియర్‌లెస్ నదియా(Nadia)గా ప్రసిద్ధి చెందిన నటి-స్టంట్ విమెన్(Stuntwoman) మేరీ ఆన్ ఎవాన్స్ ఆరోజుల్లో అసాధారణమైన ఫైట్‌లతో ప్రేక్షకులను అలరించింది. 1908లో జన్మించిన నదియా అసామాన్యమైన ధైర్యం బలం, నిర్భయ వ్యక్తిత్వానికి నిలువెత్తు నిదర్శనంగా ఉండేది. అలనాటి బాలీవుడ్‌(Bollywood) మూవీ హనీ బన్నీలో అసామాన్యమైన ధైర్యసాహసాల గల హీరోయినే నదియా. అందులో ఆమె చేసిన స్టంట్‌లు సినిమా వరకే పరిమితం అనుకుంటే పొరపాటే. ఎందుకంటే ఆమె నిజజీవితంలో కూడా అలానే ఉంటారామె. ఆస్ట్రేలియా(Australia) మూలాలకు చెందిన నీలి కళ్ల అందగత్తె నదియా. ఆ రోజుల్లో మెకాలి ఎత్తు బూట్లువేసుకుని కొరడాతో ప్రత్యర్థులను చిత్తు చేసే హీరోయిన్‌గా ప్రేకక్షకులను మెప్పించింది. చెప్పాలంటే ఇలాంటి ధైర్యవంతమైన మహిళలను కూడా ఆదిరిస్తారు ప్రజలు అని తన నటనతో చాటిచెప్పింది. వైవిధ్య భరితమైన సాహోసోపేతమైన పాత్రల చేసినందుకు గానూ ఆమెను హంటర్‌వాలి అని ముద్దుగా పిలుచుకునేవారు అభిమానులు. ఆస్ట్రేలియాలోని గ్రీకుకి చెందిన తల్లి పెర్త్‌, బ్రిటిష్‌ తండ్రి(British father)కి జన్మించింది ఎవాన్స్‌(నదియా). తన తండ్రి సైనిక విభాగంతో భారత్‌కు రావడంతో ఇక్కడ వచ్చింది. అయితే తండ్రి మరణంతో కుటుంబం మొత్తం బొంబాయిలోనే స్థిరపడింది. నటిగా కెరీర్‌ ప్రారంభించటానికి ముందు సర్కస్‌లో పనిచేసేది. అక్కడ నృత్యం,గుర్రపుస్వారీల వంటి ప్రదర్శనలు ఇచ్చేది. అలా నటిగా కెరీర్‌ని చిన్న చిన్న పాటలతో ప్రారంభించింది. వాటికి ప్రేక్షకుల ఆదరణ లభించడమే గాక ఓ బాలీవుడ్‌ దర్శకుడుని దృష్టిలో పడేలా చేసింది. ఆయన ఆమెలోని ప్రతిభను గుర్తించి బాలీవుడ్‌ సినిమాల్లో హీరోయిన్‌గా పరిచయం చేశాడు. అలా ఆమె సినిరంగ ప్రవేశం చేయడమే గాక, మహిళలు స్టంట్‌ సీన్‌లను చేయగలరని ‍ప్రూవ్‌ చేసింది. ఆమె కెరీర్‌లో మైలు రాయి హంటర్‌వాలి మూవీ. అందులో తన తండ్రి మరణానికి న్యాయం కోరుతూ ప్రతీకారం తీర్చుకునే యువరాణిగా అలరించింది. ప్రజలు మదిలో ఆ పాత్ర నిలిచిపోయేలా నటించింది నదియా. ఆ విధంగా ఆమె బాలీవుడ్‌లో ప్రముఖ తారగా వెలుగొందింది. ఆమె సంతకం కూడా వెరైటీగా ఉంటుంది అరుపులాగా హే య్‌! అని క్యాచీగా సంతకం చేస్తుంది. నదియా నిర్భయమైన మహిళగా విలన్లతో పోరాడే పాత్రలనే ఎక్కువగా చేసింది. ప్రజలు ఆమె స్టంట్‌లకు బ్రహ్మరథం పట్టేవారట. ఆమె కారణంగానే హీరోయిన్లకు ఇలాంటి పాత్రల ఇచ్చేలా మార్గం సుగమం అయ్యిందని అంటారు సినీ విశ్లేషకులు. అంతేగాదు బాలీవుడ్‌ కల్ట్‌ హోదా(విశేష ప్రజాదరణ)ను పొందిన విదేశీయులలో ఆమె కూడా ఒకరు. హీరోయిన్లంటే మాములు పాత్రలకే పరిమితమైన మూసధోరణిని బద్ధలు కొట్టి సాహసోపేతమైన విన్యాసాలను అవలీలగా చేయగలరని చెప్పేలా స్ఫూర్తిగా నిలిచింది. ఆమె 1996లో 88వ పుట్టిన రోజున మరణించారు. ఇప్పటికీ స్టంట్‌ విమెన్‌ అనగానే నదియా అని గుర్తొచ్చాలా ప్రజల మదిలో నిలిచిపోయారామె.(చదవండి: ఆయన దూరమవ్వడానికి కారణం అదేనేమో..! ఈ వేదన, బాధను..)

బైక్‌ స్టంట్స్‌ చేయడం నేరమని, ప్రాణానికి ప్రమాదం అని అందరికీ తెలిసిందే. అయినా కూడా యువతకు స్టంట్స్‌ అంటే విపరీతమైన మోజు.. ఎన్ని దెబ్బలు తగిలినా రకరకాలుగా విన్యాసాలు చేస్తూ అదో ఫ్యాషన్‌గా ఫీల్‌ అవుతుంటారు. స్టంట్స్‌అంటే గుర్తొచ్చేది ఎక్కువగా అబ్బాయిలే. అమ్మాయిలు చేయడం చాలా అరుదు. తాజాగా ఓ యువతి సైకిల్‌పై  స్టంట్ చేసే వీడియో ఒకటి ప్రస్తుతం సోషల్ మీడియాలో బాగా వైరల్ అవుతోంది. అయితే ఈ వీడియో చూస్తే యువతికి  ఓ యువకుడు అడ్డురావడంతో ఆమె అద్భుతమైన ఫెయిల్‌ అయ్యింది.  దీంతో ఇద్దరు బొక్కబోర్లా పడ్డారు. రోడ్డుపై ఓ అమ్మాయి వేగంగా సైకిల్‌ తొక్కుతూ వచ్చి.. సడన్‌గా బ్రేకులు వేసి విన్యాసాలు చేస్తుంది. సడన్ బ్రేక్ వేయడంతో ఆమె సైకిల్ వెనుక చక్రం పైకి లేచింది. కానీ  అప్పుడే వెనుక నుంచి  మరో సైకిల్ పై వేగంగా వచ్చిన యువకుడు.. ఆమె విన్యానాన్ని చెడగొట్టాడు. అబ్బాయి సైకిల్‌తో వచ్చి అమ్మాయి సైకిల్‌ను ఢీకొట్టడంతో ఇద్దరు ఒకరిపై ఒకరు పడిపోయారు. వీళ్లిద్దరూ కూడా స్టంట్స్ చేసేవారని తెలుస్తుంది. చదవండి: Viral Video: పెళ్లిలో అమ్మాయిల తీన్‌మార్‌ స్టెప్పులు, చేతిలో డ్రింక్‌ బాటిల్‌ పట్టుకొని.. అయితే అబ్బాయి కూడా యువతి లాగే వేగంగా సైకిల్ తొక్కుతూ వచ్చి బ్రేక్‌లు వేయాలి. కానీ అది మర్చిపోవడంతో ఎదురుగా ఉన్న యువతి సైకిల్‌ను ఢీకొట్టడంతో.. ఇద్దరూ పడిపోయారు. ఈ ఘటనలో ఎలాంటి ప్రమాదం జరగకపోవడంతో ఇద్దరూ వెంటనే లేచి నిలబడ్డారు. కాగా ఈ వీడియో చూసిన వారంతా ఇది చూసినవారంతా..‘ అమ్మాయి మంచి స్టంట్‌ను అబ్బాయి చెడగొట్టేశాడు. పాపం ఒకరి వల్ల ఇద్దరు బలి. ఇకనైనా జాగ్రత్తగా ఉండండి’ అంటూ కామెంట్‌ చేస్తున్నారు. చదవండి: రూ. 5కే పోహా.. 65 ఏళ్ల వయసులో బామ్మ బతుకు పోరాటం .. హాట్సాఫ్‌ దాదీ View this post on Instagram A post shared by Best Fails (@best.failsever)


 ముంబై: ఆమె పేరు గీతా టాండన్‌. ఆమెను ఎన్ని విధాలుగానైనా అభివర్ణించవచ్చు. సాహసానికి మారుపేరు. ఒళ్లు గగుర్పొడిచే విన్యాసాలకు వెన్నుచూపని ధీర వనిత. జీవన పోరాటంలో అలుపెరగని ఓ తల్లి. కుల్లు సమాజం కుళ్ల బొడిచినా వ్యక్తిత్వం కోల్పోని మహిళా మణి. ప్రపంచ స్ఫూర్తిదాయక కథలకు ఆమె జీవన గమనం ఏ మాత్రం తీసిపోదు.
 కెరీర్‌ పరంగా చెప్పాలంటే ఆమె ఓ సినిమా స్టంట్‌ విమెన్‌. చెన్నై ఎక్స్‌ప్రెస్‌లో దీపికా పదుకునే, సింఘమ్‌లో కరీనా కపూర్‌ చేసిన సాహసాలు గీతా టాండన్‌ చేసినవే. హీరోయిన్లు ఎత్తైన భవనాల నుంచి దూకడం, దగ్ధమవుతున్న కారును గాజు తలుపులు బద్దలు కొడుతూ దూకించడం, పర్వతాల్లో మోటార్‌ బైకుపై స్టంట్‌ చేయడం మనం బాలివుడ్‌ సినిమాల్లో చూసే ఉంటాం. అవన్నీ తెరముందు కనిపించకుండా గీతా టాండన్‌ చేసినవే. ముఖ్యంగా ఆమె దీపికా పదుకొనేతోపాటు కత్రినా కైఫ్, బిపాసా బసు, పరిణీతి చోప్రాలకు వివిధ సినిమాల్లో స్టంట్‌ విమెన్‌గా చేశారు. చేస్తున్నారు.
 
 చిన్నప్పటి నుంచి తాను జీవన పోరాటంలో చేసిన సాహసాల ముందు ఈ సాహసాలు ఓ లెక్కా అని ఆమె ఎప్పుడూ చెబుతారు. ముంబైలోని పంజాబీ కుటుంబంలో జన్మించిన 29 ఏళ్ల గీతా టాండన్‌కు చిన్నప్పుడే తల్లిదండ్రులు పోయారు. ఆలనాపాలనా చూసుకునే వారు లేకపోవడంతో పదవ తరగతి వరకు చదివిన టాండన్‌కు దగ్గరి బంధువులు 15వ ఏటనే పెళ్లి చేశారు. అప్పటి నుంచి ఆమె జీవితం అంధకారమైపోయింది. తాగి తందనాలాడే భర్త రోజు కొట్టే వాడు. సెక్స్‌ కోసం హింసించేవాడు. ఆ బాధలు భరించలేక ఇద్దరు పిల్లలను తీసుకొని ఇంటి నుంచి పారిపోయారు. కొన్ని రోజులపాటు గురుద్వార్‌లో తలదాచుకున్నారు. అట్లుతోమి బతుకుదామనుకున్నారు. ఓ ఇంట్లో లైంగిక వేధింపులు ఎదురయ్యాయి. ఎంతో మంది ఆమెను వ్యభిచారం వత్తిలోకి దించేందుకు ప్రయత్నించారు. అందుకు ఆమె ఒప్పుకోలేదు.
 
 మసాజ్‌ సెంటర్‌లో జీతం ఎక్కువ ఇస్తారని మిత్రులు చెబితే అందులో చేరారు. అక్కడికెళ్లాక తెలిసింది. మసాజ్‌ ముసుగులో జరిగేదంతా వ్యభిచారమేనని. అక్కడి నుంచి పారిపోయారు. రోడ్డు పక్కన రోజుకు ఎనిమిది గంటలు రొట్టెలు చేసే పనికి కుదిరారు. కాస్త జీవనం కుదుటపడింది. జీవితాన్ని మరింత మెరగుపర్చుకోవాలనుకున్నారు. పిల్లలను మంచి చదువులు చదివించాలనుకున్నారు. చిన్నప్పుడు నేర్చుకున్న డాన్స్‌ అనుభవంతో సినిమాలో ఎక్స్‌ట్రా డాన్సర్‌గా పని చేయాలనుకున్నారు. చివరకు స్టంట్‌ విమెన్‌గా సెటిల్‌ అయ్యారు. ఇప్పుడు డాక్యుమెంటరీ రూపంలో ఆమె మీద తీసిన ఓ షార్ట్‌ ఫిల్మ్‌ సోషల్‌ మీడియాలో చక్కర్లు కొడుతోంది.