Virender Sehwag Picks Jasprit Bumrah As Team India Vice Captain: టీ20 ప్రపంచకప్‌-2021 తర్వాత టీమిండియా పరిమిత ఓవర్ల కెప్టెన్‌గా రోహిత్‌ శర్మ పేరు దాదాపుగా ఖరారైన నేపథ్యంలో వైస్‌ కెప్టెన్‌గా ఎవరుంటారనే అంశంపై రకరకాల ఊహాగానాలు వినిపిస్తున్నాయి. కొందరు మాజీలు, విశ్లేషకులేమో కేఎల్ రాహుల్, రిషబ్‌ పంత్‌ల పేర్లు ప్రతిపాధిస్తుండగా.. టీమిండియా మాజీ ఓపెనర్‌, డాషింగ్‌ ఆటగాడు వీరేంద్ర సెహ్వాగ్‌ మాత్రం ఫాస్ట్ బౌలర్ జస్ప్రీత్ బుమ్రా పేరును తెరపైకి తెస్తూ ఆసక్తికర వ్యాఖ్యలు చేశాడు.  భారత పరిమిత ఓవర్ల జట్టు ఉప సారధిగా రాహుల్‌, పంత్‌ల కంటే బుమ్రానే బెటర్‌ ఛాయిస్‌ అనే అభిప్రాయాన్ని వ్యక్తం చేశాడు. ఇప్పటి వరకు బుమ్రా ఏ టీ20 జట్టుకు నాయకత్వం వహించకపోయినా బౌలింగ్‎లో నిలకడగా రాణిస్తున్నాడని, మూడు ఫార్మాట్లలో నిలకగా ఆడే వారినే కెప్టెన్, వైస్ కెప్టెన్‌గా నియమిస్తారు కాబట్టి బుమ్రా కంటే మెరుగైన ఎంపిక మరొకటి ఉండదంటూ ఆసక్తికర వ్యాఖ్యలు చేశాడు. భారత కెప్టెన్‌గా, వైస్‌ కెప్టెన్‌గా ఇప్పటివరకూ ఫాస్ట్‌ బౌలర్‌ను ఎంపిక చేయలేదన్న విషయాన్ని పరిగణలోకి తీసుకుని  టీమిండియా వైస్‌ కెప్టెన్‌గా బుమ్రాను ఎంపిక చేయాలని డిమాండ్‌ చేశాడు.  కాగా, ఇటీవలే భారత మాజీ లెఫ్ట్‌ ఆర్మ్‌ పేసర్‌ ఆశిష్‌ నెహ్రా సైతం ఇంచుమించు ఇలాంటి ప్రతిపాదననే చేయగా, సెహ్వాగ్‌.. నెహ్రా ఛాయిస్‌ను సమర్ధిస్తూ బుమ్రాకు మద్దతు పలికాడు. టీమిండియా కెప్టెన్‌గా బౌలర్ ఉండకూడదని ఏ రూల్ బుక్‎లోనైనా రాసుందా అంటూ ఆశిష్‌ నెహ్రా సంచలన వ్యాఖ్యలు చేసిన సంగతి తెలిసిందే. కోహ్లి స్థానాన్ని ఫాస్ట్‌ బౌలర్‌తో భర్తీ చేయాలని నెహ్రా డిమాండ్‌ చేశాడు. చదవండి: పొట్టి క్రికెట్‌లో ఆల్‌ టైమ్‌ రికార్డు సృష్టించిన భారత్‌-పాక్‌ మ్యాచ్‌

మాజీ డాషింగ్‌ ఓపెనర్‌ వీరేంద్ర సెహ్వాగ్‌ జోస్యం చెప్పాడు. భవిష్యత్‌లో టీమిండియా మాజీ కోచ్‌ను చీఫ్‌ సెలక్టర్‌గా చూస్తామంటున్నాడు. ఇంతకీ ఆ అదృష్టం ఎవరిని వరించనుంది? తెలుసుకోవాలంటే ఈ వీడియో క్లిక్‌ చేయండి? 


 రిటైర్మెంట్‌పై సెహ్వాగ్ వ్యాఖ్య
 న్యూఢిల్లీ: తన ఆఖరి టెస్టుకు ముందు సెలక్టర్లు తనతో వ్యవహరించిన తీరు పట్ల వీరేంద్ర సెహ్వాగ్ అసంతృప్తి వ్యక్తం చేశాడు. ఆ సమయంలో తగిన అవకాశాలు ఇవ్వకుండానే వేటు వేశారని, కనీసం తనతో మాట్లాడి ఉంటే గౌరవంగా తప్పుకునేవాడినని అతను అన్నాడు. ‘2013 ఆస్ట్రేలియా సిరీస్ సందర్భంగా తప్పించే ముందు సెలక్టర్లు నా భవిష్యత్తు ప్రణాళికల గురించి అడిగితే అదే సిరీస్‌లో రిటైర్మెంట్ ప్రకటించి ఒక ప్రసంగం కూడా చేసేవాడిని. కానీ నాకు మరోలా రాసి పెట్టి ఉంది’ అన్నాడు.
 
 గతంలో 2007లోనే జట్టులోంచి తొలగించినప్పుడు రిటైర్ అవుదామనుకున్నానని, అయితే సచిన్ నచ్చజెప్పడంతో ఆగిపోయానని వీరూ గుర్తు చేసుకున్నాడు. కామెంటరీ చేస్తే తన ఆటలాగే కుండబద్దలు కొట్టినట్లు మాట్లాడతానని అన్నాడు.