'సిటి ఆఫ్ జాయ్' కోల్ కతాలో మాస్టర్ బ్లాస్టర్ 'సచిన్ టెండూల్కర్' కార్నివాల్ ప్రారంభమైంది. నవంబర్ 6 నుంచి 10 వరకు  జరిగే మ్యాచ్ లో సచిన్ ఈడెన్ గార్డెన్ లో చివరిసారిగా టెస్ట్ ను ఆడనున్న నేపథ్యంలో క్రికెట్ అసోసియేషన్ ఆఫ్ బెంగాల్ భారీ ఏర్పాట్లలో తలమునకలైంది. 
  
 గౌరవ సభ్యత్వంతోపాటు, స్టేడియంలోని ఓ గ్యాలరీకి సచిన్ పేరును పెట్టేందుకు బెంగాల్ క్రికెట్ అధికారులు తమ పనుల్లో నిమగ్నమయ్యారు. కోల్ కతాలో ఎప్పుడూ మ్యాచ్ జరిగినా సచిన్ కాళీమాత ఆలయంలో పూజలు నిర్వహించే వారని అధికారులు గుర్తు చేసుకుంటున్నారు. ఈ మ్యాచ్ సందర్భంగా సచిన్ సతీమణి అంజలీకి ఓ చీరను బహుకరించేందుకు అధికారులు సిద్దమయ్యారు. 
  
 అదే సమయంలో కోల్ కతా చలన చిత్రోత్సవంలో పాల్గొనే బాలీవుడ్ సూపర్ స్టార్ అమితాబ్ బచ్చన్, షారుక్ ఖాన్ లను కూడా ఆహ్వనించనున్నారు.