స్వీడన్: ఆమె వయసు 26 ఏళ్లు. ఇప్పటికి పందొమ్మిది కాస్మోటిక్ సర్జరీలు పూర్తి చేసుకుంది. ఇవన్నీ కూడా ఆమె అందాన్ని మరింత అందంగా చూపించడానికే. స్వీడన్కు చెందిన ఈ మోడల్ చేసే హంగామా అంతా ఇంత కాదు.. ఆవివరాలేమిటో పరిశీలిస్తే.. పిక్సీ ఫాక్స్ అనే ఉత్తర కరోలినాకు చెందిన 26 ఏళ్ల మహిళ స్వీడన్ మోడల్గా పనిచేస్తోంది. ఆమెకు అందంపై ఉన్న శ్రద్ధ ఒక్కసారి గమనిస్తే ఎంతో ఆశ్చర్యపోతారు. నిత్యం తళుక్కున మెరిసేందుకు ఆమె ఎలాంటి సాహసమైనా చేయలేదు.
 
 అందుకోసం ఎంతటి ఖర్చయినా భరించగలదు. ఇప్పటికే ప్రపంచంలోనే అత్యంత సన్నటి నడుంగల యువతిగా పేరు సంపాదించుకోవాలని ఉవ్విళూరుతున్న ఆమె ఇప్పుడు మరో కొత్త సాహసం చేసింది. తన కళ్లు గ్రీన్ కార్టూన్ కలర్ లో మెరిసి పోవాలని దాదాపు 80 వేల ఫౌండ్లు ఖర్చు చేసింది. అయితే, ఇలా చేయడం ఆమెకు కొత్తేం కాదంట. ప్రతి ఏడాది తన కళ్ల రంగును నచ్చినట్లు ఇలా లక్షలు పోసి మార్పించుకుంటానని ఆమె స్వయంగా చెప్పింది. మరింత ఆశ్చరకరమైన విషయం ఏమిటంటే.. ఇసుక గడియారం చూసే ఉంటారుగా.. అచ్చం అంత సన్నగా తన నడుము ఉండాలని ఏకంగా ఆమె ఆరు పక్కటెముకలు తీయించుకుంది. ఇప్పుడేమో కళ్లు. మున్ముందు ఇంకెన్ని సర్జరీలు చేయించుకుంటుందో చూడాలి. (చదవండి.. 'సైజ్‌ జీరో' కోసం పక్కటెముకలు తీయించుకుంది!)


 'జెస్సికా రాబిట్‌'ను పోలిన నాజూకైన నడుమును సొంతం చేసుకునేందుకు ఓ యువతి ఏకంగా ఆరు పక్కటెముకలు తీయించుకుంది. స్వీడన్‌కు చెందిన 25 ఏళ్ల పీక్సీ ఫాక్స్‌ ఒకప్పుడు మాములు ఎలక్ట్రీషియన్. ఆ తర్వాత మోడల్‌గా మారి.. అమెరికాలోని నార్త్‌ కరోలినాకు మకాం మార్చింది. ఆ తర్వాత అందంగా కనిపించేందుకు ఎడాపెడా శస్త్రచికిత్సలు చేయించుకుంది. లక్షల రూపాయాలు ఖర్చు చేసి..  ముక్కు, వక్షోజాలు ఇలా అనేక శస్త్రచికిత్సలతో శరీర ఆకృతిని మార్చేసుకుంది. తాజాగా ఈ అమ్మడు ఏకంగా ఆరు పక్కటెముకలు తీయించుకొని.. కేవలం 14 ఇంచుల నడుముతో ఆన్‌లైన్‌లో పెట్టిన ఫొటోలు, వీడియోలు హల్‌చల్ చేస్తున్నాయి.
 
 పిక్సీ స్ఫూర్తిగా తీసుకున్న 'జెస్సికా రాబిట్‌' అనేది ఓ కార్టూన్ క్యారెక్టర్. డిస్నీ కథ అయిన 'స్లీపింగ్‌ బ్యూటీ' ఇతివృత్తంగా తీసిన 'వూ సెన్సార్డ్‌ రోజర్ రాబిట్ అండ్ అరౌరా' సినిమాలో కనిపించే ఈ క్యారెక్టర్ నడుము రెండు అరచేతుల నడుమ ఇమిడిపోతుంది. తను కూడా అలాంటి నడుమును సొంతం చేసుకునేందుకు పిక్సీ ఇండియానాపోలిస్‌లో మొత్తం ఐదు నెలలపాటు శస్త్రచికిత్సలు చేయించుకుంది. మొత్తం ఆరు దిగువ పక్కటెముకలు తీయించుకొని.. అరచేతిలో పట్టే నడుమును సాకారం చేసుకుంది.
 
 ఈ చిట్టి నడుముతో ఈమె ఈ నెల 26న పెట్టిన వీడియోను ఇప్పటికే యూట్యూబ్‌లో 8.5లక్షలమంది చూశారు. రోజర్ రాబిట్, ఇతర సెక్సీ కార్టూన్ క్యారెక్టర్ల తరహాలో శరీర ఆకృతిని మార్చుకొని 'లీవింగ్ కార్టూన్‌'గా పేరు తెచ్చుకోవడం తన లక్ష్యమని, ఇందుకు అవసరమైన శస్త్రచికిత్సల కోసం విరాళాలు ఇవ్వాలని కోరుతూ 'గో ఫండ్‌ మి పేజ్‌'ను కూడా ఆమె ప్రారంభించింది. తర్వాత ఆమె హిప్‌, బమ్‌, హైలాష్ శస్త్రచికిత్సలు చేయించుకోనున్నట్టు తెలిపింది.