Obsessed

జడ్చర్ల: మహబూబ్‌నగర్‌ జిల్లా జడ్చర్లకు చెందిన వైష్ణవిని కత్తితో అతి కిరాతకంగా హత్య చేసిన ప్రేమోన్మాది మణితేజ (29) ఆస్పత్రిలో చికిత్స పొందుతూ మృతిచెందాడు. శనివారం వైష్ణవి తాను పనిచేస్తున్న పాఠశాలలో విధులు ముగించుకుని నిమ్మబాయిగడ్డ ప్రాంతంలో బస్సు దిగి ఇంటికి వెళ్తుండగా నిందితుడు కత్తితో దారుణంగా మెడ, గొంతుపై విచక్షణా రహితంగా పొడిచి హత్య చేసిన విషయం తెలిసిందే. రక్తం మరకలతో పారిపోతున్న మణితేజను స్థానికులు పట్టుకుని కాళ్లు చేతులు కట్టి వేసి దేహశుద్ధి చేశారు. ఈ క్రమంలో అతని తలపై రాళ్లు ఎత్తివేయడంతో తీవ్రగాయాలై అపస్మారక స్థితికి చేరుకున్నాడు. సమాచారం అందుకున్న పోలీసులు తీవ్రంగా గాయపడిన మణితేజను మహబూబ్‌నగర్‌ జనరల్‌ ఆస్పత్రికి తరలించగా చికిత్స పొందుతూ శనివారం అర్ధరాత్రి మృతిచెందాడు. హైదరాబాద్‌లో పరిచయం.. హైదరాబాద్‌లోని ఉప్పల్‌కు చెందిన మణితేజ ల్యాండ్రీ షాప్‌ నిర్వహించేవాడు. గతంలో వైష్ణవి ఓ హాస్టల్‌లో ఉద్యోగం చేస్తున్న సమయంలో విద్యార్థుల దుస్తులు ఉతికి, ఇస్త్రీచేసి అప్పగించే సందర్భంగా ఆమెతో పరిచయం ఏర్పడింది. తర్వాత వైష్ణవి అక్కడ ఉద్యోగం మానేసినా ఫోన్‌లో ఇద్దరూ మాట్లాడుకునేవారు. ఈ క్రమంలోనే తాను ప్రేమిస్తున్నట్లు వైష్ణవిని వేధింపులకు గురిచేసినట్లు తెలిసింది. అయితే ఇటీవల వైష్ణవికి వెళ్లి కుదిరిందన్న సమాచారం తెలియడంతో మణితేజ తన ప్రేమను కాదన్న వైష్ణవిని హతమార్చాలని నిర్ణయించుకుని.. జడ్చర్లకు వచ్చి ఘాతుకానికి పాల్పడినట్లు సమాచారం.కాగా, మణితేజ తండ్రి గతంలోనే మరణించగా.. తల్లి, తమ్ముడు ఉన్నారు. హత్య అనంతరం వైష్ణవి మొబైల్‌ ఫోన్‌ను స్వాధీనం చేసుకున్న పోలీసులు యువకుడి ఆచూకీని గుర్తించారు. అనంతరం అతని కుటుంబ సభ్యులకు సమాచారం అందించారు. మణితేజ మృతి చెందాడని తెలుసుకున్న అతని కుటుంబ సభ్యులు, బంధువులు హైదరాబాద్‌ నుంచి జడ్చర్లకు వచ్చారు. ఈ క్రమంలో వైష్ణవి కుటుంబ సభ్యులు, బంధువులు వారిపై దాడిచేస్తారన్న అనుమానంతో పోలీసులు వారిని జడ్చర్ల సమీపంలోని డీటీసీలో ఉంచి రక్షణ కల్పించారు. అప్పటి దాకా మణితేజ మృతదేహానికి పోస్టుమార్టం నిర్వహించలేదు. జడ్చర్లలో వైష్ణవి మృతదేహానికి అంత్యక్రియలు పూర్తయిన తర్వాత జనరల్‌ ఆస్పత్రిలో మణితేజ మృతదేహానికి పోస్టుమార్టం నిర్వహించి కుటుంబీకులకు అప్పగించారు.


 న్యూఢిల్లీ: గిన్నిస్ వరల్డ్ రికార్డు సృష్టించాలనే కోరికతో ఓ వ్యక్తి ఒంటి నిండా 366 జెండాలను టాటూలుగా వేయించుకున్నాడు. మరో రికార్డు కోసం  అతగాడు తన 32 పళ్లను పీకించేసుకున్నాడు. వాటి స్థానంలో 500ల స్ట్రాలను, 50 వెలిగించిన కొవ్వొత్తులను ఉంచుతానని చెబుతున్నాడు.  నగరానికి చెందిన హర్ ప్రకాశ్ రిషీ ఇప్పటికే దాదాపు 20 గిన్నీస్ రికార్డులను సృష్టించినట్లు చెప్పాడు.
 తన పేరును గిన్నీస్ రిషీగా చెప్పుకుంటున్న ఇతను 1990లో ఇద్దరు స్నేహితులను ఎక్కించుకుని ఆపకుండా దాదాపు 1,001 గంటల పాటు వాహనం నడిపానని, అది తన మొదటి గిన్నిస్ రికార్డని తెలిపాడు. గతంలో 496 స్ట్రాలను నోట్లో పెట్టుకుని గిన్నిస్ రికార్డు సృష్టించినట్లు తెలిపాడు. అయితే ఎక్కువ సంఖ్యలో స్ట్రాలను అమర్చుకోవడానికే పళ్లను పీకేసుకున్నట్లు చెప్పుకొచ్చాడు.