స్పేస్‌ రేస్‌.. ఇప్పుడు ఒక హాట్‌ బిజినెస్‌గా మారింది. ఈ బిజినెస్‌లో కుబేరుల ఎంట్రీతో ప్రస్తుతం బిలియన్ల డాలర్ల వ్యాపారం నడుస్తోంది. ఈ రంగంలో అమెరికాతో పాటు రష్యాలు నువ్వా-నేనా అన్నట్లు పోటీతత్వం ప్రదర్శిస్తున్నాయి. మధ్యలో దూరుతున్న చైనా.. అంతరిక్ష పరిశోధనల్లో దూకుడు చూపిస్తోంది. ఇప్పటికే స్పేస్‌ స్టేషన్‌ ద్వారా పరిశోధనలు ముమ్మరం చేసిన డ్రాగన్‌ కంట్రీ.. త్వరలో మిలియన్ల డాలర్ల ఖర్చుతో ఓ భారీ స్పేస్‌ అబ్జర్వేటరీ సెంటర్‌ను ఏర్పాటు చేయబోతోంది. అయితే అది సొంత గడ్డపై కాదు. టిబెట్‌  క్వింఘై ప్రావిన్స్‌లోని లెంగూ టౌన్‌లో ఈ సెంటర్‌ను ఏర్పాటు చేయనున్నట్లు ప్రకటించింది.  చైనాలో గత రెండేళ్లుగా అసాధారణమైన వాతావరణ పరిస్థితులు నెలకొంటున్నాయి. దీనివల్ల అంతరిక్ష పరిశోధనలకు తీవ్రమైన ఆటంకాలు ఏర్పడుతున్నాయి. స్పేస్‌ రేసులో పురోగతి దిశగా అడుగులు వేస్తున్న టైంలో ఈ పరిస్థితులకు చైనాకు ఇబ్బందికరంగా మారాయి.  ఈ దశలో తమ ఆధీనంలో ఉన్న లెంగూ టౌన్‌పై చైనా కన్నుపడింది. ఈ ప్రాంతం చాలా ఎత్తైన ప్రాంతంలో  ఉంది. పైగా జనాభా తక్కువ. అందుకే సంపూర్ణ వ్యవస్థను పరిశీలించేందుకు నిర్మించబోతున్నట్లు వెల్లడించింది. పైగా ప్రపంచంలో ఇప్పటిదాకా ఏ దేశ స్పేస్‌ ఏజెన్సీ ఉపయోగించనంత టెక్నాలజీని.. ఈ అబ్జర్వేటరీ సెంటర్‌ కోసం చైనా ఉపయోగించబోతోంది.  ఇదీ చదవండి: స్పేస్‌లో క్యాన్సర్‌ ట్రీట్‌మెంట్‌!! వచ్చే ఏడాదే! 1959లో చైనా లెంగూ టౌన్‌ను ఆక్రమించుకుంది. ఇక్కడ సాలీనా 18మిమీ వర్షపాతం, 3,500 గంటల సూర్యరశ్మి ఉంటుంది. పైగా 200 కిలోమీటర్లలోపు రవాణా సౌకర్యం ఉంది. అందుకే ఈ ఏరియాను ఎంచుకుంది చైనా. వైడ్‌ ఫీల్డ్‌ సర్వే టెలిస్కోప్‌ ద్వారా ఈ పరిశోధనల్ని నిర్వహించబోతున్నారు. 2021 చివరిల్లా టెలిస్కోప్‌ సెటప్‌ పూర్తి కానుందని, 2022 నుంచి పని ప్రారంభిస్తుందని చైనా అంతరిక్ష పరిశోధకులు వెల్లడించారు.


 న్యూఢిల్లీ:  2003లో భారత సంతతి ఖగోళ శాస్త్రవేత్త కల్పనా చావ్లా సహా ఏడుగురిని బలిగొన్న  కొలంబియా రోదసి నౌక కుప్పకూలడంలో సాంకేతిక లోపాలు లేవని,  మానవ అంచనాల్లో తప్పిదం వల్లే ప్రమాదం జరిగిందని ఇస్రో మాజీ చైర్మన్  మాధవన్  నాయర్‌ అన్నారు. గురువారం ఇక్కడ అబ్జర్వేటరీ రీసెర్చీ ఫౌండేషన్  (ఓఆర్‌ఎఫ్‌) మూడో వార్షిక కల్పనా చావ్లా అంతరిక్ష విధాన డైలాగ్‌ను ఆయన ప్రారంభించారు. ప్రయోగానికి ముందు కొలంబియా నౌకలో దెబ్బతిన్న భాగాన్ని గుర్తించినా, దాన్ని తేలిగ్గా తీసుకున్నారని, అదే ప్రమాదానికి కారణమైందన్నారు.
 ‘నౌక రక్షణ కవచం బ్రీఫ్‌కేస్‌ పరిమాణంలో విరిగిపోయి, దాని ఉష్ణ రక్షణ వ్యవస్థను దెబ్బతీసింది. నౌక ప్రయాణిస్తుండగా దాని రెక్క భాగంలోకి ప్రవహించిన వేడి వాయువులు అది విరిగిపోయేలా చేశాయి. దీంతో నౌకలో ఒత్తిడి తగ్గి క్షణాల్లో కుప్పకూలింది. నౌకలో దెబ్బతిన్న భాగం తీవ్రతను శాస్త్రవ్తేతలు ముందుగానే పసిగట్టి ఉంటే ప్రమాదాన్ని ఊహించగలిగేవారు’ అని నాయర్‌ అభిప్రాయపడ్డారు.