నందమూరి కల్యాణ్‌ రామ్‌ ప్రధాన పాత్రలో నటిస్తున్న చిత్రం బింబిసార. కేథరిన్‌, సంయుక్త మీనన్‌, వారీనా హుసేన్‌ హీరోయిన్లుగా కనిపించనున్నారు. నందమూరి తారక రామారావు ఆర్ట్స్‌ పతాకంపై హరికృష‍్ణ. కె నిర‍్మిస్తున్న ఈ  సినిమాకు 'ఏ టైమ్‌ ట్రావెల్‌ ఫ్రమ్‌ ఈవిల్‌ టు గుడ్‌' అనేది ఉపశీర్షిక. వశిష్ట్‌ దర‍్శకుడిగా పరిచయమవుతున్న ఈ సినిమా నుంచి ఇటీవల రిలీజైన టీజర్‌కు మంచి స్పందన వచ్చింది. సోమవారం బింబిసార ట్రైలర్‌ విడుదల చేశారు. రాక్షసులెరుగని రావణ రూపం.. శత్రువులు గెలవలేని కురుక్షేత్ర యుద్ధం.. త్రిగర్తల సామ్రాజ్యాధిపతి బింబిసారుని విశ్వరూపం.. అంటూ కథానాయకుడి పాత్రను పరిచయం చేశారు. 'బింబిసారుడంటేనే మరణ శాసనం. ఇక్కడ రాక్షసుడైనా, భగవంతుడైనా ఈ బింబిసారుడొక్కడే..', 'పట్టుమని వంద మంది కూడా లేరు, ఓ యుద్ధం మీద పడితే ఎలా ఉంటుందో చూస్తారు', 'ఎవడ్రా నిన్ను పంపింది అని పైనున్న ఆ యముడు అడిగితే చెప్పు, కింద ఒకడున్నాడు.. వాడి పేరు బింబి, త్రిగర్తల సామ్రాజ్యాధిపతి బింబిసారుడని చెప్పు..' అంటూ కల్యాణ్‌ రామ్‌ డైలాగ్స్‌తో గర్జించాడు. మొత్తానికి పవర్‌ఫుల్‌ యాక్షన్‌తో కల్యాణ్‌ రామ్‌ అదరగొట్టాడు. ఈ సినిమా ఆగస్టు 5న విడుదల కానుంది. చదవండి: పిల్లల్ని కనడం గురించి సద్గురును అడిగిన ఉపాసన, ఆయన సమాధానమేంటంటే? పైరసీ భూతం 'తమిళ్‌ రాకర్స్‌'పై వెబ్‌ సిరీస్‌..


 మిగతా దర్శకుల సినిమాల్లో కాస్త బుద్ధిగా కనిపించే మన హీరోలు... డైరక్టర్ పూరీ జగన్నాథ్ చేతిలో పడగానే పోకిరీ లుక్‌లోకి వచ్చేస్తారు. ‘ఇజం’ పోస్టర్‌లో కల్యాణ్‌రామ్‌ని చూడండి... ఇప్పటిదాకా ఈ నందమూరి హీరోలో కనిపించని ఆ రఫ్ లుక్ వచ్చేసింది. లుక్ మాత్రమే కాదు... రేపు సినిమాలో ఉండబోయే క్యారెక్టరైజేషన్, డైలాగ్ మాడ్యులేషన్ అంతా ఈ పోస్టర్‌లో తినబోయే ముందు రుచిని చూపిస్తోంది. ‘యూకెన్ అరెస్ట్ దిస్ గై, బట్ యు కెనాట్ అరెస్ట్ హిజ్ ఐడియా’ అంటున్నారు పూరీ జగన్నాథ్.
 
 ఆయన దర్శకత్వంలో కల్యాణ్‌రామ్ హీరోగా వస్తున్న క్రేజీ మూవీ ‘ఇజం’. మంగళవారం కల్యాణ్‌రామ్ పుట్టినరోజు సందర్భంగా ఫస్ట్ లుక్ విడుదల చేశారు. కల్యాణ్‌రామ్ మాట్లాడుతూ- ‘‘పూరీ జగన్నాథ్‌తో సినిమా చేయడం ఆనందంగా ఉంది. ఇప్పటివరకు నేను చేసిన సినిమాలు ఒక ఎత్తై... ‘ఇజం’ మరో ఎత్తు’’ అన్నారు. పూరి మాట్లాడుతూ -‘‘ఈ సినిమాలో కల్యాణ్‌రామ్ చాలా కొత్తగా కనిపిస్తారు. జర్నలిస్టుగా ఓ పవర్‌ఫుల్ పాత్ర చేస్తున్నారు. డైరక్టర్‌గా నాకూ, హీరోగా కల్యాణ్‌రామ్‌కు కెరీర్‌లో చెప్పుకునే సినిమా అవుతుంది’’ అన్నారు. ఆగస్టు 9 నుంచి స్పెయిన్‌లో భారీ షెడ్యూల్ జరుపుకోనున్న ఈ సినిమాను సెప్టెంబర్ 29న విడుదల చేయాలని భావిస్తున్నారు. ఎన్టీఆర్ ఆర్ట్స్ పతాకంపై ఈ చిత్రాన్ని కల్యాణ్‌రామ్ నిర్మిస్తున్నారు.


 - పూరి
 నందమూరి కల్యాణ్‌రామ్ హీరోగా నటిస్తూ, పూరి జగన్నాథ్ దర్శక త్వంలో యన్‌టీఆర్ ఆర్ట్స్ పతాకంపై నిర్మిస్తున్న తాజా చిత్రం శుక్రవారం ప్రారంభమైంది. ముహూర్తపు దృశ్యానికి పూరీ జగన్నాథ్ కెమేరా స్విచాన్ చేయగా, చిన్న ఎన్టీఆర్ క్లాప్ కొట్టారు. దర్శకుడు కొరటాల శివ గౌరవ దర్శకత్వం వహించారు. నందమూరి హరికృష్ణ, నందమూరి రామకృష్ణ, నిర్మాత బీవీఎస్‌ఎన్ ప్రసాద్ తదితరులు పాల్గొన్నారు. పూరీ జగన్నాథ్ మాట్లాడుతూ- ‘‘సరికొత్త స్టైల్‌లో సాగే కమర్షియల్ చిత్రమిది.
 
 ఇప్పటివరకూ చూడని కొత్త కల్యాణ్ రామ్‌ని ఇందులో చూస్తారు. తన ఇమేజ్‌ని మరింత పెంచే చిత్రమవుతుంది. మేలో రెగ్యులర్ షూటింగ్ ఆరంభిస్తాం’’ అని తెలిపారు. ‘‘పూరి జగన్నాథ్‌గారు కథ చెప్పినప్పట్నుంచీ ఎంతో ఎగ్జైట్ అవుతున్నా. ఈ చిత్రం నా కెరీర్‌కు మరో టర్నింగ్ పాయింట్ అవుతుంది’’ అని కల్యాణ్ రామ్ అన్నారు. జగపతిబాబు ప్రత్యేక పాత్ర పోషిస్తున్న ఈ చిత్రంలో అదితీ ఆర్య కథానాయిక. ఈ చిత్రానికి సంగీతం: అనూప్ రూబెన్స్, కెమేరా: ముఖేష్.


  పూరి జగన్నాథ్ దర్శకత్వంలో కల్యాణ్ రామ్ హీరోగా ఓ చిత్రం రూపొందనుందనే వార్తను ఎవరూ ఊహించరు. నిజంగా ఇది క్రేజీ కాంబినేషనే. కల్యాణ్ రామ్ కోసం పూరి జగన్నాథ్ అద్భుతమైన కథ తయారు చేశారట. ఈ చిత్రంలో హీరోగా నటించడంతో పాటు ఎన్టీఆర్ ఆర్ట్స్ పతాకంపై కల్యాణ్ రామ్ నిర్మించనున్నారు.
 
 ఆ మధ్య కల్యాణ్ రామ్ నటించి, నిర్మించిన ‘పటాస్’ ఘనవిజయం సాధించిన విషయం తెలిసిందే. ఆ చిత్రవిజయం నిర్మాతగా, హీరోగా కల్యాణ్ రామ్ స్థాయిని పెంచింది. ఇప్పుడు పూరీతో చేయనున్న చిత్రం ఇంకా రేంజ్ పెంచే విధంగా ఉంటుందట. భారీ నిర్మాణ వ్యయంతో ఈ చిత్రాన్ని నిర్మించనున్నారు. పూరి జగన్నాథ్ కథ-స్క్రీన్‌ప్లే-మాటలు సమకూర్చి, దర్శకత్వం వహించనున్న ఈ చిత్రం షూటింగ్ ఏప్రిల్‌లో ఆరంభం కానుంది.