అఖిల్, శ్రీదివ్య జంటగా తెలుగు, తమిళ భాషల్లో రూపొందుతోన్న చిత్రం ‘నగరపురమ్’. ఎన్.పి.సారథి దర్శకుడు. ఆర్.అప్పారావు నిర్మాత. అరుల్‌దేవ్ స్వరపరిచిన ఈ చిత్రం పాటలను హైదరాబాద్‌లో విడుదల చేశారు. దశరథ్ ఆడియోసీడీని ఆవిష్కరించి, తొలి ప్రతిని అరుల్‌దేవ్‌కు అందించారు.
  
  ఇప్పటివరకూ రాని కళాశాల నేపథ్య చిత్రమిదని దర్శకుడు చెప్పారు. సంగీత దర్శకునిగా తన తొలి చిత్రమిదని, పాటలన్నీ బాగా వచ్చాయని అరుల్‌దేవ్ తెలిపారు. అవకాశం ఇచ్చిన దర్శక, నిర్మాతలకు అఖిల్, శ్రీదివ్య కృతజ్ఞతలు తెలిపారు.
  
  ఇంకా కొడాలి వెంకటేశ్వరరావు, చంద్రమహేష్, మేడికొండ మురళీకృష్ణ తదితరులు ఈ కార్యక్రమంలో పాల్గొన్నారు. ఈ చిత్రానికి కెమెరా: అజయ్ ఆనంద్, నిర్మాణం: లక్ష్మీనరసింహా సినీ ఎంటర్‌టైన్‌మెంట్స్.
  


 బస్‌స్టాప్, మల్లెలతీరంలో... ఫేం శ్రీదివ్య, అఖిల్ జంటగా రూపొందుతోన్న చిత్రం ‘నగరపురమ్’. ఎన్.పి.సారథి దర్శకుడు. రావు అప్పారావు నిర్మాత. నిర్మాణానంతర పనులు పూర్తి కావచ్చిన ఈ చిత్రం గురించి దర్శకుడు మాట్లాడుతూ -‘‘గతంలో వచ్చిన కాలేజ్ నేపథ్య చిత్రాలకు ఇది పూర్తి భిన్నమైన చిత్రం.
  
  అన్నదమ్ముల మధ్య సాగే సంఘర్షణ ఈ చిత్రానికి హైలైట్’’ అని చెప్పారు. కంటతడి పెట్టించే సన్నివేశాలతో పాటు కడుపుబ్బ నవ్వించే హాస్యం ఈ చిత్రానికి  ప్రత్యేకతని, ఈ నెలలో పాటలను, త్వరలో సినిమాను విడుదల చేస్తామని నిర్మాత తెలిపారు. 
  
  ఈ చిత్రానికి నిర్మాణ నిర్వాహణ: జి.కోటేశ్వరరావు, ఎ.నాగరాజ్, సమర్పణ: ఎం.వి.నారాయణ, సహ నిర్మాత: ప్రదీప్‌కుమార్ ఆర్.ఎం., నిర్మాణం: శ్రీలక్ష్మీనరసింహ సినీ ఎంటర్‌టైన్‌మెంట్స్.