పట్నా: బిహర్‌లో దారుణం చోటుచేసుకుంది. తమ గ్రామంలోని యువతిని ప్రేమించాడనే కోపంతో.. యువకుని పట్ల కొందరు అమానుషంగా ప్రవర్తించారు. ఈ సంఘటన ముజఫర్‌ఫూర్‌ జిల్లాలో జరిగింది. పోలీసులు తెలిపిన వివరాలు.. రేవురా రాంపుర్‌ గ్రామానికి చెందిన సౌరభ్‌ కుమార్ అనే యువకుడు‌, తమ పక్క గ్రామానికి చెందిన ఒక యువతిని ప్రేమించాడు. ఈ క్రమంలో సౌరభ్‌  ప్రతిరోజు సోర్బారా గ్రామానికి వెళ్లి ప్రియురాలిని కలుస్తుండేవాడు. వీరి ప్రేమ వ్యవహరం యువతి ఇంట్లో వారికి తెలియలేదు. కొద్ది రోజులుగా యువతి ప్రవర్తన పట్ల ఆమె సోదరులు ఆగ్రహంతో ఉన్నారు. అయితే, గత శుక్రవారం కూడా ఎప్పటిలాగే ఆ ప్రేమికులిద్దరు ఇంట్లో వాళ్లకు తెలియకుండా కలుసుకున్నారు. ఆ రోజున వీరిద్దరు ఒక చోట ఉన్నప్పుడు యువతి సోదరులు పట్టుకున్నారు. సౌరభ్‌ను కోపంతో దూరంగా లాక్కొనిపోయారు. ఇనుపకడ్డీలతో, రాడ్‌లతో విచక్షణ రహితంగా కొట్టారు. అంతటితో ఆగకుండా.. అతని మర్మాంగాన్నికత్తితో కోసేశారు. దీంతో ఆ యువకుడు, అపస్మారక స్థితిలోకి వెళ్లిపోయాడు. కాగా, స్థానికుల సమాచారం మేరకు పోలీసులు, బాధితుడి బంధువులు సంఘటన స్థలానికి చేరుకున్నారు. సౌరభ్‌ను వెంటనే స్థానిక ప్రైవేటు ఆసుపత్రికి తరలించారు. అప్పటికే తీవ్ర రక్తస్రావం కావడంతో సౌరభ్‌  ఆసుపత్రిలో చికిత్సపోందుతూ చనిపోయాడు. కాగా, అతని శరీరంపై కత్తిగాయాలు ఉన్నాయని, దెబ్బలకు తాళలేక చనిపోయాడని వైద్యులు తెలిపారు. దీంతో కోపంతో రగిలిపోయిన యువకుడి బంధువులు, యువతి ఇంటిముందు సౌరభ్‌ మృతదేహానికి శనివారం అంత్యక్రియలు నిర్వహించారు. కాగా, మృతుడి బంధువులు, యువతి సోదరులపై ఫిర్యాదు చేశారు. ఈ మేరకు కేసును నమోదు చేసుకున్న పోలీసులు అశోక్‌ ఠాకుర్‌, రంజిత్‌ కుమార్‌, ముకేష్‌ కుమార్‌లను అదుపులోకి తీసుకున్నట్లు తెలిపారు. కాగా, పరారీలో ఉన్న మరికొంత మందిని పట్టుకుంటామని ముజఫర్‌పూర్‌ పోలీసులు తెలిపారు. ఈ సంఘటనతో గ్రామంలో ఉద్రిక్తత తలెత్తడంతో, గస్తీని పెంచామని, దర్యాప్తులో మరిన్ని విషయాలు బయటకు వస్తాయని డీఎస్పీ రాజేష్‌ కుమార్‌ పేర్కొన్నారు.  #WATCH | Kin of the man killed in connection with an alleged love affair in Muzzafarpur, Bihar was cremated in front of the accused's house, yesterday. Prime accused and three others have been arrested in connection with the killing: Kanti Police Station, Muzzafarpur pic.twitter.com/ZNYWYcDWjc — ANI (@ANI) July 25, 2021


 దొంగతనం కేసులో ఇద్దరు నిందితులను చాంద్రాయణగుట్ట పోలీసులు అరెస్ట్ చేసి గురువారం రిమాండ్‌కు తరలించారు. నిందితుల వద్ద నుంచి 27 తులాల బంగారు ఆభరణాలను స్వాధీనం చేసుకున్నారు. దక్షిణ మండలం అదనపు డీసీపీ కె.బాబురావు విలేకర్ల సమావేశంలో కేసు వివరాలు వెల్లడించారు. చాంద్రాయణగుట్ట తాళ్లకుంట ప్రాంతానికి చెందిన మహ్మద్ శంషూద్దీన్, మహ్మద్ నూరుద్దీన్(20) తండ్రి కొడుకులు.
  
 కాగా నూరుద్దీన్ పుట్టినప్పుడే తల్లి చనిపోవడంతో శంషూద్దీన్ కుమారుడిని తన తమ్ముడు మహ్మద్ బషీరుద్దీన్‌కు ఇచ్చి వేరే వివాహం చేసుకున్నాడు. ఇలా చిన్న తనం నుంచి చిన్నాన్న బషీరుద్దీన్ వద్దే పెరిగిన నూరుద్దీన్ పూలు విక్రయించేవాడు. కాగా చెడు అలవాట్లకు బానిసైన నూరుద్దీన్ సులభంగా డబ్బులు సంపాదించేందుకు దొంగతనం చేయాలని నిర్ణయించుకున్నాడు. ఇందులో భాగంగానే 2015 మే మాసంలో తన పెరిగిన చిన్నాన్న ఇంట్లోనే ఎవరూ లేని సమయం చూసి 17 తులాల బంగారు ఆభరణాలు తస్కరించాడు. ఈ బంగారు ఆభరణాలను శాలిబండలోని ఎం.ఎం. జ్యూయలరీ దుకాణం ఉన్న తన స్నేహితుడు సయ్యద్ ముజఫర్(29)కు ’ 75 వేలకు విక్రయించాడు. ఎలాంటి బిల్లులు లేకుండా ఉన్న ఈ బంగారు ఆభరణాలను అదును చూసిన ముజఫర్ తక్కువ ధరకే కొనుగోలు చేశాడు. ఈ విషయమై అప్పట్లోనే నూరుద్దీన్ చిన్న తల్లి చాంద్రాయణగుట్ట పోలీస్‌స్టేషన్‌లో నూరుద్దీన్‌పై ఫిర్యాదు చేసింది.
  
 కాగా అప్పుడు నిందితుడు నేరం ఒప్పుకోలేదు. తమ ఇంట్లో ఉండి దొంగతనం చేసినందుకు బషీరుద్దీన్ వెంటనే నూరుద్దీన్‌ను ఇంటి నుంచి గెంటి వేశాడు. మళ్లీ ఈ నెలలో బషీరుద్దీన్ ఇంట్లో ఎవరూ లేని సమయంలో నూరుద్దీన్ పది తులాల బంగారు ఆభరణాలు చోరీ చేశాడు. బాధితుడి ఫిర్యాదు మేరకు కేసు నమోదు చేసుకున్న చాంద్రాయణగుట్ట డీఐ పి.శంకర్, ఎసై ్స రాజశేఖర్‌లు నూరుద్దీన్‌ను అదుపులోకి తీసుకొని విచారించడంతో అసలు విషయం వెల్లడించాడు. నూరుద్దీన్‌తో పాటు అతని స్నేహితుడు ముజఫర్‌ను అరెస్ట్ చేసిన పోలీసులు వారి వద్ద నుంచి ’ 9 లక్షల విలువ జేసే 27 తులాల బంగారు ఆభరణాలు స్వాధీనం చేసుకున్నారు. ఇంకా ఈ విలేకర్ల సమావేశంలో ఫలక్‌నుమా ఏసీపీ మహ్మద్ అబ్దుల్ బారీ, చాంద్రాయణగుట్ట ఇన్‌స్పెక్టర్ వై.ప్రకాష్ రెడ్డి తదితరులు పాల్గొన్నారు.