న్యూఢిల్లీ: దేశంలో చట్టం అంటే ఎవరికీ భయంలేదని నిర్భయ తల్లి ఆవేదన వ్యక్తం చేశారు. ప్రతిరోజూ దేశంలో ఎక్కడో ఒకచోట అత్యాచార ఘటన జరుగుతోందని.. కానీ అధికారంలో ఉన్నవారు, ప్రభుత్వం, కోర్టులో వాటిని చూడటం లేదా?అని ఆమె ప్రశ్నించారు. తన కూతరిపై అత్యాచారానికి ఒడిగట్టిన వారిని ఉరి తీయకుంటే అది సమాజాన్ని నిలువునా కాల్చేస్తుందన్నారు. అత్యాచారానికి ఒడిగట్టిన వారు సమాజాన్ని సవాల్ చేస్తున్నారని నిర్భయ తల్లి ఆందోళన వ్యక్తం చేశారు.
  
 వాళ్లను ఉరి తీయకుంటే.. దేశంలోని ఆడపిల్లలకు ప్రమాదకరమన్నారు. దాదాపు ఏడాది కాలంగా నిర్భయ కేసు సుప్రీంకోర్టులో పెండింగ్ లో ఉందని.. ఈ క్రమంలోనే తాను ప్రతిచోటకు వెళ్లి తన గొంతును వినిపించాలనుకుంటున్నానని స్పష్టం చేశారు.


 ఢిల్లీ:  నిర్భయ గ్యాంగ్ రేప్ కేసు దోషి ముఖేష్ కుమార్ ఇంటర్వ్యూపై కేంద్ర హోంమంత్రిత్వ శాఖ సీరీయస్ అయింది.  ఇంటర్య్వూను తీవ్రంగా పరిగణించిన ప్రభుత్వం ఎఫ్ఆర్ఐ నమోదు చేయమని ఢిల్లీ పోలీసులను ఆదేశించింది. . దీనిపై వివరణ ఇవ్వాలని హోం మంత్రి రాజ్ నాథ్ సింగ్ తీహార్ జైలు డైరెక్టర్ ను ఆదేశించారు. ఇదిలా ఉండగా ముఖేశ్ మాటలు సిగ్గు చేటని, అతన్ని ఉరి తీయాలని నిర్భయ తల్లి దండ్రులు డిమాండ్ చేశారు. కాగా, బీబీసీ కోసం  ముఖేశ్ తో మాట్లాడేందుకు 2013 లో అప్పటి తీహార్ జైలు డైరెక్టర్ విమాలా మెహ్రా నుంచి అనుమతి తీసుకున్నట్లు డాక్యుమెంటరీ నిర్మాత లెస్లీ ఉద్విన్ తెలిపారు.
  
 మార్చి 8 మహిళా దినోత్సవం సందర్భంగా బీబీసి కి  ఇంటర్య్వూఇచ్చాడని చెబుతున్న ఒక వీడియో సోషల్ మీడియాలో హల్ చేసిన సంగతి తెలిసిందే.  ఆ ఇంటర్వ్యూలో అత్యాచారాలకు అమ్మాయిలదే ప్రధాన బాధ్యత అంటూ  ముఖేష్ సంచలన వ్యాఖ్యలు చేశాడు.   దీనిపై మహిళా సంఘాలు మండిపడుతున్నాయి . జైలు శిక్షవేసినా నిర్భయ  దోషి మనస్తత్వంలో మార్పురాలేదనీ...అసలు జైల్లో ఉన్నదోషిని ఇంటర్య్వూ చేయడానికి ఎలా అనుమతిచ్చారంటూ  ఆగ్రహం వ్యక్తం చేస్తున్నాయి.  ఈ ఉదంతంపై దేశవ్యాప్తంగా   విమర్శలు వెల్లువెత్తడంతో హోం శాఖ రంగంలోకి దిగక తప్పలేదు.


 నిర్భయ హత్యకేసులో దోషిగా శిక్ష అనుభవిస్తున్న ముఖేష్ సింగ్ ఇంటర్వ్యూపై పలువురు ప్రముఖులు మండిపడ్డారు. ట్విట్టర్ వేదికగా అందరికంటే తీవ్రంగా స్పందించినది మాత్రం.. టాలీవుడ్ హీరోయిన్ తాప్సీ. ఒకే ఒక్క హత్య చేస్తానని, అందుకు దేవుడు తనను క్షమించాలని కోరింది. ముఖేష్ ఇంటర్వ్యూను చదివి తనకు ఒక్కసారిగా మాట పడిపోయిందని, ఈ మనిషిని తాను అంత తేలిగ్గా వదిలిపెట్టేది మాత్రం లేదని స్పష్టం చేసింది.  జైలు శిక్ష నిజంగానే ఈ మగాళ్లను మారుస్తుందా అనే అనుమానం తనకు వస్తోందని చెప్పింది. ఆ మార్పు రాకపోతే, ఇంకా వాళ్లు అక్కడ ఎందుకు ఉన్నారని ప్రశ్నించింది.
 
 http://t.co/FToBmPpNUd I am literally speechless after reading this. God please forgive me one murder, coz I can't let this man go away easy
 — taapsee pannu (@taapsee) March 2, 2015
  
 
 This makes me question does imprisonment really change these men? If it doesn't( which is clearly visible) then y are they still there???
 — taapsee pannu (@taapsee) March 2, 2015
  
 మరాఠీ సినిమాలు తీయడంలో బిజీగా ఉన్న రేణు దేశాయ్ కూడా నిర్భయ దోషి ముఖేష్ వ్యవహారంపై తీవ్రంగా స్పందించారు. 'అత్యాచారంపై మీ అభిప్రాయం ఏమిటి? రేపిస్టు తన ఇంటర్వ్యూలో చెప్పిన అంశంతో మీలో ఎంతమంది రహస్యంగా ఏకీభవిస్తారు? అత్యాచారంలో నిజంగా మహిళల తప్పు ఉంటుందా?' అంటూ సూటిగా ప్రశ్నలు సంధించింది.
 
 What is your opinion on rape? How many of u secretly agree with what the rapist said in his interview?Is rape really a woman's fault?
 — renu desai (@renuudesai) March 3, 2015
 సినిమాల్లో సరదాగా నవ్వుతూ, నవ్విస్తూ కనిపించే వెన్నెల కిశోర్ సామాజిక బాధ్యత విషయంలో మాత్రం గట్టిగానే స్పందించాడు. రేపిస్టుకు కుర్చీవేసి కూర్చోబెట్టి.. ఇంటర్వ్యూ చేయడం నిజంగా నమ్మలేకపోతున్నానని, అతడు జైల్లో ఉన్న స్వాతంత్ర్య సమరయోధుడి కంటే ఎక్కువగా గొప్పలు చెప్పుకొంటున్నాడని అన్నారు.
 
 Cant believe that a brutal rapist is being given a chair to sit and being interviewed..he looks more boastful than a freedom fighter in jail
 — vennela kishore (@vennelakishore) March 3, 2015
 టెన్నిస్ స్టార్ సానియా మీర్జా మాటల కంటే భావాలతోనే ఎక్కువగా ముఖేష్ ఉదంతాన్ని ఖండించింది.
 
 http://t.co/eycVAatJW1 - are u frickin kidding me?😡😡😡 arrrrgghhh 😡😡
 — Sania Mirza (@MirzaSania) March 2, 2015