భిన్నమైన నేపథ్యాలు, వ్యక్తిత్వం ఉన్న అమ్మాయి, అబ్బాయి మధ్య సాగే ప్రేమకథ నేపథ్యంలో తెరకెక్కిన చిత్రం ‘మరల  తెలుపనా ప్రియా’. ప్రిన్ ్స, వ్యోమనంది, పూజా రామచంద్రన్ ప్రధానపాత్రల్లో వాణి యం. కొసరాజు దర్శకత్వంలో శ్రీ చైత్ర చలన చిత్ర నిర్మాణ సారధ్యంలో తెరకెక్కిన ఈ చిత్రం ఆగస్టు 5న విడుదలవుతోంది.
 
 దర్శకురాలు మాట్లాడుతూ- ‘‘ఇదొక స్వచ్ఛమైన ప్రేమకథ. ఈ తరంలో అమ్మాయిలు కూడా ప్రేమ పేరుతో మోసాలు చేస్తున్నారని అంటున్నారు. అవసరమైతే ప్రేమ కోసం అమ్మాయిలు త్యాగాలు చేస్తారు. ఇదే విషయాన్ని ఈ చిత్రంలో చూపిస్తున్నాం’’ అని చెప్పారు. ఈ చిత్రానికి ఎగ్జిక్యూటివ్ నిర్మాతలు: కె.సురేశ్‌బాబు, శ్రీనివాస్ వూడిగ.
  
  


 ‘నీకు నాకు’ చిత్రంతో టాలీవుడ్‌కి పరిచయమైన కథానాయకుడు ప్రిన్స్. ఆ తర్వాత ‘బస్టాప్’, ‘రొమాన్స్’ చిత్రాలతో తెలుగు ప్రేక్షకులకు మరింత దగ్గరయ్యారు. తాజాగా ఆయన నటించిన ‘మరల తెలుపనా ప్రియా’ షూటింగ్ పూర్తయింది. ఈ చిత్రం ద్వారా వాణి యం. కోసరాజు దర్శకురాలిగా, వ్యోమనంది హీరోయిన్‌గా పరిచయమవుతున్నారు. ఎగ్జిక్యూటివ్ నిర్మాత శ్రీనివాస్ ఊడిగ మాట్లాడుతూ- ‘‘భిన్నమైన వ్యక్తిత్వాలు, నేపథ్యాలున్న అమ్మాయి, అబ్బాయి మధ్య సాగే విభిన్న ప్రేమకథా చిత్రమిది.
 
 హైదరాబాద్, హరిద్వార్, రుషికేష్, గోవా, లక్కవరం, రాజమండ్రి, శివపురి తదితర అందమైన లొకేషన్స్‌లో షూటింగ్ జరిపాం. శేఖర్ చంద్ర పాటలు ఈ చిత్రానికి హైలెట్. ఈ చిత్రం విడుదల తర్వాత వాణి.యం. కోసరాజు పెద్ద డెరైక్టర్ల జాబితాలో చేరుతుందనే నమ్మకం ఉంది’’ అన్నారు. పూజారామచంద్రన్, సమీర్, రవివర్మ, సౌమ్య, కల్పలత, పావనీరెడ్డి తదితరులు నటించారు.