గుంటూరు ఎడ్యుకేషన్ : పదో తరగతి పరీక్షలకు హాజరయ్యే విద్యార్థులకు నేలపై కూర్చుని పరీక్ష రాయాల్సిన దుస్ధితి తలెత్తకుండా పటిష్టమైన చర్యలు చేపట్టామని జిల్లా విద్యాశాఖాధికారి కేవీ శ్రీనివాసులు రెడ్డి స్పష్టం చేశారు. 10వ తరగతి పరీక్షల ఏర్పాట్లపై డీఈవో శ్రీనివాసులు రెడ్డి శుక్రవారం సాక్షితో మాట్లాడుతూ ఈనెల 26వ తేదీ నుంచి జరగనున్న పబ్లిక్ పరీక్షలకు జిల్లా వ్యాప్తంగా 60,926 మంది విద్యార్థులు హాజరుకానున్నారని చెప్పారు. వీరిలో రెగ్యులర్ విద్యార్థులు 56,179 మంది, ప్రైవేటుగా హాజరయ్యే వారు 4,747 మంది ఉన్నారని వివరించారు. జిల్లా నలుమూలలా 287 పరీక్షా కేంద్రాలను సిద్ధం చేసి తాగునీరు, ఫర్నిచర్ సదుపాయాలను కల్పించామని, విద్యార్థులకు ఎటువంటి అసౌకర్యం కలుగుకుండా చర్యలు చేపడుతున్నట్లు వివరించారు.  
 
 సమస్యాత్మక కేంద్రాలపై  ప్రత్యేక దృష్టి సారించామని, మాల్ ప్రాక్టీసులను నిరోధించేందుకు 14 ఫ్లయింగ్ స్వ్వాడ్‌లు, 34 సిట్టింగ్ స్క్వాడ్‌లను నియమించినట్టు చెప్పారు. విద్యార్థులు ఉదయం 8.30 గంటల కల్లా పరీక్షా కేంద్రాలకు చేరుకోవాలని సూచించారు. ఉదయం 9 గంటల నుంచి పరీక్షా కేంద్రాల్లోకి అనుమతించడం ప్రారంభించి, 9.30కి పరీక్షను ప్రారంభించేలా సూపరింటెండెంట్లకు, శాఖాధికారులకు స్పష్టమైన ఆదేశాలు ఇచ్చామని చెప్పారు. ఉదయం 9.30 తరువాత పరీక్షా కేంద్రాలకు వచ్చే విద్యార్థులను లోపలికి అనుమతించడం సాధ్యం కాదన్నారు. ఈ విషయంలో తల్లిదండ్రులు అప్రమత్తంగా వ్యవహరించి, విద్యార్థులను నిర్ణీత సమయానికి పరీక్షా కేంద్రానికి పంపేలా చూడాలని సూచించారు.
 
 పోలీస్‌స్టేషన్లు, తాలూకా కార్యాలయాలకు దూరంగా ఉన్న 51కేంద్రాలను సి.సెంటర్లుగా గుర్తించి, ఆయా కేంద్రాలకు పోలీసు బందోబస్తు నడుమ ప్రశ్నపత్రాలు తీసుకెళ్లి, పరీక్ష అనంతరం తిరిగి జవాబు పత్రాలను తీసుకువచ్చే ఏర్పాట్లు చేశామని వివరించారు. ఇందుకోసం నియమించిన 34 మంది రూట్ అధికారులు ఆయా కేంద్రాల్లో సిట్టింగ్ స్క్వాడ్‌గా వ్యవహరిస్తారని చెప్పారు. 10వ తరగతి పరీక్షల జిల్లా పరిశీలకుడిగా రంపచోడవరం ఐటీడీఏ ఈవో రాజీవ్‌ను ప్రభుత్వం నియమించిందన్నారు. ప్రైవేటు పాఠశాలల్లో ఏర్పాటు చేసిన పరీక్షా కేంద్రాలను పూర్తిగా విద్యాశాఖ అధీనంలోకి తీసుకుంటామని, పరీక్షా కేంద్రాల్లో ఎటువంటి అవకతవకలకు ఆస్కారం లేకుండా పటిష్టమైన చర్యలు చేపట్టామని చెప్పారు.


 దక్షిణ మధ్య రైల్వే ఎంప్లాయీస్ సంఘ్ 
  
  గుంతకల్లు: భారతీయ రైల్వేలో పబ్లిక్ ప్రైవేట్  పాట్నర్‌షిప్ (పీపీపీ)లను ర ద్దు చేయాలని దక్షిణ మధ్య రైల్వేలో ఎంప్లాయీస్ సంఘ్ గుంతకల్లు డివి జన్ ప్రధాన కార్యదర్శి కేవీ శ్రీనివాసులు డిమాండ్ చేశారు. కార్మికుల న్యాయమైన డిమాండ్ల సాధన కోసం  స్థానిక డీఆర్‌ఎం కార్యాలయం వద్ద బుధవారం ఎంప్లాయీస్ సంఘ్ ఆధ్వర్యంలో  ధర్నా నిర్వహించారు. తొలు త సంఘ్ కార్యాలయం నుంచి డీఆర్‌ఎం కార్యాలయం వరకు భారీ ప్రదర్శనగా వచ్చారు.  ధర్నాను ఉద్దేశించి సంఘ్ ప్రధాన కార్యదర్శి కేవీ శ్రీనివాసులు మాట్లాడారు. రైల్వేలో ప్రైవేటీకరణను ప్రోత్సహించడం సరికాదన్నారు. ొత్త పెన్షన్ విధానం అమలుతో కార్మికులు తీవ్రంగా నష్టపోతారన్నారు. దీన్ని వెంటనే రద్దు చేయాలన్నారు.  దసరా పండుగకు ఇచ్చే బోనస్‌పై సీలింగ్‌ను ఎత్తివేసి ప్రభుత్వం కార్మికుల పక్షాన నిలువాలన్నారు. బడ్జెట్‌లో ప్రవేశపెట్టిన కొత్త రైళ్లకు అనుగుణంగా కొత్త పోస్టులు మంజూరు చేయాలన్నారు.  గ్రూప్-సీ పోస్టులను గ్రూప్-బీ గెజిటెడ్‌గా గుర్తించాలన్నారు. లేకపోతే ఆందోళనలు ఉధృతం చేస్తామన్నారు.  గుంతకల్లు రైల్వే డివిజన్ పరిధిలోని అన్ని స్టేషన్‌లకు చెందిన సంఘ్ బ్రాంచ్‌ల నాయకులు, కార్మికులు, ఉద్యోగులు పాల్గొన్నారు.  కాంగ్రెస్ పార్టీ గుంతకల్లు నియోజకవర్గ ఇన్‌చార్జి దౌల్తాపురం ప్రభాకర్ మద్దతు తెలిపారు.   కార్యక్రమంలో ఎంప్లాయీస్ సంఘ్ గుంతకల్లు డివిజన్ అధ్యక్షుడు ప్రభాకర్, నాయకులు బి.బాబు, ఖాజాగరీబ్‌నవాజ్, డీఎన్ రెడ్డి, సోమశేఖర్, డివిజనల్ ఆఫీస్ బ్రాంచ్ సెక్రెటరీ శేషయ్య, కమర్షియల్ బ్రాంచ్ సెక్రెటరీ పక్కీరయ్య  ు పాల్గొన్నారు.