తిరువనంతపురం: చాలా నెమ్మదిగా పెరిగే కొబ్బరి చెట్లను కూడా తాము క్లోనింగ్‌ చేయగలిగినట్లు బెల్జియం యూనివర్సిటీ పరిశోధకులు ప్రకటించారు. బెల్జియంలోని కె.యు.ల్యువెన్‌ అండ్‌ అలయెన్స్‌ ఆఫ్‌ బయో డైవర్సిటీ ఇంటర్నేషనల్‌కు చెందిన పరిశోధకులు వేగంగా కొబ్బరి మొక్కలను ఎక్కువ సంఖ్యలో పెంచడంతోపాటు, కొబ్బరి జన్యు మూలాలను దీర్ఘకాలం పరిరక్షించే వీలుంది. వీరు సాధించిన విజయం భారత్‌ వంటి దేశాల్లోని కొబ్బరి రైతులు ఎదుర్కొనే వ్యాధులు, వాతావరణ మార్పులు, సముద్ర మట్టాల్లో పెరుగుదల వంటి సమస్యల నుంచి విముక్తి కలగనుంది. ‘అసాధ్యమని భావిస్తున్న కొబ్బరి క్లోనింగ్‌ను మేం సాధించాం. మా పరిశోధన కొబ్బరి జీవ వైవిధ్యాన్ని కాపాడేందుకు, కొబ్బరికి పెరుగుతున్న డిమాండ్‌ను తీర్చేందుకు సాయపడుతుంది’ ఈ పరిశోధకులు ఒక ప్రకటనలో తెలిపారు. అరటి పండుపై సాగించిన పరిశోధనల ఫలితాల స్ఫూర్తితోనే ఈ విజయం సాధించినట్లు చెప్పారు. తమ విధానంపై పేటెంట్‌ కోసం త్వరలో దరఖాస్తు చేసుకోనున్నట్లు చెప్పారు. ఈ ఫలితాలు సైంటిఫిక్‌ రిపోర్ట్స్‌ జర్నల్‌ సెప్టెంబర్‌ ఎడిషన్‌లో ప్రచురితమయ్యాయి.


 లండన్: సాధారణంగా రోబోలు మనం అప్పగించిన పనిని సమర్థంగా చేయగలవు. అయితే అవసరాలకు అనుగుణంగా పనిని విభజించుకునే రోబో బృందాన్ని బెల్జియంలోని యూనివర్సిటీ ఆఫ్ లీవెన్‌కు చెందిన ఎలిసియో ఫైటీ బృందం తయారు చేసింది. ‘సాధారణంగా చీమలు, తేనెటీగలు, చెదపురుగుల పనిని విభజించుకుంటాయి. ఈ విధానం మాకు ప్రేరణ కలిగించింది. దీని ఆధారంగా మా ప్రాజెక్టు మొదలుపెట్టాం’ అని ఎలిసియో తెలిపారు.
 ఇందుకు ఎంతో కష్టపడ్డామన్నారు. రోబో బృందానికి ఒక పని అప్పగించామనీ, అందులో ఎవరు ఏ పని చేయాలో విభజించుకుని పూర్తి చేశాయని వెల్లడించారు. ఎక్కడా పొరపాటు జరగలేదని తెలిపారు. ఈ విధానాన్ని యూనివర్సిటీ ఆఫ్ లీవెన్,  ఫ్రీ యూనివర్సిటీ ఆఫ్ బ్రసెల్స్ శాస్త్రవేత్తలు అభివృద్ధిపరిచారు.