సింగపూర్‌ : అమెరికా అధ్యక్షుడు ట్రంప్‌, ఉత్తర కొరియా నేత కిమ్‌ జోంగ్‌ ఉన్‌ల మధ్య చారిత్రాత్మక భేటీ ముగిసింది. తాము గతాన్ని మరచి ముందడుగు వేయాలని నిర్ణయించామని, ప్రపంచం పెను మార్పును చూడబోతోందని సమావేశానంతరం కొరియా నేత కిమ్‌ ఉన్‌ వ్యాఖ్యానించారు. కెపెల్లా రిసార్ట్‌లో జరిగిన సింగపూర్‌ సమ్మిట్‌లో కీలక ఒప్పందాలపై సంతకాలు చేసిన అనంతరం ఇరువురు నేతలు కరచాలనం చేసుకున్నారు. పూర్తి నిరాయుధీకరణకు ఉత్తర కొరియా కట్టుబడి ఉందని కిమ్‌ ప్రకటించారు. ఈ క్షణం కోసం యావత్‌ ప్రపంచం ఉత్కంఠగా ఎదురుచూసిందన్నారు. ఇది ఓ ఫాంటసీ, సైన్స్‌ ఫిక్షన్‌ మూవీలో సన్నివేశంగా పలువురు భావిస్తారని తమ భేటీ నేపథ్యంలో కిమ్‌ వ్యాఖ్యానించారు. మరోవైపు కిమ్‌తో తన భేటీని ఎవరూ ఊహించి ఉండరని ట్రంప్‌ వ్యాఖ్యానించారు. ఇరువురి మధ్య మరిన్ని సంప్రదింపులు ఉంటాయని సంకేతాలు పంపారు. కిమ్‌ను వైట్‌ హౌస్‌కు ఆహ్వానిస్తామని అన్నారు.


 సియోల్‌: దక్షిణ కొరియా ప్రధాని, ఆర్థిక మంత్రులను దేశాధ్యక్షురాలు పార్క్‌ జ్యున్‌–హై పదవుల నుంచి తప్పించారు. పార్క్‌ ఆప్తమిత్రురాలు చాయ్‌ సూన్‌–సిల్‌ అవినీతి కేసులో అరెస్టు కావడంతో దేశ రాజకీయాల్లో తీవ్ర సంక్షోభం నెలకొంది. ఈ నేపథ్యంలో ప్రధాని హ్వాంగ్‌ క్యో–అహ్‌న్‌ను, ఆర్థిక మంత్రిని బుధవారం పదవుల నుంచి తప్పిస్తూ పార్క్‌ నిర్ణయం తీసుకున్నారు.
 
 ఫైనాన్స్ సర్వీసెస్ కమిషన్ చైర్మన్  కిమ్‌ బ్యోంగ్‌–జూన్‌ను కొత్త ప్రధానిగా నియమించారు. దక్షిణ కొరియాలో ప్రధాని పదవి నామమాత్రమైనది కాగా, అధ్యక్షులకే పూర్తి అధికారాలు ఉంటాయి.