పారిస్‌: అమెరికా మహిళా స్విమ్మర్‌ కేటీ లెడెకీ విశ్వ క్రీడల్లో మరోసారి మెరిసింది. 4్ఠ200 మీటర్ల ఫ్రీస్టయిల్‌ విభాగంలో కేటీ లెడెకీ, క్లెయిర్‌ వీన్‌స్టెన్, పెయిజ్‌ మాడెన్, ఎరిన్‌ గిమెల్‌లతో కూడిన అమెరికా బృందం రజత పతకం (7ని:40.86 సెకన్లు) సాధించింది. తాజా ఒలింపిక్స్‌లో ఇప్పటికే మహిళల 1500 మీటర్ల ఫ్రీస్టయిల్‌లో స్వర్ణం, మహిళల 400 మీటర్ల ఫ్రీస్టయిల్‌లో కాంస్యం గెలిచిన లెడెకీకిది మూడో పతకం కాగా... 800 మీటర్ల ఫ్రీస్టయిల్‌ ఈవెంట్‌లో ఆమె బరిలోకి దిగాల్సి ఉంది. తాజా పతకంతో లెడెకీ రికార్డు పుస్తకాల్లోకి ఎక్కింది. ఒలింపిక్స్‌ చరిత్రలో అత్యధికంగా 13 పతకాలు గెలిచిన మహిళా స్విమ్మర్‌గా చరిత్ర లిఖించింది. 12 పతకాలతో జెన్నీ థాంప్సన్‌ (అమెరికా) పేరిట ఉన్న రికార్డును లెడెకీ సవరించింది. వరుసగా నాలుగో ఒలింపిక్స్‌లో పాల్గొంటున్న లెడెకీ ఇప్పటి వరకు విశ్వక్రీడల్లో 8 స్వర్ణాలు, 4 రజతాలు, ఒక కాంస్యం సాధించింది. ఒలింపిక్స్‌ క్రీడల చరిత్రలో అమెరికా మాజీ స్విమ్మర్‌ మైకేల్‌ ఫెల్ప్స్‌ అత్యధికంగా 28 పతకాలు సాధించి ఎవరికీ అందనంత ఎత్తులో ఉన్నాడు. 13 పతకాలతో లెడెకీ మహిళల విభాగంలో అగ్రస్థానంలో, ఓవరాల్‌గా రెండో స్థానంలో ఉంది. ‘విశ్వక్రీడల్లో ఒత్తిడి సహజమే. అయితే నా వరకు అత్యుత్తమ ప్రదర్శన కనబర్చడమే లక్ష్యంగా పెట్టుకుంటా. ఆ క్రమంలో రికార్డులు నమోదైతే అది మరింత ఆనందం. స్వదేశంలో జరిగే 2028 లాస్‌ ఏంజెలిస్‌ ఒలింపిక్స్‌లోనూ పాల్గొంటా’ అని లెడెకీ పేర్కొంది.

26 ఏళ్ల అమెరికా మహిళా స్విమ్మర్‌ కేటీ లెడెకీ చరిత్ర సృష్టించింది. జపాన్‌ వేదికగా జరుగుతున్న వరల్డ్ స్విమ్మింగ్  ఛాంపియన్‌షిప్స్‌లో 16 స్వర్ణ పతాకాలు సాధించి, ప్రపంచ రికార్డు నెలకొల్పింది. గతంలో వరల్డ్ స్విమ్మింగ్  ఛాంపియన్‌షిప్స్‌లో అత్యధిక స్వర్ణ పతకాలు సాధించిన రికార్డు దిగ్గజ స్విమ్మర్‌ మైఖేల్ ఫెల్ప్స్ (15) పేరిట ఉండేది. ప్రస్తుతం జరుగుతున్న వరల్డ్ ఛాంపియన్‌షిప్స్‌లో కేటీ.. ఫెల్ప్స్ రికార్డు బద్దలు కొట్టి వరల్డ్‌ రికార్డు క్రియేట్‌ చేసింది. ఇవాళ (జులై 30) జరిగిన 800 మీటర్ల ఫ్రీస్టైల్ ఫైనల్‌లో స్వర్ణం గెలవడం ద్వారా లెడెకీ ఈ ఘనత సాధించింది. 800 మీటర్ల ఈవెంట్‌లో స్వర్ణం కైవసం చేసుకున్న లెడెకీ మరో రికార్డును కూడా బద్దలు కొట్టింది. వరల్డ్‌ ఛాంపియన్‌షిప్‌ మహిళల 800 మీటర్ల ఫ్రీస్టైల్ ఈవెంట్స్‌‌లో అత్యధిక స్వర్ణ పతకాలు (6) సాధించిన  స్విమ్మర్‌గా రికార్డు నెలకొల్పింది. అలాగే ఒకే ఈవెంట్‌లో అత్యధిక ప్రపంచ ఛాంపియన్‌షిప్స్‌ బంగారు పతకాలు (6) సాధించిన స్విమ్మర్‌గానూ రికార్డుల్లోకెక్కింది. ప్రస్తుతం జరుగుతున్న వరల్డ్‌ ఛాంపియన్‌షిప్స్‌లో 1500 మీటర్ల ఫ్రీస్టైల్‌లోనూ స్వర్ణంతో మెరిసిన కేటీ.. ఇప్పటివరకు తన కెరీర్‌లో 20 వరల్డ్‌ ఛాంపియన్‌షిప్స్‌ స్వర్ణాలు, 7 ఒలింపిక్స్‌ గోల్డ్‌ మెడల్స్‌ సాధించింది. మహిళల స్విమ్మింగ్‌ చరిత్రలో ఏ సిమ్మర్‌ కేటీ సాధించినన్ని గోల్డ్‌ మెడల్స్‌ సాధించలేదు.  ‌


  స్విమ్మింగ్‌లో 19 ఏళ్ల అమెరికా స్టార్ కేటీ లెడెకీ దూసుకుపోతోంది. 800 మీటర్ల ఫ్రీ స్టయిల్ విభాగంలో ఆమె కొత్త ప్రపంచ రికార్డు నెలకొల్పి స్వర్ణ పతకం సొంతం చేసుకుంది. 8 ని. 4.79 సెకన్లతో మీట్ పూర్తి చేసిన లెడెకీ తన పేరిటే ఉన్న రికార్డు (8 ని. 6.68 సె.)ను సవరించింది. తాజా ఫలితంతో ఆమె 48 ఏళ్ల తర్వాత ఒకే ఒలింపిక్స్‌లో 200 మీ., 400 మీ., 800 మీ. ఫ్రీ స్టయిల్ పోటీలు నెగ్గిన అరుదైన స్విమ్మర్‌గా రికార్డు సృష్టించింది. 1968లో డెబీ మేయర్ ఈ ఘనత సాధించింది. ఈ ఈవెంట్‌లో జాజ్ కార్లిన్ (బ్రిటన్- 8 ని. 16.17 సె.), బొగ్లార్కా కపస్ (హంగేరీ - 8 ని. 16.37 సె.) రజత, కాంస్యాలు నెగ్గారు.
  


 రియో డీ జనీరో :రియో ఒలింపిక్స్లో అమెరికాకు ప్రాతినిథ్యం వహిస్తున్న 19 ఏళ్ల మహిళా స్విమ్మర్ కేటీ లెడెకీ సరికొత్త వరల్డ్ రికార్డును నమోదు చేసింది. ఇప్పటికే 200, 400 మీటర్ల ఫ్రీస్టయిల్ విభాగంలో స్వర్ణపతకాలను కైవసం చేసుకున్న లెడెకీ.. తాజాగా జరిగిన 800 మీటర్ల ఫ్రీ స్టయిల్ పోరులో కూడా పసిడిని ఒడిసి పట్టుకుంది. ఈ  రేసును 8:04.79 నిమిషాల్లో పూర్తి చేసి గత జనవరిలో నెలకొల్పిన తన రికార్డును మరోసారి సవరించుకుంది. మరోవైపు 48 ఏళ్ల తరువాత ఈ మూడు విభాగాల్లో స్వర్ణ పతకాలను సాధించిన అమెరికా స్విమ్మర్గా చరిత్ర సృష్టించింది. 1968లో అమెరికా మాజీ స్విమ్మర్ డెబీ మెయర్ మాత్రమే ఈ ఫీట్ను సాధించింది.
  
 కాగా, ఒలింపిక్స్ 800 మీటర్ల ఫ్రీ స్టయిల్లో రెండోసారి స్వర్ణాన్ని సాధించిన మూడో అమెరికా స్విమ్మర్గా సరికొత్త అధ్యాయాన్ని లిఖించింది. గత లండన్ ఒలింపిక్స్లో లెడెకీ ఈ విభాగంలో బరిలోకి దిగి పసిడి పతకాన్ని సాధించిన సంగతి తెలిసిందే. 15 ఏళ్ల ప్రాయంలోనే లెడెకీ 800 మీటర్ల ఫ్రీ స్టయిల్లో స్వర్ణాన్ని సాధించి దిగ్గజాలను సైతం నివ్వెరపరిచేలా చేసింది. రియో ఒలింపిక్స్ లో లెడెకీ ఇప్పటివరకూ నాలుగు పసిడి పతకాలను సాధించింది. 4x200 మీటర్ల రిలేలో స్వర్ణం సాధించిన అమెరికా జట్టులో లెడెకీ ప్రధాన పాత్ర పోషించింది. ఓవరాల్ గా లెడెకీఖాతాలో ఐదు పతకాలుండగా, అందులో ఒకటి మాత్రమే రజతం ఉంది.


 గోల్డ్‌కోస్ట్ (ఆస్ట్రేలియా): పాన్ పసిఫిక్ చాంపియన్‌షిప్‌లో సంచలనాలు సృష్టిస్తున్న అమెరికా టీనేజ్ స్విమ్మర్ కేటీ లిడెకీ మరో ప్రపంచ రికార్డు నెలకొల్పింది. ఆదివారం జరిగిన 1500 మీటర్ల ఫ్రీస్టయిల్ రేసును 17 ఏళ్ల లిడెకీ 15ని. 28.36 సెకన్లలోనే పూర్తి చేసి సరికొత్త రికార్డు సృష్టించింది. గత జూన్‌లో 15ని. 34.23 సెకన్లతో తానే నెలకొల్పిన రికార్డును దాదాపు ఆరు సెకన్ల తేడాతో లిడెకీ అధిగమించింది. దీంతో ఒకే టోర్నీలో మూడు ప్రపంచ రికార్డులు నమోదు చేయడంతోపాటు ఐదు స్వర్ణాలను తన ఖాతాలో వేసుకుంది. ఈ టోర్నీలో లిడెకీ 200 మీ., 400., 800 మీ., ఫ్రీస్టయిల్ రేసుల్లో స్వర్ణం సాధించడంతోపాటు 4ఁ200 మీ., ఫ్రీస్టయిల్ రిలే రేసులో పసిడి పతకం సొంతం చేసుకున్న జట్టులో సభ్యురాలు.