Kasauli

షిమ్లా రద్దీకి దూరంగా, హిమాచల్‌ కొండల్లో ఒదిగిపోయిన ఒక చిన్న అందమైన ప్రదేశమే కసౌలి. ఇక్కడ పెద్ద హోటళ్లు ఉండవు, పెద్ద షాపింగ్‌ మాల్స్‌ ఉండవు. ఉన్నదల్లా పైన్‌ చెట్ల వాసన, చల్లటి గాలి, ఉదయాన్నే కిటికీలోకి తొంగి చూసే సూర్య కిరణాలు, చుట్టూరా కనిపించే మంచు.ఇక్కడ ఉదయం చాలా నెమ్మదిగా మొదలవుతుంది. టీ కప్పు చేతిలో పట్టుకుని బాల్కనీలో నిలబడితే, దూరంగా మంచుతో కప్పబడిన హిమాలయాలు, లోయలో తేలిపోతున్న మేఘాలు కనిపిస్తాయి. ఏ శబ్దం లేదు, కేవలం పక్షుల కిలకిలా, పైన్‌ ఆకుల మధ్య నుంచి వచ్చే గాలి శబ్దం మాత్రమే వినిపిస్తుంది.ఏం చూడాలి?కసౌలిలో ఎక్కువ తిరిగే అవసరం లేదు. ఎందుకంటే మీరు ఎక్కడ ఉన్నా మీకు ప్రశాంతత లభిస్తుంది. అయితే కొన్ని ప్రదేశాలు తప్పకుండా కవర్‌ చేయాలి అని ఒక లిస్ట్‌ రెడీ చేసుకోవాలనుకుంటే మాత్రం మీరు మంకీ ΄ాయింట్‌ వెళ్లండి. ఇదే ఇక్కడ అతి ఎత్తైన ప్రదేశం. ఇక్కడి నుంచి చూస్తే సట్లెజ్‌ నది, చండీగఢ్‌ నగరం కూడా కనిపిస్తాయి. ఇక్కడ హనుమాన్‌ గుడి ఉంది, వానరాలు ఎక్కువగా ఉంటాయి.గిల్బర్ట్‌ ట్రయిల్‌ అనేది కసౌలికి గుండెకాయ లాంటిది. రెండు వైపులా ఎత్తైన పైన్, ఓక్‌ చెట్లు, మధ్యలో సన్నటి దారి ఉంటుంది. ఈ దారిలో నడవడం అంటే ప్రకతితో మాట్లాడటమే. సన్‌ సెట్‌ ΄ాయింట్‌ లో సాయంత్రం కూర్చుంటే, సూర్యుడు కొండల వెనుకకు వెళ్లే దశ్యం, ఆకాశం ఎర్రగా మారే క్షణాలను మర్చిపోలేము.కసౌలి బ్రూవరీ, క్రై స్ట్‌ చర్చ్, ఇవి బ్రిటిష్‌ కాలం నాటి కట్టడాలు. 150 ఏళ్ల నాటి చర్చ్‌ లోపల కూర్చుని ఏమీ ఆలోచించకుండా కాస్త సమయాన్ని గడిపి చూడండి.ఎక్కడ ఉండాలి, ఏం తినాలి?కసౌలిలో పెద్ద హోటల్స్‌ కన్నా, బ్రిటిష్‌ కాలం నాటి బంగ్లాలు, హోమ్‌ స్టేలు బాగుంటాయి.చెక్కతో కట్టిన ఇళ్లు, లోపల ఫైర్‌ ప్లేస్, బయట పూల తోట. ఉదయం లేవగానే తోటలోకి వచ్చే కోయిల కూత.. ఇలాంటి చిన్న చిన్న నథింగ్‌ లాంటి థింగ్సే ఇక్కడ బాగుంటాయి.తినడానికి ఇక్కడ టిబెటన్‌ మోమోస్, థుక్పా చాలా ఫేమస్‌. మాల్‌ రోడ్‌ లో చిన్న చిన్న కేఫ్‌ లలో వేడి వేడి బన్, చాయ్‌ తాగుతూ కొండలను చూడటం, అదొక మజా.హైదరాబాద్‌ నుంచి ఎలా వెళ్లాలి?హైదరాబాద్‌ నుంచి కసౌలికి డైరెక్ట్‌ ఫ్లైట్‌ లేదు. హైదరాబాద్‌ నుంచి చండీగఢ్‌ కి ఫ్లైట్‌ తీసుకోవాలి. దాదాపు 2.30 గంటల ప్రయాణం. చండీగఢ్‌ నుంచి కసౌలి 65 కిలోమీటర్ల దూరంలో ఉంటుంది. కారులో 2 గంటల్లో వెళ్లిపోవచ్చు. దారి మొత్తం కొండలు, పైన్‌ ఫారెస్ట్‌ లు, చిన్న చిన్న ఊళ్లు కనిపిస్తాయి. ఈ జర్నీ చాలా బాగుంటుంది.ఫ్లైట్‌ లో వెళ్లాలనుకుంటే ముందు ఢిల్లీకి వెళ్లి అక్కడి నుంచి కాల్కా వరకు ట్రైన్‌ లో వెళ్లవచ్చు. కాల్కా నుంచి టాయ్‌ ట్రైన్‌లో సోలన్‌ వరకు, అక్కడి నుంచి కసౌలి చేరుకోవచ్చు. ఈ టాయ్‌ ట్రైన్‌ ప్రయాణం జీవితంలో ఒకసారి చేయాల్సిందే.విజయవాడ నుంచి వచ్చే వాళ్లు హైదరాబాద్‌ మీదుగా వెళ్లడం ఈజీ, లేదంటే డైరెక్ట్‌ గా ఢిల్లీకి వెళ్లి కంటిన్యూ చేయవచ్చు.కసౌలి వెళ్లేందుకు అక్టోబర్‌ నుంచి మార్చ్‌ వరకు బెస్ట్‌ సీజన్‌. డిసెంబర్, జనవరిలో మంచు కురుస్తుంది. అప్పుడు కసౌలి మరింత అందంగా కనిపిస్తుంది.కసౌలి అంటే హడావిడి లేని ప్రయాణం. ఫోన్‌ సిగ్నల్‌ తక్కువ, మనుషుల గోల తక్కువ. మనసులో ప్రశాంతత ఎక్కువ.ఇదీ చదవండి: ఆఫ్రికా గుండె చప్పుడు.. కన్నీళ్లు తెప్పించే అద్భుతం!

సిమ్లా: నిజాయితీతో వ్యవహరించిన ఓ అధికారిణిని వెంటాడి చంపిన ఘటనలో నిందితుడిని ఎట్టకేలకు పోలీసులు అరెస్ట్‌ చేశారు. అక్రమ కట్టాల కూల్చివేతను పర్యవేక్షించిన అధికారి షహిల్‌ బాల శర్మ(51)ను ఓ వ్యక్తి అతికిరాతకంగా కాల్చి చంపిన విషయం తెలిసిందే. ఈ ఘటనలో నిందితుడు విజయ్‌ను ఎట్టకేలకు గురువారం సాయంత్రం పోలీసులు మధురలో(యూపీ) అదుపులోకి తీసుకున్నారు. విచారణలో నిందితుడు విజయ్‌ పోలీసులకు అసలేం జరిగిందో చెప్పాడు.  ‘కూల్చివేతలు వద్దని ఆమెను బతిమాలుకున్నాం. ఆమె వినలేదు. చివరకు లంచం కూడా ఇస్తామన్నాం. కానీ, ఆమె తిరస్కరించారు. నా తల్లి ఆమె కాళ్ల మీద పడింది.. అయినా కనికరించలేదు. పైగా తాను నిజాయితీ ఆఫీసర్‌నంటూ ప్రగల్భాలు పలికారు. తన చేతిలో సుప్రీం కోర్టు ఆదేశాలు ఉన్నాయని.. వాటిని పాటించక తప్పదని ఆమె చెప్పారు. భరించలేక పోయా.. అందుకే వెంటాడి చంపేశా’ అని విజయ్‌ తెలిపాడు. ఘటన తర్వాత అడవిలోకి పారిపోయిన నిందితుడు.. ఆ రాత్రి ఇంటికి తిరిగొచ్చి డబ్బు, ఏటీఎంలతో ఢిల్లీకి చేరుకున్నాడు. ఎవరూ గుర్తుపట్టకుండా ఉండేందుకు గుండు గీయించుకుని మధురకు చేరుకున్నాడని, సెల్‌ ఫోన్స్‌ సిగ్నల్‌ ఆధారంగా అతన్ని కనిపెట్టినట్లు పోలీసులు తెలిపారు.   కాగా, సుప్రీం కోర్టు ఆదేశాలను అనుసరించి కసౌలీ పట్టణంలో అక్రమ కట్టడాలను కూల్చివేతకు హిమాచల్‌ప్రదేశ్‌ ప్రభుత్వం ఉపక్రమించింది. పోలీసుల సాయంతో అధికారులు నిబంధనలను ఉల్లంఘించిన హోటళ్లను కూల్చివేయటం ప్రారంభించారు. ఈ క్రమంలో మండో మాట్కండలో ఉన్న నారాయణి గెస్ట్‌ హౌజ్‌ కూల్చేందుకు యత్నించగా..  అధికారిణి షహిల్‌ బాల, ఆ గెస్ట్‌హౌజ్‌ యజమాని విజయ్‌ సింగ్ మధ్య వాగ్వాదం మొదలైంది. కోపోద్రిక్తుడైన విజయ్‌ సింగ్‌​ తుపాకీతో వెంటాడి పీడబ్ల్యూడీ అధికారులపై మూడు రౌండ్లు కాల్పులు జరిపాడు. ఈ ఘటనలో షహిల్‌ బాల అక్కడిక్కడే మృతి చెందగా, మరో అధికారి తీవ్రంగా గాయపడ్డారు.


 సాక్షి, కసౌలి : అత్యంత ఎత్తయిన ప్రదేశాలు, ప్రమాదకర సరిహద్దుల్లో  సైన్యమే.. స్వచ్ఛ భారత్‌ కార్యక్రమాన్ని నిర్వహిస్తుందని రక్షణ శాఖ మంత్రి నిర్మలా సీతారామన్‌ చెప్పారు. హిమాచల్‌ ప్రదేశ్‌లోని కసౌలిలో టూరిస్టులు బహిరంగ ప్రదేశాల్లో జారవిడిచిన ప్లాస్టిక్‌, ఇతర చెత్తా చెదారాలను శుద్ధి చేసే కార్యక్రమానికి ఆమె ఆదివారం శ్రీకారం చుట్టారు. ఈ సందర్భంగా ఆమె మాట్లాడుతూ.. దేశంలో అత్యంత ఎత్తయిన సుందరమైన, ఉగ్రవాద ప్రభావిత ప్రదేశాలైన జమ్మూ కశ్మీర్‌, హిమాచల్‌ ప్రదేశ్‌, ఈశాన్య రాష్ట్రాల్లో పర్యావరణ పరిరక్షణ చర్యలను ఇకపై సైన్యమే పర్యవేక్షిస్తుందని చెప్పారు.
 వెస్ట్రన్‌ కమాండ్‌ ఆధ్వర్యంలోని కసౌలిని స్వచ్ఛంగా ఉంచేందుకు సైన్యం చేస్తున్న కృషిని రక్షణ మంత్రి నిర్మలా సీతారామన్‌ ప్రశంసించారు. ఈ సందర్భంగా ఆమె వెస్ట్రన్‌ కమాండ్‌ అధికారులను ప్రత్యేకంగా సన్మానించారు. సైనికులు చేస్తున్న త్యాగాల వల్లే వందకోట్లకు పైబడిన భారతీయులు స్వేచ్ఛగా, హాయిగా జీవించగలుగుతున్నారని నిర్మలా సీతారామన్‌ వ్యాఖ్యానించారు. సైనిక సంక్షేమానికి కేంద్రప్రభుత్వం కట్టుబడి ఉందని స్పష్టం చేశారు. కసౌలి బస్టాండ్‌లో మల్టి స్టోర్‌ పార్కింగ్‌ కోసం 15 కోట్ల రూపాయలను విడుదల చేస్తున్నట్లు చెప్పారు.