మాఫియా చిత్ర టీజర్‌కు ప్రేక్షకుల నుంచి మంచి స్పందన వస్తోందని చిత్ర వర్గాలు ఆనందాన్ని వ్యక్తం చేశాయి. అరుణ్‌విజయ్‌ కథానాయకుడిగా నటిస్తున్న తాజా చిత్రం మాఫియా. నటి ప్రియభవానీశంకర్‌ నాయకిగా నటిస్తున్న ఈ సినిమాలో నటుడు ప్రసన్న ప్రతినాయకుడిగా నటిస్తున్నారు. యువ దర్శకుడు కార్తీక్‌నరేన్‌ తెరెక్కిస్తున్న ఈ చిత్రం నిర్మాణ కార్యక్రమాలు శరవేగంగా జరుగుతోంది. ఈ చిత్ర పస్ట్‌లుక్‌ పోస్టర్‌ను ఇటీవల విడుదల చేశారు. అందులో నటుడు అరుణ్‌విజయ్‌ స్టైలిష్‌ గెటప్‌ అందరినీ ఆకర్షించింది. మాఫియా అనగానే యాక్షన్‌ సన్నివేశాలతో కూడిన మాస్‌ ఎంటర్‌టెయినర్‌ చిత్రంగా ఉంటుందని తెలుస్తోంది. నటుడు అరుణ్‌విజయ్‌ కెరీర్‌లో ఈ చిత్రం స్పెషల్‌గా నిలిచిపోతుందని ఆయన ఇటీవల పేర్కొన్నారు.  చిత్రంలో తన పాత్ర కూడా చాలా వైవిధ్యంగా ఉంటుందన్నారు. తాజాగా చిత్ర టీజర్‌ను విడుదల చేశారు. అది ఇప్పుడు సామాజిక మాధ్యమాల్లో ట్రెండ్‌ అవుతోంది. టీజర్‌లో నటుడు అరుణ్‌విజయ్‌ను  సింహంగానూ, ప్రసన్నను నక్క గానూ చూపించి కథను మాత్రం రివీల్‌ చేయకుండా జాగ్రత్త పడుతూ వారి పాత్రల స్వభావాన్ని ఆవిష్కరించి ప్రేక్షకుల్లో మరింత ఆసక్తిని కలిగించారు. ఈ టీజర్‌ను  ఇప్పటికే 2.9 మిలియన్ల ప్రేక్షకులు యూట్యూబ్‌లో తిలకించారు. ఇది అరుణ్‌విజయ్‌ చిత్రాలలోనే పెద్ద రికార్డు అంటున్నారు. కాగా  దర్శకుడు కార్తీక్‌నరేన్‌ మాఫియా చిత్రాన్ని హై టెక్నికల్‌ వ్యాల్యూస్‌తో తెరకెక్కిస్తున్నట్లు చిత్ర వర్గాలు తెలిపాయి. లైకా ప్రొడక్షన్స్‌ సంస్థ నిర్మిస్తున్న ఈ మాఫియా చిత్ర షూటింగ్‌ పూర్తి అయిందని, ప్రస్తుతం నిర్మాణాంతర కార్యక్రమాలు జరుగుతున్నాయని తెలిపారు. కాగా చిత్ర ఆడియో ఆవిష్కరణ కార్యక్రమం, చిత్ర విడుదల వివరాలను త్వరలోనే వెల్లడిస్తామని యూనిట్‌ వర్గాలు తెలిపాయి. ఈ సినిమాకు జాక్స్‌ బిజాయ్‌ సంగీతాన్ని, గోకుల్‌ బెనాయ్‌ ఛాయాగ్రహణంను అందిస్తున్నారు.

వినూత్న సినిమాలకు, కొత్త దర్శకులతో సినిమాలు చేయడానికి సిద్ధంగా ఉంటారు అరవింద స్వామి. తాజాగా విడుదలైన మణిరత్నం ‘చెక్క చివంద వానమ్‌’ చిత్రం సక్సెస్‌ కావడంతో పాటు అరవింద స్వామి పోషించిన పాత్రకు మంచి అభినందలు వచ్చాయి. మరి.. నెక్ట్స్‌ అరవింద స్వామి ఏ సినిమా చేయబోతున్నారంటే.. కార్తీక్‌ నరేన్‌ దర్శకత్వంలో చేయనున్నారని కోలీవుడ్‌ టాక్‌. ఆల్రెడీ ఆయన ఈ దర్శకుడితో ‘నరగాసురన్‌’ అనే చిత్రం చేశారు. ఈ సినిమా రిలీజ్‌ పలు వాయిదాలు పడుతూ వస్తోంది. ‘నరగాసురన్‌’ చిత్రం చేస్తున్నప్పుడే ఈ దర్శకుడు టాలెంట్‌ చూసి మరో సినిమా చేయాలని డిసైడ్‌ అయ్యారట అరవింద స్వామి. ఈ చిత్రాన్ని ‘2.0’ నిర్మించిన లైకా సంస్థ నిర్మించనుంది. ‘నరగాసురన్‌’ ఎప్పుడు తెరకు వస్తుంది? అనే ప్రశ్నకు యూనిట్‌ తెరదించాల్సిందే.


 సౌత్ స్టార్ డైరెక్టర్ గౌతమ్ మీనన్ నిర్మాతగానూ వరుస సినిమాలతో బిజీగా ఉన్నాడు. ప్రస్తుతం కోలీవుడ్ యంగ్ డైరెక్టర్ కార్తీక్ నరేన్ (డి 16 ఫేం) దర్శకుడిగా నరగసూరన్ అనే చిత్రాన్ని నిర్మిస్తున్నారు. ఈ సినిమా తెలుగులో నరకాసురుడు పేరుతో రిలీజ్ కానుంది. ఈ సినిమాలో టాలీవుడ్ యువ నటుడు సందీప్ కిషన్ కీలక పాత్రలో నటిస్తున్నాడు. మానగరం సినిమాతో కోలీవుడ్ సినీ జనాల దృష్టిని ఆకర్షించిన సందీప్ కిషన్ తమిళ నాట బిజీ అవుతున్నాడు.
 
 నరకాసురుడు తరువాత సందీప్ కిషన్ హీరోగా మరో సినిమాను నిర్మించే ఆలోచనలో ఉన్నాడు గౌతమ్ మీనన్. ప్రస్తుతం చర్చల దశలో ఉన్న ఈ సినిమా తెలుగు, తమిళ తెరకెక్కనుంది. నటుడిగా మంచి మార్కులు సాధిస్తున్నా.. సక్సెస్ మాత్రం అందుకోలేకపోతున్న సందీప్.. గౌతమ్ మీనన్ సినిమాల మీదే ఆశలు పెట్టుకున్నాడు.


 
 ధృవంగ‌ల్ 16 సినిమాతో సూపర్ హిట్ కొట్టిన యువ దర్శకుడు కార్తీక్ నరేన్ దర్శకత్వంలో తెరకెక్కుతున్న మరో ఇంట్రస్టింగ్ మూవీ నరకాసురుడు. ధృవ సినిమాతో నెగెటివ్ రోల్లో ఆకట్టుకున్న అరవింద్ స్వామి, ఈ సినిమాలో కీలక పాత్రలో నటిస్తున్నాడు. అరవింద్ స్వామి పుట్టిన రోజు సందర్భంగా చిత్రయూనిట్ టైటిల్ లోగోను రిలీజ్ చేశారు. తెలుగు తమిళ భాషల్లో ఒకేసారి రూపొందుతున్న ఈ సినిమాకు తమిళ్లో నరగసూరన్ అనే టైటిల్ను ఫిక్స్ చేశారు. ఈ సినిమా ఫాంటసీనా..? థ్రిల్లరా..? అన్న విషయం తెలియాల్సి ఉంది.
 
 త్వరలో ప్రారంభం కానున్న ఈ సినిమాలో టాలీవుడ్ యువ కథానాయకుడు సందీప్ కిషన్ హీరోగా నటిస్తుండగా సీనియర్ స్టార్ శ్రియహీరోయిన్గా నటిస్తోంది. ప్రముఖ మలయాళ నటుడు ఇంద్రజిత్ మరో కీలక పాత్రలో అలరించనున్నాడు. అయితే ముందుగా ఈ కథను టాలీవుడ్ హీరో నాగచైతన్యతో రూపొందించాలని ప్లాన్ చేశారు... కానీ డేట్స్ అడ్జస్ట్ కాకపోవటంతో చైతు ప్రాజెక్ట్ నుంచి తప్పుకోవాల్సి వచ్చింది. ఆ ప్లేస్లో తెలుగు, తమిళ భాషల్లో మంచి గుర్తింపు ఉన్న సందీప్ కిషన్ను హీరోగా తీసుకున్నారు.


 
 టైటిల్ : 16 (ఎవ్రీ డిటైల్ కౌంట్స్)
 జానర్ : క్రైం థ్రిల్లర్
 తారాగణం : రెహమాన్, ప్రకాష్ విజయ రాఘవన్, అశ్విన్ కుమార్, అంజనా జయప్రకాష్..
 సంగీతం : జేక్స్ బిజోయ్
 దర్శకత్వం : కార్తీక్ నరేన్
 నిర్మాత : చదలవాడ పద్మావతి
 
 కొత్త తరహా కథలతో ప్రేక్షకుల ముందుకు వస్తున్న యువతరం దర్శకులకు మంచి ఆదరణ లభిస్తుంది. అదే బాటలో క్రైం థ్రిల్లర్ గా తెరకెక్కిన ధృవంగల్ పతినారు సినిమాతో తమిళ ఆడియన్స్ మెప్పు పొందిన దర్శకుడు కార్తీక నరేన్. అదే సినిమాను ఇప్పుడు 16 ఎవ్రీ డీటెయిల్ కౌంట్స్ పేరుతో తెలుగులో రిలీజ్ చేశారు. తెలుగులో క్యారెక్టర్ ఆర్టిస్ట్ గా గుర్తింపు తెచ్చుకున్న రెహమాన్ ప్రధాన పాత్రలో నటించిన 16 తెలుగు ఆడియన్స్ ను ఎంత వరకు ఆకట్టుకుంది..?
 
 కథ :
 దీపక్ (రెహమాన్) ఓ రిటైర్డ్ పోలీస్ అధికారిగా పరిచయం అవుతాడు. పోలీస్ ఆఫీసర్ కావాలని ఆశపడే ఓ యువకుడు.. దీపక్ అనుభవాలు, సలహాలు తెలుసుకోవాలనుకుంటాడు. కానీ అప్పటికే ఓ కేసు వల్ల తన కాలు కోల్పోయిన దీపక్, పోలీసు ఉద్యోగంలో చేరవద్దని సలహా ఇస్తాడు. 5 ఏళ్ల క్రితం తాను డీల్ చేసిన కేసు విషయాలను ఆ యువకుడికి వివరించటం మొదలు పెడతాడు.
 
 ముందుగా ఓ వ్యక్తి రోడ్డు మీద తుపాకీతో కాల్చుకొని ఆత్మహత్య చేసుకున్నాడన్న కేసు దీపక్ దృష్టికి వస్తోంది. ఆ కేసు వివరాలు తెలుసుకుంటుండగానే, ఓ అపార్ట్మెంట్ లో అమ్మాయి మిస్ అయ్యిందన్న మరో కేసు డీల్ చేయాల్సి వస్తుంది. మిస్ అయినా అమ్మాయి రూంలో గోడ మీద ఉన్న రక్తపు మరకలు తప్ప ఎలాంటి ఆధారం దొరకదు. అదే సమయంలో ఆత్మహత్య చేసుకున్న అబ్బాయి ఎవరు ఎందుకు ఆత్మహత్య చేసుకున్నాడు అన్న వివరాలు కూడా దొరకవు. మిస్టరీగా మారిన ఈ రెండు కేసులను దీపక్ ఎలా పరీక్షించాడు..? అసలు ఈ రెండు వేరు వేరే కేసులా..లేక ఒకే కేసా..? ఈ కేసు ఇన్వెస్టిగేషన్ లో దీపక్ కు ప్రమాదం ఎలా జరిగింది..? చిరవకు ఆ కేసు ఏం అయ్యింది..? అన్నదే మిగతా కథ.
 
 నటీనటులు :
 సినిమా అంతా కేసు ఇన్వెస్టిగేట్ చేసే పోలీస్ ఆఫీసర్ దీపక్ చుట్టూనే తిరుగుతోంది. తెలుగు వారికి సహాయ నటుడిగా మాత్రమే పరిచయం అయినా రెహమాన్ ఫుల్ లెంగ్త్ రోల్ లోనే ఆకట్టుకున్నాడు. ముఖ్యంగా ఓ క్రైం థ్రిల్లర్ సినిమాకు కావాల్సిన ఎమోషన్ ను అద్భుతంగా పలికించాడు. కానిస్టేబుల్ పాత్రలో కనిపించిన ప్రకాష్ విజయ రాఘవన్ ఆకట్టుకున్నాడు. మిగిలిన పాత్రలకు పెద్దగా స్క్రీన్ ప్రెజెన్స్ లేకపోవటం, ఆ పాత్రలో కనిపించిన వారు తెలుగు వారికి పరిచయం ఉన్న నటులు కాకపోవటంతో పాత్ర పరంగా ఓకె అనిపించారు.
 
 సాంకేతిక నిపుణులు :
 ఓ పర్ఫెక్ట్ థ్రిల్లర్ సినిమాను కేవలం 28 రోజుల్లో పూర్తి చేసిన దర్శకుడు కార్తీక్ నరేన్, కథా కథనాల మీద తనకున్న పట్టు చూపించాడు. ముఖ్యంగా తొలి భాగం అంతా ఇన్వెస్టిగేషన్ సమయంలో పోలీసులు కేసుల ఎలా విశ్లేషిస్తారో చూపించిన దర్శకుడు, రెండో భాగంలో ప్రతీ ప్రశ్నకు సమాధానం చెపుతూ వచ్చాడు. ముఖ్యంగా క్లైమాక్స్ తీర్చిదిద్దిన తీరు సినిమా స్థాయిని పెంచింది. జేక్స్ బిజోయ్ అందించిన నేపథ్య సంగీతం థ్రిల్లర్ సినిమాకు కావాల్సిన మూడ్ ను పర్ఫెక్ట్ గా క్యారీ చేసింది. సినిమా సక్సెస్ లో కీ రోల్ ప్లే చేసిన మరో అంశం శ్రీజిత్ సారంగ్ ఎడిటింగ్. టిపికల్ స్క్రీన్ ప్లేతో తెరకెక్కిన ఈ సినిమాను ఎలాంటి కన్య్ఫూజన్ లేకుండా సాధారణ ప్రేక్షకుడికి కూడా అర్ధమయ్యేలా ఎడిట్ చేశాడు శ్రీజిత్. సినిమాటోగ్రఫి, నిర్మాణ విలువలతో పాటు, తెలుగు డబ్బింగ్ కూడా సినిమా స్థాయి తగ్గట్టుగా ఉన్నాయి.
 
 ప్లస్ పాయింట్స్ :
 రెహమాన నటన
 కథా కథనాలు
 క్లైమాక్స్
 
 మైనస్ పాయింట్స్ :
 ఫస్టాఫ్లో ఇన్వెస్టిగేషన్ సీన్స్
 టాలీవుడ్కు పరిచయం లేని నటీనటులు
 
 16 (ఎవ్రీ డిటైల్ కౌంట్స్) పర్ఫెక్ట్ క్రైం థ్రిల్లర్
 
 - సతీష్ రెడ్డి, ఇంటర్నెట్ డెస్క్