‘మీ ప్రదర్శన చూస్తుంటే నా పెళ్లినాటి రోజులు గుర్తుకొస్తున్నాయి..’ అని ఒకప్పుడు బాలీ వుడ్‌ను ఒక ఊపు ఊపిన అందాల హీరోయిన్ మాధురీ దీక్షిత్ వ్యాఖ్యానించింది. కలర్స్ చానల్‌లో ప్రసారమవుతున్న ‘జలక్‌ధిఖ్ లాజా -7’ డ్యాన్స్ పోటీలకు న్యాయనిర్ణేతల్లో మాధురి ఒకరిగా వ్యవహరిస్తున్న సంగతి తెలిసిందే. ఈ పోటీల్లో భాగంగా పోటీదారు మౌనీ, ఆమె కొరియోగ్రాఫర్ పునీత్ కలిసి ప్రదర్శించిన ‘మిర్రర్ ఇమేజ్’ ప్రదర్శన సందర్భంగా మాధురీ పై విధంగా స్పందించింది. ఇద్దరు ప్రేమికుల మధ్య ఎడబాటును ఈ ప్రదర్శనలో మైనీ, పునీత్ కళ్లకు కట్టినట్లుగా చూపించారని, వారి హావభావాలు చూస్తే తన పెళ్లినాటి రోజులు గుర్తుకొచ్చాయని మాధురి అంది.
  
  ‘నాకు శ్రీరాంతో పెళ్లి కాగానే యూఎస్ వెళ్లిపోయా. తర్వాత ‘దేవదాస్’ సినిమా షూటింగ్ నిమిత్తం తిరిగి ఇండియా రావాల్సి వచ్చింది. నాలుగైదు నెలలు పాటు ఆ సినిమా షూటింగ్‌లో బిజీగా ఇండియాలోనే గడిపా. షూటింగ్‌లో ఎప్పుడూ నవ్వుతూ కనిపించేదాన్ని.. కాని మనసు మాత్రం అమెరికాలో ఉన్న నా భర్త చుట్టూనే తిరుగుతుండేది.. అతడిని చాలా మిస్ అవుతున్నాననే బాధను బయటకు కనిపించకుండా ఉంచేందుకు చాలా శ్రమపడేదాన్ని. ఆ నాలుగైదు నెలలూ మేమిద్దరం ‘ఐ మిస్ యూ’ అని చెప్పుకోని రోజు లేదంటే అతిశయోక్తి కాదేమో.. అంతలా బాధపడ్డాం.. మీ ఇద్దరి నటన చూసేసరికి ఆ రోజులు గుర్తుకొచ్చాయి..’ అంటూ మౌనీ జంటను ఆమె అభినందించింది.
  
  ఈ కార్యక్రమం వచ్చే వారం ప్రసారం కానుంది. కాగా, మాధురి పెళ్లినాటి జ్ఞాపకాలను నెమరవేసుకున్నప్పుడు ఆమె భర్త శ్రీరామ్ మాధవ్ నెనే పక్కనే ఉండటం విశేషం. కాగా, మౌనీ, పునీత్ ప్రదర్శన మిగతా న్యాయమూర్తులైన రెమో డీసౌజా, కరణ్ జోహార్‌ల ప్రశంసలను సైతం అందుకుంది. ఇదిలా ఉండగా, మాధురీ దీక్షిత్ ప్రస్తుతం 47 యేళ్ల వయసులోనూ అందచందాల్లో యువ హీరోయిన్లతో పోటీపడుతోంది. యోగా, డ్యాన్స్ తన గ్లామర్ రహస్యమని ఆమె తెలిపింది. ఇటీవల ఆమె నటించిన ‘దేడ్‌ఇష్క్’ చిత్రం విడుదలై విమర్శకుల ప్రశంసలు అందుకున్న విషయం తెలిసిందే.
  


 పూరబ్ కోహ్లి
 ముంబై: ‘ఝలక్ దిఖ్‌లా జా’ ఏడో సీజన్ నుంచి తప్పించడం తనను దిగ్భ్రాం తికి గురిచేసిందని బాలీవుడ్ నటుడు పూరబ్ కోహ్లి పేర్కొన్నాడు. తన ప్రదర్శనకు న్యాయమూర్తుల చక్కని స్పం దన వచ్చిందని, అయినప్పటికీ ఈవిధంగా జరుగుతుం దని తాను ఊహిం చలేద ని ఈ ‘రాక్ ఆన్’ స్టార్ చెప్పాడు. ‘నేను తీవ్ర దిగ్భ్రాం తికి గురయ్యా. ఆ షోలో చక్క ని ప్రదర్శన ఇచ్చా. నా ప్రదర్శనకు న్యాయమూర్తులు సైతం ఉబ్బితబ్బిబ్బయ్యారు. వారి నుంచి అద్భుతమైన స్పందన లభించింది. అయితే డేంజర స్ జోన్‌కు రావడమే తీవ్ర నిరాశకు గురిచేసింది. 35 ఏళ్ల ఈ నటుడు తాను  డేంజరస్ జోన్‌కు చేరుకున్నానని తెలియగానే డ్యాన్స్ స్టెప్పులను సైతం మరిచిపోయాడు.
 
 ‘ నా కొరియోగ్రాఫర్‌తో కలసి ఈ వారం సెమి క్లాసికల్ డ్యాన్స్ చేశా. అసలు నేనే స్టెప్పులు మరిచిపోయానా అని నాకు అనిపిస్తోంది. ఈ షోకోసం మేము తీవ్రంగా కష్టపడ్డాం. న్యాయమూర్తులనుంచి అద్భుతమైన స్పందన వస్తుందని కూడా ఆశించాం.’ అంటూ పురబ్ బాధపడ్డాడు. ఈ షోలో పాల్గొన్నందుకు తనకు ఎంతో ఆనందంగా ఉందన్నాడు. మరోసారి అవకాశమిస్తే తన   అదృష్టాన్ని పరిశీలించుకుంటానన్నాడు.
 
 శిక్షణ పొందిన నృత్యకారుడిని కాదని, అందువల్ల ఈ షోలనుంచి నేర్చుకోవాల్సింది ఎంతో ఉందన్నాడు. కాగా ‘ఝలక్ దిఖ్‌లాజా’ షోలో ఇంకా 11 మంది సెలబ్రిటీ పోటీదారులు ఉన్నారు. వీరు తమ కొరియోగ్రాఫర్లతో కలసి ప్రదర్శనలు ఇవ్వాల్సి ఉంది. ఈ షోకు బాలీవుడ్ నటి మాధురీ దీక్షిత్ న్యాయనిర్ణేతగా వ్యవహరిస్తున్నారు.