కాజల్‌ది పంజాబీ కుటుంబం. ఆమె చేసుకున్న అబ్బాయి గౌతమ్‌ది కాశ్మీరీ ఫ్యామిలీ. ఈ పంజాబీ–కాశ్మీరీ వెడ్డింగ్‌లో సౌతిండియా మీద ప్రేమను చూపించారు కాజల్‌. జీలకర్ర బెల్లాన్ని తమ పెళ్లిలో భాగం చేశారు. నార్త్‌ పెళ్లిలో సౌత్‌ సంప్రదాయాన్ని కూడా పాటించారు. ఈ విషయం గురించి కాజల్‌ తన ఇన్‌స్టాగ్రామ్‌లో షేర్‌ చేసుకుంటూ – ‘‘గౌతమ్‌కు, నాకు సౌతిండియా మీద ఉన్న ప్రేమాభిమానాలే జీలకర్ర బెల్లాన్ని మా పెళ్లిలో భాగం చేశాయి. తెలుగు పెళ్లిలో వధూవరులు జీలకర్ర బెల్లం పెట్టుకుంటారు. దీనికి ఎంతో ప్రాధాన్యం ఉంది. భార్యాభర్త కష్టనష్టాల్లోనూ కలిసే ఉండాలి అని చెబుతుంది జీలకర్ర బెల్లం’’ అని రాసుకొచ్చారు కాజల్‌.


 ‘‘ఈ తరం యువతకు చదువు, ఉద్యోగం, సంపాదన అన్నీ ఉన్నాయి. ఏడడుగులు వేసి పెళ్లితో ఒక్కటైనవారు ఎనిమిదో అడుగు విడాకుల కోసం కోర్టు మెట్లు ఎక్కుతున్నారు. ఇలాంటి పరిస్థితులు ఎదురవ్వకూడదనే సందేశంతో ‘జీలకర్ర బెల్లం’ చిత్రం నిర్మించాం. ఈ నెల 29న రిలీజ్ చేయాలనుకుంటున్నాం’’ అని నిర్మాత ఆళ్ల నౌరోజీ రెడ్డి తెలిపారు. అభిజీత్, రేష్మ జంటగా విజయ్ శ్రీనివాస్ దర్శకత్వంలో ఎ.శోభారాణి, ఆళ్ల నౌరోజీ రెడ్డి నిర్మించిన చిత్రం ‘జీలకర్ర-బెల్లం’. ‘వందేమాతరం’ శ్రీనివాస్ స్వరపరచిన ఈ చిత్రం పాటల సీడీని తెలంగాణ ఎంపీ కవిత ప్రత్యేకంగా విడుదల చేశారు. సమాజానికి ఉపయోగపడే ఇలాంటి సినిమాలు మరెన్నో రావాలని ఈ సందర్భంగా కవిత అన్నారు.
 
 ఆడియో వేడుకలో ప్రముఖ దర్శకుడు దశరథ్ సీడీని విడుదల చేసి, దాస్య నాయక్‌కు అందించారు. ‘‘తొలి సినిమాకే ‘వందేమాతరం’గారితో పనిచేయడం ఆనందంగా ఉంది’’ అని దర్శకుడు చెప్పారు. ప్రతాని రామకృష్ణగౌడ్, గుణ్ణం గంగరాజు, వెనిగళ ్ళ రాంబాబు, రామసత్యనారాయణ, బలరాం, లక్ష్మణ్ తదితరులు పాల్గొన్నారు.