హాలీవుడ్‌ నటుడు, ఆక్వామెన్‌ స్టార్‌ జాసన్‌ మొమోవా భార్య లీసా బోనెట్‌తో తెగతెంపులు చేసుకున్నాడు. భార్యాభర్తలిద్దరూ విడిపోతున్న విషయాన్ని సోషల్‌ మీడియాలో వేదికగా గురువారం వెల్లడించారు. 'కాలంతో పాటు వస్తున్న మార్పులను మనమంతా అనుభవిస్తున్నాం. ఈ క్రమంలో ఎన్నో ఇబ్బందులు కూడా ఎదురుచూశాం. అందుకు నా కుటుంబం అతీతమేమీ కాదు. మేమిద్దరం విడిపోతున్నాం. కానీ మా మధ్య ప్రేమ అలాగే కొనసాగుతుంది. అది వివిధ మార్గాల్లో అభివృద్ధి చెందుతుంది. పిల్లల బాధ్యతను ఇద్దరమూ చూసుకుంటాం' అని ఇన్‌స్టాగ్రామ్‌లో పోస్ట్‌ పెట్టారు. కాగా జాసన్‌, లీసా 2005 నుంచి డేటింగ్‌లో ఉన్నారు. వీరికి 2007లో లోలా, 2008లో నకోకా వోల్ఫ్‌ అని ఇద్దరు పిల్లలు జన్మించారు. ఆ తర్వాత 2017 అక్టోబర్‌లో జాసన్‌, లీసా పెళ్లి చేసుకుని భార్యాభర్తలుగా మారారు. పెళ్లైన నాలుగేళ్లకే ఇద్దరూ విడిపోతున్నట్లు ప్రకటించారు. ఇదిలా వుంటే జాసన్‌ మొమోవా.. ఆక్వామెన్‌, గేమ్‌ ఆఫ్‌ థ్రోన్స్‌, డ్యూన్‌ వంటి పలు హిట్‌ చిత్రాల్లో నటించాడు. ప్రస్తుతం అతడు జేమ్స్‌ వాన్‌ డైరెక్ట్‌ చేసిన 'ఆక్వామెన్‌ అండ్‌ ద లాస్ట్‌ కింగ్‌డమ్‌' సినిమాతో బిజీగా ఉన్నాడు. లీసా పలు టీవీ షోలలో కనిపించింది. View this post on Instagram A post shared by Jason Momoa (@prideofgypsies)

హాలీవుడ్‌ మూవీ ఆక్వామ్యాన్‌ ఎంత పెద్ద హిట్‌ అయ్యిందో అందరికీ తెలిసిందే. ఈ సినిమాలో  లీడ్‌ రోల్‌ చేసిన జాసన్ మోమోవాకి ఇండియాతో పాటు ప్రపంచవ్యాప్తంగా  ఫ్యాన్‌ ఫాలోయింగ్‌ పెరిగిపోయింది. ఈ యాక్షన్‌ హీరో ప్రస్తుతం చేస్తున్న మూవీ డ్యూన్‌. ఈ సినిమా ప్రమోషన్‌లో భాగంగా ఇందులో తన కో-స్టార్‌ జోష్‌ బ్రోలిన్‌పై క్రష్‌ ఉందని తెలిపాడు. డ్యూన్‌ సినిమాలో పనిచేయడంతో తన ఫేవరెట్‌ యాక్టర్స్‌తో నటించే అవకాశం కలిగిందని జాసన్ తెలిపాడు. అతను మాట్లాడుతూ.. ‘ఈ సినిమాలో పనిచేసిన చాలా మందిపై నాకు మ్యాన్‌ క్రష్‌ ఉంది. ముఖ్యంగా ‘అవెంజర్స్: ఎండ్‌గేమ్‌’లో విలన్‌గా చేసిన జోష్‌ బ్రోలిన్‌పై ఇంకా ఎప్పటినుంచో ఉండేది. అతను నాకు సోదరుడిలాంటి వాడు. చాలా విషయాల్లో మాకు పోలికలు ఉంటాయి. మేము ఈ బ్రోమాన్స్‌ని ఎంజాయ్‌ చేస్తున్నాం’ అని చెప్పాడు. కాగా అకాడమీ అవార్డు నామినేషన్‌ దక్కించుకున్న ఈ మూవీ అక్టోబర్‌ 22న ఇండియాలో విడుదల కానుంది. చదవండి: జేమ్స్‌ బాండ్ స్టార్ డేనియల్‌ క్రెగ్‌కి అరుదైన గౌరవం

న్యూయార్క్‌ : జాసన్‌ మొమోవా అంటే గుర్తురాకపోవచ్చు గానీ, ఆక్వామ్యాన్‌ అంటే మటుకు టక్కున గుర్తుపడతాం. ఆక్వామ్యాన్‌ సినిమా తర్వాత జాసన్‌కు ప్రపంచ వ్యాప్తంగా అభిమానులు ఏర్పడ్డారనటంలో ఎలాంటి సందేహం లేదు. సూపర్‌ హీరో అవతారమెత్తిన తర్వాత బాగానే సంపాదించారు కూడా. అయితే తను నటించిన ‘గేమ్‌ ఆఫ్‌ థ్రోన్స్’‌ టీవీ సిరీస్‌ అయిపోయిన తర్వాత తీవ్రమైన ఆర్థిక ఇబ్బందులు ఎదుర్కొన్నానని ఇటీవల ఓ ఇంటర్వ్యూలో ఆయన వెల్లడించారు. ( బిగ్‌బాస్‌: దీపావ‌ళికి హోస్ట్ ఎవ‌రంటే? ) ‘‘గేమ్‌ ఆఫ్‌ థ్రోన్స్‌ అయిపోయిన తర్వాత నాకు పని లేదు. దీంతో మేము(కుటుంబం) తినడానికి లేక చాలా ఇబ్బందులు ఎదుర్కొన్నాము. ఇద్దరు పిల్లలు, పీకల దాకా అప్పులు ఉన్నప్పుడు బ్రతుకు సాగించటం ఓ ఛాలెంజ్‌’’ అని చెప్పుకొచ్చారు. జాసన్‌ చాలా కాలం నుంచి కాలిఫోర్నియాలోని తన సొంత ఇంట్లో భార్య, నటి లీసా బోనెట్..‌ ఇద్దరు పిల్లలతో కలిసి ఉంటున్నారు. గ్రేమ్‌ ఆఫ్‌ థ్రోన్స్‌లో ఖాల్‌ డ్రోగో పాత్రను చేశారాయన. 11 ఎపిసోడ్ల ఈ టీవీ సిరీస్‌కు 2012లో శుభం కార్డు పడింది. ( ‘ఉప్పెన’ మరో సాంగ్‌.. మెస్మరైస్‌ చేసిన దేవిశ్రీ )

ముంబై : బాలీవుడ్‌ కింగ్‌ ఖాన్‌ షారుఖ్‌ ప్రస్తుతం సౌదీ అరేబియాలో ఎంజాయ్‌ చేస్తున్నారు. అక్కడ  సౌదీ అరేబియా చిత్ర పరిశ్రమ నిర్వహించిన ‘జాయ్‌ ఫోరయ్‌ 2019’ కార్యక్రమంలో షారుఖ్‌ పాల్గొన్నారు. సౌదీలోని రియాద్‌లో జరుగుతున్న ఈ వేడుకల్లో ఆదివారం హాలీవుడ్‌ స్టార్‌ జాసన్ మొమోవా, హాంకాంగ్‌ యాక్షన్‌ హీరో జాకీచాన్‌, బెల్జీయం నటుడుజీన్-క్లాడ్ వాన్ డామ్మేలను కలుసుకున్నారు. వారితో కలిసి దిగిన ఫోటోలను తాజాగా షారూఖ్‌ తన ఇన్‌స్టాగ్రామ్‌లో అభిమానులతో పంచుకున్నారు. ఈ ఫోటోలు ప్రస్తుతం వైరల్‌గా మారాయి.  View this post on Instagram Breaking the internet z pic of the day can you name all superstar in this picture? #ShahRukhKhan #TeamShahRukhKhan 😍 A post shared by Team Shah Rukh Khan (@teamshahrukhkhan) on Oct 13, 2019 at 7:40am PDT ‘ఆనందాలు అన్ని నావే.. నా హీరోలను కలిశాను’ , ‘ఈ ఫోటోలో ఉన్న సూపర్‌స్టార్‌ పేర్లు తెలుసా’.. అనే ట్యాగ్‌లతో షారూఖ్‌ షేర్‌ చేసిన ఈ ఫోటోలు తన అభిమానులను ఆకట్టుకుంటున్నాయి. వీటితో పాటు  అభిమానులు షేర్‌ చేసిన ఓ వీడియోలో షారుఖ్‌  తన హీరోలను కలిసే అవకాశాన్ని కల్పించినందుకు కార్యక్రమ నిర్వాహకులకు ధన్యవాదాల తెలిపారు. అలాగే తన ఆరేళ్ల కుమారుడైన అబ్రామ్‌.. జాస​న్‌ అభిమానని షారుఖ్‌ తెలిపారు.  ఏప్రిల్‌లో ఓ పత్రికకు ఇచ్చిన ఇంటర్వ్యూలో షారుఖ్‌ మాట్లాడుతూ.. జీరో వైఫల్యం  నన్ను కాస్తా నిరాశ పరిచింది. దీని నుంచి బయట పడటానికి నాకు కొంచెం సమయం కావాలి. ఈ మధ్యలో సినిమాలు చూడటానికి, పుస్తకాలు చదవడానికి, అలాగే నా కుటుంబంతో ఎక్కువ సమయం గడపాలని కోరుకుంటున్నాను. అని తెలిపారు.  View this post on Instagram Khan, Damme, Chan at the #JoyForum19. The joys all mine as I got to meet my heroes. @jcvd @jackiechan @joyforumksa A post shared by Shah Rukh Khan (@iamsrk) on Oct 13, 2019 at 8:17am PDT  సొంత నిర్మాణ సంస్థలో వచ్చిన ‘జీరో’ సినిమా అనంతరం బాలీవుడ్‌ బాద్‌షా షారూఖ్‌ ఖాన్‌ ఇంతవరకు ఏ సినిమాను ఓకే చేయలేదు.  అనుష్కశర్మ, కత్రినాకైఫ్‌ హిరోయిన్లుగా నటించిన ఈ సినిమా బాక్సాఫిస్‌ వద్ద చతికిలపడిన విషయం తెలిసిందే. దాదాపు 200 కోట్లతో నిర్మించిన ఈ సినిమాకు రూ.100 కోట్ల కనెక్షన్లు కూడా రాలేదు. అయితే సినిమాల విషయం పక్కకు పెడితే షారుఖ్‌ బిజీ బిజీగానే గడుపుతున్నారు.  

హాలీవుడ్‌లో లైంగిక వేధింపుల వ్యవహారం దుమారం రేపుతోంది. ఇప్పటికే ప్రముఖ నటుడు బెన్‌ అఫ్లెక్‌.. ఓ మహిళా యాంకర్‌తో గతంలో అసభ్యంగా ప్రవర్తించిన వీడియో వెలుగులోకి రావడం కలకలం రేపుతోంది. ఆ యాంకర్‌తో అసభ్యంగా, అశ్లీలంగా ప్రవర్తించినందుకు అఫ్లెక్‌ బహిరంగంగా క్షమాపణలు చెప్పాడు. తాజాగా అతని సహా నటుడు జాసన్‌ మొమోవా రేప్‌ గురించి భయంకరమైన జోకులు వేసిన వీడియో వెలుగులోకి వచ్చింది. అఫ్లెక్‌, మొమోవా 'జస్టిస్‌ లీగ్‌' సినిమాలో కలిసి నటించారు. 2011లో 'గేమ్స్‌ ఆఫ్‌ థ్రోన్స్‌' యూనిట్‌ ఓ కామెడీ షోలో పాల్గొన్నది. ఈ సందర్భంగా అభిమానులు అడిగిన ప్రశ్నలకు యూనిట్‌ సమాధానం ఇచ్చింది. ప్రపంచవ్యాప్తంగా విశేష ప్రజాదరణ పొందిన ఈ సిరీస్‌లో నటించడం ఎందుకు ఇష్టమని ఓ ప్రేక్షకుడు ప్రశ్నించగా.. మొమోవా దారుణమైన జోక్‌ వేశాడు. 'అందమైన మహిళలను రేప్‌ చేసేందుకే..' అంటూ ఎమిలీయా క్లార్క్‌ వైపు చూస్తూ వెకిలిగా చెప్పాడు. ఈ జోక్‌కు మిగతా వారు నవ్వినా.. యూనిట్‌లో భాగంగా ఉన్న నటీమణులు క్లార్క్‌, డీబీ వీసీ తదితరులు సిగ్గుతో ముఖం దాచుకున్నారు. 'గేమ్స్‌ ఆఫ్‌ థ్రోన్స్‌'లో గిరిజన తెగ నాయకుడిగా నటించిన మొమోవా.. యువ వధువు (క్లార్క్‌)ను బలవంతంగా పెళ్లి చేసుకుంటాడు. ఆమెపై మొదట బలత్కారం జరిపినా.. తర్వాత వీరిద్దరి మధ్య అనుబంధం ఏర్పడుతుంది. తాజాగా 'రేప్‌ జోక్‌' వీడియో వెలుగులోకి రావడంతో మొమోవాపై సర్వత్రా విమర్శలు వ్యక్తమవుతున్నాయి. దీంతో స్పందించిన మొమోవా క్షమాపణలు చెప్పారు. అత్యంత మొరటుగా తాను ఆ జోక్‌ వేశానంటూ సారీ చెప్పారు.