అమెరికా నుంచి రష్యాకు నిషేధిత విమానయాన పరికరాలను అక్రమంగా ఎగుమతి చేయడానికి కుట్ర పన్నినందుకు సంజయ్ కౌశిక్ అనే 58 ఏళ్ల భారత జాతీయుడికి రెండున్నరేళ్ల జైలు శిక్ష పడింది. ఈ వారం ప్రారంభంలో ఈ తీర్పు వెలువడగా, సంజయ్ కౌశిక్ చర్యలు “ఉద్దేశపూర్వకం, దురాశతో కూడివని ఒరెగాన్ యు.ఎస్. అటార్నీ స్కాట్ బ్రాడ్‌ఫోర్డ్ పేర్కొన్నారు.ఢిల్లీకి చెందిన కౌశిక్ 2023 సెప్టెంబర్‌లో ఇతరులతో కలిసి రష్యన్ సంస్థల కోసం అమెరికా నుండి ఏరోస్పేస్ వస్తువులు, సాంకేతికతను చట్టవిరుద్ధంగా పొందడానికి కుట్ర పన్నాడు. కౌశిక్, అతని సహచరులు ఒరెగాన్‌లోని సరఫరాదారు నుండి విమానాల కోసం నావిగేషన్, ఫ్లైట్ కంట్రోల్ డేటా అందించే పరికరం ‘యాటిట్యూడ్ అండ్ హెడింగ్ రిఫరెన్స్ సిస్టమ్’(AHRS)కొనుగోలు చేశారు.వాణిజ్య శాఖ అనుమతి లేకుండా ఇటువంటి పరికరాలను రష్యా వంటి కొన్ని దేశాలకు ఎగుమతి చేయడం చట్టవిరుద్ధం. లైసెన్స్ పొందేందుకు, కౌశిక్ తన భారతీయ కంపెనీ తుది కొనుగోలుదారు అని, పరికరాన్ని పౌర హెలికాప్టర్లలో ఉపయోగిస్తారని తప్పుడు వాదనలు చేశారు.కౌశిక్, అతని సహచరులు ఏహెచ్‌ఆర్‌ఎస్‌ పరికరాన్ని కొనుగోలు చేసిన తర్వాత, దాన్ని ఎగుమతి చేయకముందే అధికారులు పట్టుకున్నారు. 2024 అక్టోబర్‌లో మయామిలో కౌశిక్ అరెస్ట్ అయ్యారు. అప్పటి నుండి కస్టడీలో ఉన్నారు.


 దుబాయిలో ఉద్యోగం కోసం వెళ్లి... ఏడేళ్ల బాలికపై అసభ్యంగా ప్రవర్తించాడు ఓ భారతీయుడు. దాంతో సదరు భారతీయుడు దుబాయి కోర్టు మూడు నెలల జైలు శిక్ష విధించింది... శిక్ష ముగిసిన వెంటనే దేశం విడిచి వెళ్లాలని ఆదేశించింది. ఈ మేరకు స్థానిక మీడియా ఆదివారం వెల్లడించింది. ఉద్యోగం కోసం దుబాయి వెళ్లిన భారతీయుడు  అక్కడ హోటల్లో క్లీనర్గా పని చేస్తున్నాడు. ఆ క్రమంలో గతేడాది డిసెంబర్ ఓ తల్లి తన ఏడేళ్ల కుమార్తెతో కలసి హోటల్కు వచ్చింది.
  
 అక్కడ అల్పాహారం తీసుకున్న అనంతరం కౌంటర్లో నగదు చెల్లించేందుకు వెళ్లింది. అక్కడ చిల్లర లేకపోవడం కుమార్తెను హోటల్లో ఉంచి తల్లి చిల్లర తెచ్చేందుకు బయటకు వెళ్లింది. చిల్లర తీసుకువచ్చిన తల్లికి కుమార్తె దుఃఖిస్తుండటంతో ఏమైందని ఆరా తీసింది. జరిగిన విషయాన్ని కుమార్తె తల్లికి వివరించింది. దాంతో బాలిక తల్లి హోటల్ క్లీనర్పై పోలీసులుకు ఫిర్యాదు చేసింది.  భారతీయుడిపై పోలీసులు కేసు నమోదు చేసి దర్యాప్తు ప్రారంభించారు. అందులోభాగంగా భారతీయుడిపై నమోదైన అభియోగాలు నిజమని తెలడంతో దుబాయ్ కోర్టు భారతీయుడికి శిక్ష విధించింది.