న్యూఢిల్లీ: పండుగ సీజన్‌ 42 రోజుల్లో 52,38,401 వాహనాలు అమ్ముడైనట్లు డీలర్ల సమాఖ్య ఫాడా వెల్లడించింది. గతేడాది ఇదే సీజన్‌లో 43,25,632 యూనిట్ల విక్రయాలతో పోలిస్తే ఇవి 21% అధికమని పేర్కొంది. ప్యాసింజర్‌ వాహనాలు, టూ వీలర్స్‌ రికార్డు స్థాయి రిజిస్ట్రేషన్లు, జీఎస్టీ క్రమబద్దీకరణతో వివిధ విభాగాల్లో వాహన ధరలు దిగిరావడంతో ఈ వృద్ధి సాధ్యమైందని ఫాడా వివరించింది. నవరాత్రి తొలిరోజు మొదలై ధనత్రయోదశి తర్వాత 15 రోజుల వరకు కొనసాగిన 42 రోజుల ఈ పండుగ సీజన్‌ భారత ఆటో రిటైల్‌ రంగంలో చిరస్మరణీయంగా నిలిచిపోయింది. అన్ని విభాగాల్లో అత్యధిక విక్రయాలు, అత్యుత్తమ వృద్ధి నమోదైందని ఫాడా అధికారులు తెలిపారు. → ప్రయాణికుల వాహన విక్రయాలు 6,21,539 యూనిట్ల నుంచి 23% పెరిగి 7,66,918 యూనిట్లకు చేరాయి. ‘‘సామాన్యులకు వాహన ధరలు అందుబాటులో ఉండేలా చేయడం, మధ్య తరగతి వినియోగ సామర్థ్య పెంపు లక్ష్యంగా అమల్లోకి వచి్చన జీఎస్‌టీ 2.0 విజన్‌ డీలర్‌షిప్‌ స్థాయి వద్ద విజయవంతమైంది. పన్ను రేట్లు తగ్గడంతో కాంపాక్ట్, చిన్న కార్ల విక్రయాలు గణనీయంగా పెరిగాయి. కొన్ని మోడళ్ల డిమాండ్‌ సరఫరాను మించింది’’ అని ఫాడా చైర్మన్‌ సీఎస్‌ విఘ్నేశ్వర్‌ తెలిపారు. → ద్వి చక్ర వాహన విక్రయాల్లో 22% వృద్ధి నమోదైంది. గతేడాది 33,27,198 యూనిట్లు అమ్ముడుకాగా., ఈసారి 40,52,503 యూనిట్లకు చేరుకున్నాయి. గ్రామీణ ప్రాంతాల్లో గిరాకీ పుంజుకోవడం, మెరుగైన ద్రవ్యలభ్యత, జీఎస్‌టీ సంస్కరణలతో ధరలు దిగిరావడంతో ఈ విభాగంలో అమ్మకాలు పెరిగినట్లు విఘ్నేశ్వర్‌ తెలిపారు. మోటార్‌సైకిళ్లు, స్కూటర్లతో పాటు ఈవీలకూ డిమాండ్‌ గణనీయంగా పెరిగిందన్నారు. → వాణిజ్య విక్రయాలు వరుసగా 15% పెరిగి 1,39,586 యూనిట్లకు చేరుకున్నాయి. త్రీ వీలర్ల రిజిస్ట్రేషన్లు 1,59,959 యూనిట్ల నుంచి 9% పెరిగి 1,74,189 యూనిట్లకు చేరాయి. ట్రాక్టర్ల అమ్మకాలు 85,199 యూనిట్ల నుంచి 97,314 యూనిట్లకు పెరిగాయి. అయితే కన్‌స్ట్రక్షన్‌ ఎక్విప్‌మెంట్స్‌ 10,387 యూనిట్ల నుంచి 7,891 యూనిట్లకు తగ్గాయి. ఈ ఒక్క విభాగపు అమ్మకాల్లోనే క్షీణత నమోదైంది. → ఇక ఒక్క అక్టోబర్‌లోనే 40,23,923 వాహనాలు అమ్ముడయ్యాయి. గతేడాది ఇదే నెలలో అమ్ముడైన 28,63,354 యూనిట్లతో పోలిస్తే ఇవి 41% అధికం. తద్వారా దేశీయ ఆటో చరిత్రలో అత్యధిక రిటైల్‌ వాహనాలు అమ్ముడైన నెలగా అక్టోబర్‌ నిలిచిపోయింది. ‘‘జీఎస్‌టీ 2.0 ప్రభావం కొనసాగింపు, స్థిరమైన గ్రామీణ ఆదాయం, పెళ్లిళ్లు, పంట సీజన్ల డిమాండ్‌ కారణంగా మరో 3 నెలల పాటు వాహన విక్రయాల్లో వృద్ధి నమోదు కావచ్చు. పండుగ స్పిల్‌ఓవర్‌ బుకింగ్స్, డీలర్ల వద్ద తగినంత నిల్వలు, ఆటో కంపెనీల కొత్త మోడళ్ల ఆవిష్కరణలు రిటైల్‌ విక్రయాల్లో కొనసాగుతున్న మూమెంటమ్‌ను కొనసాగిస్తాయి. ఇయర్‌ఎండ్‌ ఆఫర్లు, కొత్త ఏడాది రిజిస్ట్రేషన్లు కూడా మద్దతుగా నిలుస్తాయి’’ ఫాడా అంచనా వేసింది.

ప్రతి రంగంలోనూ కంపెనీలు పాటించాల్సిన రూల్స్‌, చట్టాలు బోలెడు ఉంటాయి. సంస్థలు ఏ నిర్ణయం తీసుకోవాలన్నా, కార్యక్రమాలు జరపాలన్నా వీటిని తప్పక పాటించాలి. అయితే ప్రస్తుత దేశీ ఆటోమొబైల్‌ కంపెనీల్లో ఈ పరిస్థితులు కాస్త భిన్నంగా ఉన్నాయి. ఆయా కంపెనీల మేనేజ్‌మెంట్‌లోని కీలక హోదాల్లో ఉన్న వారికి (కేఎంపీ)వీటిపై అవగాహన అంతంత మాత్రంగానే ఉంటోంది. ఈ అంశం టీమ్‌లీజ్‌ రెగ్‌టెక్‌ నిర్వహించిన సర్వేలో వెల్లడైంది. ఆటోమొబైల్‌ పరిశ్రమ పాటించాల్సిన నిబంధనలను సరళతరం చేయాల్సిన ఆవశ్యకతపై రెగ్‌టెక్‌ దీన్ని రూపొందించింది. దీని ప్రకారం చిన్నపాటి వాహనాల తయారీ సంస్థ ఒక రాష్ట్రంలో కార్యకలాపాలు నిర్వహించాలంటే వన్‌టైమ్, ఏటా పాటించాల్సిన నిబంధనలు కనీసం 900 పైచిలుకు ఉంటున్నాయి. వన్‌టైమ్‌ అంశాలైన రిజిస్ట్రేషన్లు, అనుమతుల్లాంటివి పక్కన పెడితే కేంద్రం, రాష్ట్రాల ఉమ్మడి జాబితా కింద పాటించాల్సిన నిబంధనలు కూడా ఉంటున్నాయి. ఈ నేపథ్యంలో వందల కొద్దీ చట్టాలు, నిబంధనలను తెలుసుకుని, పాటించడంపై కేఎంపీల్లో అవగాహన అంతంతమాత్రంగానే ఉంటోంది. అనేకానేక నిబంధనలు, తేదీలు, డాక్యుమెంటేషన్‌ మొదలైనవన్నీ పాటించడం కష్టతరమవుతోంది. ఫలితంగా అనూహ్యంగా షోకాజ్‌ నోటీసులు అందుకోవడం, పెనాల్టీలు కట్టడం, లైసెన్సులు రద్దు కావడం వంటి పరిణామాలను ఎదుర్కొనాల్సి వస్తోంది.ఈ ఏడాది ఏప్రిల్‌–మే మధ్య కాలంలో 34 ఆటోమొబైల్‌ కంపెనీలపై రెగ్‌టెక్‌ సర్వే నిర్వహించింది. దీని ప్రకారం గడిచిన ఏడాది కాలంలో తాము పాటించడంలో విఫలమైన కీలక నిబంధన కనీసం ఒక్కటైనా ఉంటుందని 95 శాతం మంది కేఎంపీలు తెలిపారు. అలాగే జరిమానాలు కట్టాల్సి వచ్చిందని 92 శాతం మంది వెల్లడించారు. నియంత్రణపరమైన నిబంధనల అప్‌డేట్‌లను ఎప్పటికప్పుడు చూసుకుంటూ ఉండటం సవాలుగా ఉంటోందని 52 శాతం మంది తెలిపారు. చదవండి: ట్విటర్‌లో మస్క్‌ సలహా దారుడిగా భారతీయుడు, ఎవరీ శ్రీరామ్ కృష్ణన్?

న్యూఢిల్లీ: దేశీ వాహన రంగం ప్రతికూల వాతావరణంలో ప్రయాణిస్తోంది. వరుసగా పదో నెలలోనూ కార్ల విక్రయాలు క్షీణతను నమోదుచేశాయి. ఈ విభాగంలోనే మార్కెట్‌ లీడరైన మారుతీ సుజుకీ ఇండియా (ఎంఎస్‌ఐ) జూన్‌ దేశీ అమ్మకాలు ఏకంగా 15.3% తగ్గిపోయాయి. కంపెనీ మినీ సెగ్మెంట్‌ 36.2% క్షీణించింది. వినియోగదారుల సెంటిమెంట్‌ బలహీనపడిన నేపథ్యంలో దేశీ ఆటో పరిశ్రమ అమ్మకాల్లో తగ్గుదల నమోదవుతూనే ఉందని టయోటా కిర్లోస్కర్‌ మోటార్‌ డిప్యూటీ మేనేజింగ్‌ డైరెక్టర్‌ ఎన్‌ రాజా అన్నారు. ఆర్థిక వ్యవస్థ నెమ్మదించడం, రుతుపవనాలపై అనిశ్చితి, అధిక వడ్డీ, ద్రవ్య లభ్యత సమస్య, బీఎస్‌–సిక్స్‌ అమలు వంటి ప్రతికూల అంశాలు సెంటిమెంట్‌ను బలహీనపర్చాయన్నారు. మొత్తం ఆటో ఇండస్ట్రీ కంటే పీవీ అమ్మకాల పరంగా సెంటిమెంట్‌ మరింత బలహీనంగా ఉందని ఎం అండ్‌ ఎం ప్రెసిడెంట్‌ (ఆటోమోటివ్‌ సెక్టార్‌) రాజన్‌ వాధేరా అన్నారు. పరిశ్రమ ఇప్పటికీ ఒత్తిడిలోనే కొనసాగుతుండగా.. మార్కెట్‌ మాత్రం త్వరలోనే కోలుకోవచ్చని చెప్పారు.


 న్యూఢిల్లీ: హ్యుందాయ్ కంపెనీ కొత్త కాంపాక్ట్ కారు, గ్రాండ్ ఐ10ను మంగళవారం మార్కెట్లోకి విడుదల చేసింది. మందగమనంలో ఉన్న అమ్మకాలకు ఊపునివ్వడానికి ఈ కొత్త కారును తెస్తున్నామని, ధరను రూ.4.29 లక్షల నుంచి రూ.6.41 లక్షలు(ఎక్స్ షోరూమ్, ఢిల్లీ)గా నిర్ణయించామని కంపెనీ తెలిపింది.  గ్రాండ్ ఐ10 కారు డీజిల్, పెట్రోల్ రెండు వేరియంట్లలలో లభిస్తుంది. 1.2 లీటర్ పెట్రోల్ వేరియంట్ ధర రూ.4.29 లక్షల నుంచి రూ.5.47 లక్షల రేంజ్‌లోనూ, 1.1 లీటర్ డీజిల్ వేరియంట్ ధర రూ. 5.23 లక్షల నుంచి రూ.6.41 లక్షల రేంజ్‌లోనూ (రెండు ధరలూ ఎక్స్ షోరూమ్, ఢిల్లీ) ఉన్నాయి. 1.1 లీటర్ డీజిల్ సెగ్మెంట్లో చౌక ధరలో లభ్యమవుతున్న కారు ఇదే.  ఈ కారు 18.9 కి.మీ. 
  
  (పెట్రోల్), 24 కి.మీ.(డీజిల్) మైలేజీనిస్తుందని అంచనా. ఈ కారు మారుతీ స్విఫ్ట్, ఫోర్డ్ ఫిగో, షెవర్లే బీట్,  హోండా బ్రియో కార్లకు గట్టి పోటీనిస్తుందని పరిశ్రమ వర్గాలంటున్నాయి. 8 రంగులు, 4 వేరియంట్లు(ఎరా, మాగ్నా, స్పోర్ట్‌జ్, ఆస్టా(టాప్ ఎండ్ వేరియంట్))లలో లభ్యమయ్యే ఈ కారు మారుతీ స్విఫ్ట్ కారు ధర కన్నా రూ.20,000-రూ.57,000 తక్కువ.  ఈయాన్, శాంత్రో, ఐ10, ఐ20 తర్వాత హ్యుందాయ్ అందిస్తోన్న ఐదవ హ్యాచ్‌బాక్ ఇది. 
  
  కారు ప్రత్యేకతలు: మల్టీఫంక్షన్ స్టీరింగ్ వీల్ విద్ బ్లూటూత్, స్టార్ట్/స్టాప్ పుష్ బటన్ ఉన్న స్మార్ట్ కీ, 256 లీటర్ల బూట్ స్పేస్, 2 డిన్ ఎంపీ3 ఆడియో సిస్టమ్(1 జీబీ ఇన్‌బిల్ట్ మెమెరీ), 14 అంగుళాల డైమండ్ కట్ అలాయ్ వీల్స్, రియర్ పార్కింగ్ సెన్సర్లు, టిల్ట్ స్టీరింగ్, లెదర్ స్టీరింగ్ వీల్, ఆడియో, ట్రిప్ మీటర్ కంట్రోల్స్, ఎలక్ట్రికల్లీ అడ్జెస్టబుల్ రియర్ వ్యూ మిర్రర్, మిర్రర్స్‌పై టర్న్ ఇండికేటర్లు, కూల్డ్ గ్లోవ్ బాక్స్, రియర్ స్పాయిలర్, క్రోమ్ డోర్ హ్యాండిల్స్, రియర్ డీ ఫాగర్, రియర్ వాషర్, వైపర్, ఎత్తు అడ్జెస్ట్ చేసుకునే డ్రైవర్ సీట్, డ్యూయల్ ఎయిర్‌బ్యాగ్స్, ఏబీఎస్, రియర్ ఏసీ వెంట్స్, గేర్ షిఫ్ట్ ఇండికేటర్,  5 స్పీడ్ మాన్యువల్ ట్రాన్సిమిషన్  వంటి ప్రత్యేకతలున్నాయి.