న్యూఢిల్లీ: క్యాపిటల్‌ మార్కెట్ల నియంత్రణ సంస్థ సెబీ తాజాగా ఇండియన్‌ కమోడిటీ ఎక్సే్ంజీ(ఐసీఈఎక్స్‌) లిమిటెడ్‌ గుర్తింపును రద్దు చేసింది. ఎక్సేంజీకి తగిన ఆర్థిక దన్ను లోపించడంతోపాటు.. అవసరమైనమేర సామర్థ్యం కలిగిన సిబ్బంది లేకపోవడంతో గుర్తింపు రద్దుకు ఆదేశాలు జారీ చేస్తున్నట్లు పేర్కొంది. దీంతో ఐసీఈఎక్స్‌ గుర్తింపు కలిగిన ఎక్సేంజీ హోదాను నిలిపివేసినట్లు వెల్లడించింది. కేంద్ర ప్రభుత్వం జారీ చేసిన నోటిఫికేషన్‌ ద్వారా 2009 అక్టోబర్‌లో శాశ్వత ప్రాతిపదికన ఫార్వార్డ్‌ కాంట్రాక్టులకింద ఐసీఈఎక్స్‌ గుర్తింపు కలిగిన ఎక్సేంజీ ఆవిర్భవించింది. అయితే ఇటీవల నెట్‌వర్త్, మౌలిక సదుపాయాలు తదితర పలు అంశాలలో ఐసీఈఎక్స్‌ నిబంధనలను అందుకోకపోవడంతో పరిశీలనల అనంతరం సెబీ గుర్తింపును రద్దు చేసింది. 2021 నవంబర్‌లో రూ. 93.43 కోట్లకు చేరిన ఐసీఈఎక్స్‌ నెట్‌వర్త్‌ 2022 జనవరికల్లా రూ. 86.45 కోట్లకు తగ్గినట్లు సెబీ పేర్కొంది. నిబంధనల ప్రకారం గుర్తింపు కలిగిన ఎక్సేంజీ అన్ని కాలాల్లోనూ కనీసం రూ. 100 కోట్ల నెట్‌వర్త్‌ను కలిగి ఉండాలి.ఎక్సేంజీలో కాంట్రాక్టులు సైతం చెప్పుకోదగిన పరిమాణంలో నమోదుకావడంలేదని సెబీ తెలియజేసింది.  చదవండి: మిస్టర్‌ ఆనంద్‌ సుబ్రమణియన్‌ రూ.2.05 కోట్లు కట్టండి.. లేదంటే?


 న్యూఢిల్లీ: దేశంలో తొలి కమోడిటీ ఎక్సే్ఛంజ్‌ల విలీనానికి శ్రీకారం చుడుతూ నేషనల్‌ మల్టీ కమోడిటీ ఎక్ఛేంజ్‌ (ఎన్‌ఎంసీఈ), ఇండియన్‌ కమోడిటీ ఎక్సే్ఛంజ్‌ (ఐసీఈఎక్స్‌)తో విలీనం కానుంది. విలీనం పూర్తయితే...ఇది దేశంలో మూడో పెద్ద కమోడిటీ ఎక్సే్ఛంజ్‌గా అవతరిస్తుంది.  ఇది డైమండ్‌ ఫ్యూచర్స్‌ కాంట్రాక్టులతో పాటు బులియన్, ఆయిల్, రబ్బరు, ఇతర వ్యవసాయోత్పత్తుల కాంట్రాక్టులను ట్రేడింగ్‌కు ఆఫర్‌ చేస్తుంది. స్టాక్‌ స్వాప్‌ ద్వారా ఈ విలీనం జరగనుంది.
 
 ప్రతిపాదన ప్రకారం విలీన ఎక్సే్ఛంజ్‌లో ఐసీఈఎక్స్‌ షేర్‌హోల్డర్లకు 62.8 శాతం, ఎన్‌ఎంసీఈ షేర్‌హోల్డర్లకు  37.2 శాతం వాటా వుంటుంది. ఐసీఈఎక్స్‌లో అనిల్‌ అంబానీ గ్రూప్‌ కంపెనీ రిలయన్స్‌ క్యాపిటల్‌ అతిపెద్ద ఇన్వెస్టరుకాగా, విలీనం తర్వాత కూడా ఈ కంపెనీ భారీవాటా కలిగిన ఇన్వెస్టరుగా కొనసాగనుంది. ఇరు ఎక్సే్ఛంజ్‌ల బోర్డులూ విలీనానికి ఆమోదముద్ర వేశాయి. నియంత్రణాపర అనుమతులకు లోబడి 2017 డిసెంబర్‌కల్లా విలీన ప్రక్రియ పూర్తవుతుందని అంచనా.