వరంగల్ : వరంగల్ జిల్లాలో ఓ విద్యార్థి చేతిలో డిటోనేటర్ పేలిన ఘటన శుక్రవారం స్థానికంగా కలకలం సృష్టించింది. వివరాల్లోకి వెళితే రఘునాథపురం మండలం ఇబ్రహీంపురంలో ఆరో తరగతి విద్యార్థికి రోడ్డుమీద డిటోనేటర్ దొరికింది. దాంతో అతడు స్కూల్లో ఆడుకుంటుండగా హఠాత్తుగా పేలింది. ఈ సంఘటనలో విద్యార్థి  తీవ్రంగా గాయపడ్డాడు. చికిత్స నిమిత్తం అతడిని హైదరాబాద్ తరలించారు. కాగా డిటోనేటర్ ఎక్కడది అనే దానిపై పోలీసులు విచారిస్తున్నారు.