భారతదేశంలోని ప్రజలు ఒక ఏడాదిలో వివిధ రుతువులలోని వాతావరణాలను చవిచూస్తారు. చలి, వేడి, వర్షం మొదలైనవి మానసిక స్థితిపై ప్రభావం చూపిస్తాయి. అటువంటప్పుడు భారతీయులు ఏ సీజన్‌లో అత్యధిక సంతోషంతో ఉంటారనే ప్రశ్న అందరిలో మెదులుతుంది. ఈ ప్రశ్నకు సమాధానం ఇప్పుడు తెలుసుకుందాం.వాతావరణం మన మానసిక స్థితిపై ప్రభావం చూపుతుంది. సూర్యకాంతి, వర్షం, వేడి, చలి, ఇవన్నీ మన మానసిక స్థితిని ప్రభావితం చేస్తాయి. చలికాలంలో సూర్యరశ్మి తక్కువగా ఉండటం వల్ల చాలా మంది ఇబ్బంది పడతారు. అలాగే వేసవిలో అధిక వేడి అందరికీ చికాకు కలిగిస్తుంది.వాతావరణం మానసిక ఆరోగ్యంపై తీవ్ర ప్రభావం చూపిస్తుంది. సూర్యరశ్మి, ఉష్ణోగ్రత మొదలైనవి మన మానసిక స్థితి, శక్తి స్థాయిలు, నిద్రను ప్రభావితం చేస్తాయి. శీతాకాలంలో పగలు తక్కువగా ఉంటుంది. సూర్యరశ్మి కూడా తక్కువగానే ఉంటుంది. ఇది సీజనల్ ఎఫెక్టివ్ డిజార్డర్ (సాడ్‌) తరహా సమస్యలను కలిగిస్తుంది. మరోవైపు శీతాకాలం పండుగ సీజన్ కూడా కావడంతో జనం కొంతమేరకు సంతోషంతో ఉంటారు.వేసవి కాలంలో అత్యధిక సూర్యకాంతి కారణంగా జనం త్వరగా అలసిపోతారు. చికాకుగా అనిపిస్తుంటుంది. అయితే వేసవి సెలవులు రావడం, దీనికితోడు ప్రయాణాల సీజన్ కావడంతో జనం సంతోషంతో ఉంటారు. వర్షాకాలంలో ఏర్పడే పచ్చని ప్రకృతి మన మనసును ప్రశాంతపరుస్తుంది. భారతదేశంలో వాతావరణం- సంతోషం మధ్య సంబంధాన్ని తేల్చిచెప్పడం చాలా క్లిష్టమైనదని నిపుణులు అంటుంటారు. ప్రజల ఆనందం అనేక కారణాలపై ఆధారపడి ఉంటుంది.మరోవైపు దేశంలోని వివిధ ప్రాంతాలలోని వాతావరణం భిన్నంగా ఉంటుంది. ఉత్తర భారతదేశంలో శీతాకాలం చాలా చల్లగా ఉంటుంది. అయితే దక్షిణ భారతదేశంలో వేసవిలో ఎండలు మండిపోతుంటాయి. కాగా భారతీయ సంస్కృతిలో వాతావరణానికి చాలా ప్రాముఖ్యత ఉంది. పలు పండుగలు, ఆచారాలు సీజన్‌తో ముడిపడి ఉన్నాయి. ఉదాహరణకు హోలీ పండుగ వసంతకాలంలో జరుపుకుంటారు. దీపావళిని శరదృతువులో జరుపుకుంటారు. వాతావరణం విషయంలో ఒక్కొక్కరికి ఒక్కో అభిప్రాయం ఉంటుంది. కొందరికి శీతాకాలం, మరికొందరికి వేసవి కాలం అంటే ఇష్టం ఉంటుంది. ఇది కూడా చదవండి: మనవరాలి పెళ్లి సంగీత్లో.. మల్లారెడ్డి ఊర మాస్ డ్యాన్స్‌


 ముంబయి: గతంలో తాను సంతోషంగా ఉన్న రోజులు తిరిగి పొందాలని కోరుకుంటున్నానని బాలీవుడ్‌ ప్రముఖ నటుడు హృతిక్‌ రోషన్‌ అన్నాడు. తాను ప్రస్తుతం క్రియేటివ్‌ చిత్రాలపైనే దృష్టి సారిస్తున్నట్లు చెప్పాడు. ఆయన నటించిన కాబిల్‌ చిత్రానికి ఇటీవల మంచి సానుకూల స్పందన రావడంపై సంతోషంతో ఉన్న ఆయన..
 
 ‘ఒక నటుడిగా చిత్ర నిర్మాణాల విషయంలో తప్పనిసరిగా సృజనాత్మకంగా ఆలోచించాలి. గతంలో నేను క్రియేటివ్‌ జానర్‌లో చిత్రాలు చేసేవాడిని అప్పుడు చాలా సంతోషంగా ఉండేవాడిని. ఇప్పుడు నేను అలాంటి రోజులను తిరిగి పొందేందుకు ఎదురుచూస్తున్నాను. కాబిల్‌ చిత్రం విషయంలో ఎంతో నమ్మకంగా ఉన్నాను. అది మంచి చిత్రం అవుతుందని మంచి స్పందన వస్తుందని ముందే భావించాను. అయితే, నేను ఎంతైతే కోరుకున్నానో అంతకుమించి నా చిత్రాన్ని ఆదరిస్తున్నారు.. ప్రేమిస్తున్నారు. ఇంత భారీ స్థాయిలో నేను ఊహించలేదు. మా టీం మొత్తానికి ఇదొక పెద్ద విజయం’ అంటూ ఆయన మూడో బ్రైట్‌ అవార్డుల కార్యక్రమం 2017 సందర్భంగా చెప్పారు.