దిగ్గజ ఫార్ములావన్‌ రేసర్‌ మైకెల్‌ షుమాకర్‌ కుమారుడు మిక్‌ షుమాకర్‌ తృటిలో పెద్ద ప్రమాదం నుంచి తప్పించుకున్నాడు. సౌదీ అరేబియన్‌ గ్రాండ్‌ ప్రిక్స్‌ క్వాలిఫయింగ్‌ టోర్నీలో భాగంగా శనివారం రాత్రి జెడ్డా స్ట్రీట్‌ సర్య్కూట్‌లో రేసు జరిగింది. ఈ రేసులో హాస్‌ తరపున మిక్‌ షుమాకర్‌ పాల్గొన్నాడు. టర్న్‌ 12లో ఒక్కసారిగా కార్‌ కంట్రోల్‌ కాకపోవడంతో ల్యాప్‌పై నుంచి కారు రాసుకుంటూ వెళ్లింది. ఆ సమయంలో కారు వేగం దాదాపు 240 కిమీ వేగంతో ఉంది. దీంతో ల్యాప్స్‌ పక్కన ఉన్న సైడ్‌బార్‌కు కార్‌ క్రాష్‌ కావడం.. ముక్కలు కావడం క్షణాల్లో జరిగిపోయింది. అంత​పెద్ద ప్రమాదం జరిగినప్పటికి మిక్‌ షుమాకర్‌ అదృష్టం కొద్ది  చిన్న గాయాలతో బయటపడినట్లు తెలుస్తోంది. కాగా టోర్నీ నిర్వాహకులు వెంటనే మిక్‌ షుమాకర్‌ను ట్రాక్‌సైడ్‌ మెడికల్‌సెంటర్‌కు తీసుకెళ్లి ప్రథమ చికిత్స నిర్వహించారు. ఆ తర్వాత జెడ్డాలోని కింగ్‌ ఫర్హాద్‌ అహ్మద్‌ ఫోర్సెస్‌ ఆసుపత్రికి తరలించారు. కాగా ఆదివారం రాత్రి జరగనున్న సౌదీ అరేబియా గ్రాండ్‌ ప్రిక్స్‌ రేసుకు మిక్‌ షుమాకర్‌ దూరమయ్యాడు. షుమాకర్‌ యాక్సిడెంట్‌కు సంబంధించిన దృశ్యాలు సోషల్‌ మీడియాలో వైరల్‌గా మారాయి.   చదవండి: WTA Rankings: నంబర్‌వన్‌గా స్వియాటెక్‌  Mick Schumacher will miss the Saudi Arabian GP after a huge accident in qualifying. That Mick is physically well after the crash is another reminder of the strength and safety of modern F1 cars for which we are incredibly thankful#SaudiArabianGP #F1 pic.twitter.com/qhLcw0elb7 — Formula 1 (@F1) March 26, 2022


 షార్జా: ‘ఫిడే’ మహిళల గ్రాండ్‌ప్రి చెస్ టోర్నమెంట్‌లో ఆంధ్రప్రదేశ్ గ్రాండ్‌మాస్టర్ ద్రోణవల్లి హారిక మూడో స్థానాన్ని సంపాదించింది. శనివారం ముగిసిన ఈ 11 రౌండ్ల టోర్నమెంట్‌లో హారిక మొత్తం ఆరున్నర పాయింట్లు సాధించింది. చివరి రౌండ్‌లో హారిక 83 ఎత్తుల్లో బచిమెగ్ తువ్‌షిన్‌తగ్స్ (మంగోలియా)పై గెలిచింది. హారికతోపాటు బచిమెగ్, అనా ఉషెనినా (ఉక్రెయిన్), జుయ్ జావో (చైనా) ఆరున్నర పాయింట్లతో సంయుక్తంగా మూడో స్థానంలో నిలిచారు.
  
  అయితే టైబ్రేక్ స్కోరు ఆధారంగా ర్యాంక్‌ను వర్గీకరించగా... హారికకు మూడో స్థానం, జుయ్ జావోకు నాలుగో స్థానం, ఉషెనినాకు ఐదో స్థానం, బచిమెగ్‌కు ఆరో స్థానం దక్కాయి. ఆంధ్రప్రదేశ్‌కే చెందిన మరో గ్రాండ్‌మాస్టర్ కోనేరు హంపి ఐదున్నర పాయింట్లతో ఏడో స్థానంలో నిలిచింది. చివరి రౌండ్‌లో హంపి 38 ఎత్తుల్లో ఎలీనా డానిలియన్ (ఆర్మేనియా)పై గెలిచింది. 8.5 పాయింట్లతో జూ వెన్‌జున్, హూ ఇఫాన్ (చైనా) సమవుజ్జీలుగా నిలువగా మెరుగైన టైబ్రేక్ స్కోరు ఆధారంగా జూ వెన్‌జున్‌కు టైటిల్ లభించింది. హూ ఇఫాన్ రన్నరప్‌గా నిలిచింది.