free offers

దీపావళి పండుగ వేళ పెద్ద స్క్రీన్‌ టీవీ కొనాలనుకునే వినియోగదారులకు శాంసంగ్‌ ఇండియా అదిరిపోయే ఆఫర్లను ప్రకటించింది. ‘బిగ్‌, బిగ్గర్‌, బిగ్గెస్ట్‌’ పేరుతో ప్రత్యేక పండుగ ప్రచారాన్ని ప్రారంభించింది. ఇందులో భాగంగా ఎంపిక చేసిన మోడళ్లను కొనుగోలు చేసేవారికి మరో విజన్‌ ఏఐ టీవీని లేదా సౌండ్‌బార్‌ను ఉచితంగా అందించనుంది. వీటితోపాటు క్యాష్‌బ్యాక్‌, ఈఎంఐ సదుపాయాలు, ఎక్స్‌టెండెడ్‌ వారంటీ వంటి ప్రయోజనాలను ప్రకటించింది.రూ.1.59 లక్షల విలువైన టీవీ ఉచితం!ఈ ప్రచారంలో భాగంగా అర్హత కలిగిన శాంసంగ్‌ టీవీ మోడల్‌ను కొనుగోలు చేస్తే.. గరిష్ఠంగా రూ.1,59,990 విలువైన మరో విజన్‌ ఏఐ టీవీని ఉచితంగా పొందవచ్చు. లేదంటే రూ.1,10,990 వరకు విలువైన శాంసంగ్‌ సౌండ్‌బార్‌ను ఎంచుకోవచ్చు. అయితే, ఈ రెండింటిలో ఏదో ఒక ప్రయోజనాన్ని మాత్రమే పొందగలరు. ఏ టీవీ మోడల్‌ను కొనుగోలు చేశారనే దానిపై ఉచితంగా లభించే ఉత్పత్తి, దాని విలువ ఆధారపడి ఉంటాయి.20 శాతం వరకు క్యాష్‌బ్యాక్‌ఉచిత ఉత్పత్తులతోపాటు విజన్‌ ఏఐ టీవీలపై గరిష్ఠంగా 20 శాతం వరకు క్యాష్‌బ్యాక్‌ అందిస్తున్నట్లు శాంసంగ్‌ తెలిపింది. ఒకేసారి పూర్తి మొత్తాన్ని చెల్లించలేని వినియోగదారుల కోసం జీరో డౌన్‌పేమెంట్‌ ప్లాన్లను కూడా అందుబాటులోకి తెచ్చింది. అంతేకాకుండా మూడేళ్ల సమగ్ర వారంటీ ప్రయోజనాన్ని ప్రకటించింది. అయితే, ఈ ఆఫర్లకు వర్తించే అర్హతలు, నిబంధనలను కొనుగోలుదారులు ముందుగా తెలుసుకోవాలి.ఉచిత స్ట్రీమింగ్‌ ఛానెల్స్‌..‘మేడ్‌ ఫర్‌ ఇండియా’ ప్లస్‌ ప్రయోజనాల్లో భాగంగా శాంసంగ్‌ పలు అదనపు సదుపాయాలను అందిస్తోంది. శాంసంగ్‌ ఆర్ట్‌ ప్లస్‌ ద్వారా ఆర్ట్‌ స్టోర్‌కు మూడు నెలల ఉచిత యాక్సెస్‌ లభిస్తుంది. శాంసంగ్‌ టీవీ ప్లస్‌లో 200కు పైగా స్ట్రీమింగ్‌ ఛానెల్స్‌ను ఉచితంగా వీక్షించవచ్చు. శాంసంగ్‌ ఫైనాన్స్‌ ప్లస్‌ ద్వారా పేపర్‌లెస్‌ ఫైనాన్సింగ్‌ సదుపాయం పొందవచ్చు. శాంసంగ్‌ కేర్‌ ప్లస్‌ పొడిగించిన వారంటీ కవరేజీని అందించగా.. శాంసంగ్‌ సౌండ్‌ ప్లస్‌ మెరుగైన ఆడియో అనుభవంపై దృష్టి పెడుతుంది.

దేశీయ అతిపెద్ద టెలికాం కంపెనీ భారతీ ఎయిర్‌టెల్‌ బంపర్‌ ఆఫర్లు ప్రకటించింది.  #AirtelThanks ను ఎయిర్‌టెల్‌​ ప్రకటించింది. దీని కింద లోయల్‌ కస్టమర్లకు రివార్డులను ఇవ్వనున్నట్టు తెలిపింది. నెలకు రూ.100 లేదా అంతకంటే ఎక్కువ ఆర్పూ నమోదయ్యే ఎయిర్‌టెల్‌ కస్టమర్లకు, ఎలాంటి అదనపు ఛార్జీలు లేకుండా.. అదనపు ప్రయోజనాలను ఇవ్వనున్నట్టు పేర్కొంది. ఈ ప్రయోజనాల్లో ప్రీమియం డిజిటల్‌ కంటెంట్‌, ఆన్‌లైన్‌ షాపింగ్‌ ఓచర్లు ఉన్నాయి. అదేవిధంగా ఎయిర్‌టెల్‌ ఇన్‌ఫినిటీ పోస్ట్‌పెయిడ్‌ సబ్‌స్క్రైబర్లకు అదనంగా రూ.1500 విలువైన మూడు నెలల నెట్‌ఫ్లిక్స్‌ సబ్‌స్క్రిప్షన్‌ను లభించనుంది. #AirtelThanks ప్రొగ్రామ్‌ను వీ-ఫైబర్‌ హోమ్‌ బ్రాండ్‌బ్యాండ్‌ కస్టమర్లకు కూడా ఎయిర్‌టెల్‌ విస్తరించబోతుంది.  మరోవైపు ఫ్లిప్‌కార్ట్‌తో కూడా ఎయిర్‌టెల్‌ భాగస్వామ్యం పెట్టుకుంది. ఈ భాగస్వామ్యంలో భాగంగా బిగ్‌ బిలియన్‌ డేస్‌ సేల్‌లో అన్ని ఫ్లిప్‌కార్ట్‌ ఎక్స్‌క్లూజివ్‌ స్మార్ట్‌ఫోన్లపై 100జీబీ బోనస్‌ డేటాతో పాటు రూ.4500 వరకు విలువైన ప్రయోజనాలను అందించనున్నట్టు ప్రకటించింది. దీనిలో రూ.2500ను క్యాష్‌బ్యాక్‌ రూపంలో ఇస్తోంది. ఈ క్యాష్‌బ్యాక్‌ను డిజిటల్‌ ఓచర్ల రూపంలో ఆఫర్‌ చేస్తోంది. అంతేకాక ఎయిర్‌టెల్‌ తన ఇన్‌ఫినిటీ పోస్ట్‌పెయిడ్‌ ప్లాన్లు రూ.499, ఆపై మొత్తాల రీఛార్జ్‌లపై రూ.1500 విలువైన మూడు నెలల నెట్‌ఫ్లిక్స్‌ సబ్‌స్క్రిప్షన్‌ గిఫ్ట్‌ ఓచర్‌ను కూడా ఎలాంటి అదనపు ఛార్జ్‌ లేకుండా అందిస్తోంది. ఈ సబ్‌స్క్రిప్షన్‌ గిఫ్ట్‌ ఎయిర్‌టెల్‌ టీవీ యాప్‌, మై ఎయిర్‌టెల్‌ యాప్‌ ద్వారా అందుబాటులో ఉంటుంది. ఎయిర్‌టెల్‌ పోస్ట్‌పెయిడ్‌, ప్రీపెయిడ్‌ కస్టమర్లకు జీ5 కంటెంట్‌ కూడా ఉచితంగా లభించనుంది.


 న్యూఢిల్లీ: టెలికం పరిశ్రమలో ఉచిత ఆఫర్లు ఎక్కువౌతోన్న నేపథ్యంలో టెల్కోలు కొత్త విధానాన్ని తెరపైకి తెచ్చాయి. ఇవి వాయిస్, డేటా సేవలపై ఫ్లోర్‌ ప్రైస్‌ను అమలుచేయాలని టెలికం రెగ్యులేటర్‌ ట్రాయ్‌ను కోరాయి. ఫ్లోర్‌ ప్రైస్‌ విధానంలో ఒక ఆపరేటర్‌ నిర్దేశించిన ధరకు తక్కువగా వాయిస్, డేటా సర్వీసులను కస్టమర్లకు ఆఫర్‌ చేయకూడదు.
 
 ఏడు ప్రధాన టెలికం కంపెనీలకు చెందిన ప్రతినిధులు గురువారం ట్రాయ్‌ చైర్మన్‌తో సమావేశమయ్యారు. టెల్కోలు ఫ్లోర్‌ ప్రైస్‌ అంశం గురించి తమతో చర్చించాయని ట్రాయ్‌ చైర్మన్‌ ఆర్‌.ఎస్‌.శర్మ తెలిపారు. ‘ఫ్లోర్‌ ప్రైస్‌ అనేది టెక్నాలజీ, నెట్‌వర్క్‌ వినియోగం, పరిమాణం వంటి చాలా అంశాలపై ఆధారపడుతుంది.ఇది క్లిష్టమైనది. దీనిపై చాలా స్పష్టత రావాల్సి ఉంది’ అని వివరించారు. అయితే దీనిపై ఎప్పుడు నిర్ణయం తీసుకుంటారో మాత్రం చెప్పలేదు.


 న్యూఢిల్లీ : రిలయన్స్ జియో అందించే ఉచిత ఆఫర్లపై స్టే విధించడానికి టెలికాం ట్రిబ్యునల్ నిరాకరించింది. జియో ఉచిత సేవల నిలిపివేతకు నిరాకరించిన టెలికాం డిస్ప్యూట్స్ సెటిల్మెంట్ అండ్ అప్పీలెట్ ట్రిబ్యునల్(టీడీశాట్), అయితే ఆ ఆఫర్లను కొనసాగించుకునేలా ఆపరేటర్ కు ఇచ్చిన జనవరి 31 నాటి అనుమతిని పునఃపరిశీలించాలని ట్రాయ్ ను ఆదేశించింది. రెండు వారాల్లో దీనిపై ఓ నివేదికను తమకు అందించాలని ట్రాయ్ కి టీడీశాట్ ఆదేశాలు జారీచేసింది. రిలయన్స్ జియో అందిస్తున్న ఉచిత ఆఫర్లపై స్టే విధించాలని కోరుతూ టెలికాం కంపెనీలు వేసిన మధ్యంతర అప్పీల్ పై ఆదేశాలను టీడీశాట్ రిజర్వులో పెట్టిన సంగతి తెలిసిందే.
  
 అయితే ప్రస్తుతం జియో అందిస్తున్న ఉచిత ఆఫర్లు కొనసాగేలా, ఆఫర్లపై స్టే విధించడానికి టీడీశాట్ నిరాకరించింది. గతేడాది సెప్టెంబర్ నుంచి జియో ఉచిత వాయిస్, డేటా ప్లాన్ ను కస్టమర్లకు అందిస్తోంది. డిసెంబర్ లో మళ్లీ తమ ఉచిత సర్వీసులను 2017 మార్చి 31 వరకు పొడిగించింది. దీనిపై ఆగ్రహించిన టెలికాం కంపెనీలు ట్రాయ్ కు వ్యతిరేకంగా టీడీశాట్ ను ఆశ్రయించాయి. జియో ఉచిత కాలింగ్, డేటా ప్లాన్ నిబంధనలకు అనుగుణంగానే ఉన్నాయని, ఎలాంటి ఉల్లంఘన కంపెనీ చేయడం లేదని రెగ్యులేటరీ ట్రాయ్ క్లీన్ చీట్ ఇచ్చింది. జియో వెల్ కమ్ ఆఫర్ కు, హ్యాపీ న్యూఇయర్ ఆఫర్ కు తేడా ఉందని ట్రాయ్ పేర్కొంది.